အမွေမပေးသဖြင့် ဖခင်ကို သားနှင့်ချွေးမက မီးရှို့

အမွေမပေးလို့ သားနဲ့ချွေးမဖြစ်တို့က ဖခင်ဖြစ်သူကို မီးရှိုခဲ့တယ်လို့ ရဲတပ်ဖွဲ့က ထုတ်ပြန်ပါတယ်။ အင်းစိန်မြို့နယ်၊ စော်ဘွားကြီးကုန်းရပ်ကွက်မှာနေတဲ့ အသက် ၇၂ နှစ်အရွယ် ဦးရှိန်ဝင်းက အင်းစိန်မြို့နယ်၊ ဖော့ကန်မှာနေတဲ့ သူနဲ့ ရင်းနှီးသူ အောင်ထွန်းလင်းဆီကို ဖေဖော်ဝါရီ ၇ ရက်နေ့ ညနေပိုင်းက ဖုန်းနဲ့ဆက်သွယ်ပြီး သူ့ရဲ့ သားဖြစ်သူနဲ့ ချွေးမဖြစ်သူတို့က မီးရှို့ထားတယ်လို့ ပြောဆိုခဲ့ပါတယ်။ ဒါကြောင့် အင်းစိန်မြို့မရဲစခန်းက တပ်ဖွဲ့ဝင်တွေက သက်သေတွေနဲ့ သွားရောက်ကြည့်ရှုရာမှာ ဦးရှိန်ဝင်းကို ခုတင်ပေါ်မှာ မီးလောင်ဒဏ်ရာတွေနဲ့ တွေ့ခဲ့ရပါတယ်။ မေးမြန်းကြည့်တဲ့အခါမှာတော့ အသက် ၄၀ အရွယ်သားဖြစ်သူ မောင်မောင်ဇေလင်းနဲ့ အသက် ၃၅ နှစ်အရွယ် ခိုင်စုသော်တို့က အမွေတောင်းတာကို မပေးနိုင်ဘူးလို့ ပြောခဲ့တာကြောင့် ခန္ဓာကိုယ် အောက်ပိုင်းကို မီးနဲ့ရှို့ခဲ့တာလို့ သိရပါတယ်။ ဒါကြောင့် မောင်မောင်ဇေလင်းနဲ့ ခိုင်စုသော်တို့ကို အင်းစိန်မြို့မရဲစခန်းမှာ လူသတ်ဖို့ အားထုတ်မှု၊ အပြင်းအထန်နာကျင်စေမှု ရာဇသတ်ကြီးပုဒ်မ ၃၀၇/၃၂၆ နဲ့ အမှုဖွင့်ထားတယ်လို့ မြန်မာနိုင်ငံရဲတပ်ဖွဲ့က ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up