ဆူဒန်တွင် ဆန္ဒပြပွဲများကို လုံခြုံရေးတပ်ဖွဲ့က မျက်ရည်ယိုဓာတ်ငွေ့သုံး လူစုခွဲ

ဆူဒန်နိုင်ငံ မြို့တော် ခါတွန်နဲ့ တခြားနေရာတွေမှာ ဇန်နဝါရီ ၃၁ ရက်နေ့က ဖြစ်ပွားခဲ့တဲ့ ဆန္ဒပြပွဲကို လုံခြုံရေးတပ်ဖွဲ့ဝင်တွေက မျက်ရည်ယိုဓာတ်ငွေ့ သုံးပြီး လူစုခွဲခဲ့ပါတယ်။ ရိုက်တာသတင်းဌာနက ရရှိတဲ့ ဗွီဒီယိုထဲမှာတော့ အွမ်ဒါမန်မြို့မှာ ဆန္ဒပြသူတွေက အစိုးရဆန့်ကျင်ရေး ကြွေးကြော်သံတွေ ဟစ်ကြွေးသလို တချို့ကလည်း ဓာတ်ငွေ့တွေ မရှူရှိုက်မိအောင် မျက်နှာတွေ သစ်နေတာ တွေ့ရပါတယ်။ ဆန္ဒပြတာနဲ့ ပတ်သက်လို့ ဒဏ်ရာရတဲ့သတင်း၊ ဖမ်းဆီးတဲ့သတင်းတွေကို ချက်ချင်း မသိရသေးပါဘူး။ ဆူဒန်နိုင်ငံမှာ ကုန်ဈေးနှုန်း ကြီးမြင့်တာကို ဆန့်ကျင်တဲ့ သီတင်း ၆ ပတ်ကျော်  ဆန္ဒပြပွဲတွေအတွင်း လူဒါဇင်နဲ့ချီ သေဆုံးခဲ့ပါတယ်။ ဇန်နဝါရီ ၃၁ ရက်နေ့ကလည်း မြို့တော် ခါတွန်နဲ့ ဂျက်ဇီးရာပြည်နယ်ကနေ တောင်ပိုင်းတလျှောက်ရှိ ရွာတွေမှာလည်း ဆန္ဒပြပွဲတွေ အသစ်တဖန် ပေါ်ပေါက်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up