A d v e r t i s e m e n t With Us

မြန်မာကို ကုန်သွယ်မှုအထူးအခွင့်အရေး ပြန်ပေးရန် ဥရောပကော်မရှင်တင်ပြ

မြန်မာနိုင်ငံကို အထူးကုန်သွယ်အခွင့်အရေးတွေ ပြန်လည်ပေးအပ်ဖို့ ဥရောပကော်မရှင်က အဆိုပြုတင်ပြလိုက်ပါတယ်။ မြန်မာနိုင်ငံရဲ့ လက်ရှိ နိုင်ငံရေး၊ လူမှုရေး အလုပ်သမားရေးရာ ကိစ္စတွေနဲ့ ပတ်သက်တဲ့ ဆောင်ရွက်ချက်တွေကို အီးယူက အသိအမှတ်ပြုလိုက်ပြီးနောက် အဆိုပြုလိုက်တာဖြစ်ပါတယ်။ ဒီအဆိုပြုချက်ထဲမှာ လက်နက်တင်ပို့မှုကလွဲလို့ ကျန်ပစ္စည်းတွေအကုန်လုံးကို ပုံမှန်အတိုင်း ပြန်လည်ကုန်သွယ်ခွင့်ပြုတဲ့ အစီအစဉ်ဖြစ်ပါတယ်။ မြန်မာအပါအ၀င် ဖွံ့ဖြိုးမှုအနည်းဆုံး (LDC) နိုင်ငံတွေဟာ စက်မှုနိုင်ငံကြီးတွေထံကနေ ကုန်သွယ်မှုမြင့်မားလာစေဖို့အတွက် ပို့ကုန်ဆိုင်ရာ မျက်နှာသာပေးတဲ့ အထူးအခွင့်အရေး (ဂျီအက်စ်ပီ) ကို ရရှိကြပါတယ်။ မြန်မာနိုင်ငံရဲ့ လူ့အခွင့်အရေးချိုးဖောက်မှု အခြေအနေတွေကြောင့် ဥရောပနိုင်ငံတွေက မြန်မာနိုင်ငံအတွက် ခွင့်ပြုထားတဲ့  အထူးအခွင့်အရေး (ဂျီအက်စ်ပီ) ကို ၁၉၉၇ ခုနှစ်မှာ ပိတ်ပင်ထားတာပါ။  ချမှတ်တဲ့ စီးပွားရေးဒဏ်ခတ်ပိတ်ဆို့မှုတွေကို ဥရောပသမဂ္ဂက ဖယ်ရှားပေးဖို့ရှိနေပါတယ်။ ပြီးခဲ့တဲ့ ဇွန်လမှာ ကမ္ဘာ့အလုပ်သမားအဖွဲ့ချုပ် (အိုင်အယ်လ်အို) အရာရှိကြီးတွေ လာရောက်ပြီး မြန်မာနိုင်ငံရဲ့ ပြုပြင်ပြောင်းလဲရေးတွေကို အသိအမှတ်ပြုခဲ့ပြီးတဲ့နောက် ပြန်ရဖို့ လမ်းပြန်ပွင့်သွားတာပါ။ ဥရောပကော်မရှင်ရဲ့အဆိုပြုချက်ကို ဥရောပကောင်စီနဲ့ ဥရောပ ပါလီမန်က သဘောတူညီချက် ရရင် အသက်ဝင်မှာဖြစ်ပြီး စောင့်ကြည့်သူတွေ အဆိုအရ ဒီနှစ်အတွင်း အတည်ပြုဖို့များတယ်လို့ ဆိုပါတယ်။ အီးယူက အထူးအခွင့်အရေးကို ရုပ်သိမ်းထားတဲ့အတွက် ပို့ကုန်အပေါ် အခွန် ၁၀ ရာခိုင်နှုန်းကနေ ၁၃ ရာခိုင်နှုန်းထိ ကောက်ခံနေတာကြောင့် မြန်မာ့အထည်ချုပ် လုပ်ငန်းဟာ မထိုးဖောက် နိုင်ဘဲ ဖြစ်နေရပါတယ်။ ပြောင်းလဲမှုတွေကြောင့် အထည်ချုပ်လုပ်ငန်းမှာ ရင်းနှီးမြှုပ်နှံဖို့ လာရောက်စုံစမ်းမှုတွေ တိုးများလာနေပါတယ်လို့ အထည်ချုပ်လုပ်ငန်းရှင်တွေက  ပြောပါတယ်။ ဥရောပကော်မရှင်ရဲ့အဆိုပြုတင်ပြချက် ထွက်ပေါ်လာပြီဖြစ်လို့   မြန်မာနိုင်ငံ အထည်ချုပ် လုပ်ငန်းရှင်များအသင်း အတွင်းရေးမှူး ဦးမြင့်စိုးက အလားအလာ ကောင်းတယ်လို့ ပြောပါတယ်။ ဒီအဆိုပြုချက်သာ အတည်ဖြစ်သွားရင် အထည်ချုပ်လုပ်ငန်း၊ သစ်လုပ်ငန်းနဲ့ အသားတင်ပို့မှုလုပ်ငန်းတွေကောင်းပြီး အလုပ်အကိုင်အခွင့်အလမ်းတွေ ရလာမယ်လို့ သူက ပြောပါတယ်။ ဒီအခွင့်အလမ်းဟာ အခုလတ်တလောမှာ လာအို၊ ကမ္ဘောဒီးယားတို့မှာ ခံစားနေရပြီး မြန်မာကိုလည်း  အီတလီ၊ ဂျာမဏီ၊ စပိန်၊ နယ်သာလန်အပါအ၀င် ဥရောပနိုင်ငံတွေက လာရောက် စုံစမ်းနေကြတယ်လို့ ပြောပါတယ်။ မြန်မာ့အထည်ချုပ်ဈေးကွက်ဟာ ကနဦးပိုင်းက အမေရိကန်ပြည်ထောင်စုနဲ့ ဥရောပသမဂ္ဂဖြစ် ပါတယ်။ ၂၀၀၀ ခုနှစ်ခန့်က မြန်မာ့အထည်ချုပ်ရဲ့တ၀က်ကျော်ဟာ အမေရိကန်ပြည်ထောင်စုကို တင်ပို့ခဲ့ပြီး မြန်မာ့အထည်ပို့ကုန် ၄၀ ရာခိုင်နှုန်းက ဥရောပသမဂ္ဂကို တင်ပို့ခဲ့တာဖြစ်ပါတယ်။ စီးပွားရေးပိတ်ဆို့မှုတွေကြောင့် အထည်ပို့ကုန်တွေဟာ ဂျပန်နဲ့ ကိုရီးယားဘက်ကို ဦးတည်ခဲ့ပါတယ်။ အမေရိကန်နဲ့ အီးယူရဲ့ စီးပွားရေးဒဏ်ခတ်ပိတ်ဆို့မှုဟာ မြန်မာ့အထည်ချုပ်လုပ်ငန်းကို ထိခိုက်ခဲ့ပြီး ထောင်သောင်းချီတဲ့ မြန်မာအထည်ချုပ်လုပ်သားတွေဟာ လုပ်ခပိုမိုရရှိတဲ့ အိမ်နီးချင်း ထိုင်းနိုင်ငံက အထည်ချုပ်စက်ရုံတွေမှာ လုပ်ကိုင်နေကြပါတယ်။

A d v e r t i s e m e n t With Us

More News
Up