A d v e r t i s e m e n t With Us

ကေကေအိုဥက္ကဋ္ဌနှင့် အထွေထွေအတွင်းရေးမှူးကို တာဝန်ကနေ ယာယီရပ်ဆိုင်း

စောဂုဏျအောငျ
ဒီကေဘီအေရဲ့ နိုင်ငံရေးအဖွဲ့ဖြစ်တဲ့ ကလိုထူးဘော ကရင်အစည်းအရုံး (ကေကေအို)ရဲ့ ဥက္ကဋ္ဌနဲ့ အထွေထွေအတွင်းရေးမှူး ၂ ဦးကို နာယကဖြစ်သူက တာဝန်ကနေ ယာယီရပ်ဆိုင်းလိုက်ပါတယ်။ ကလိုထူးဘောကရင်အစည်းအရုံးရဲ့ ဥက္ကဋ္ဌ မန်းရောဘတ်ဇံနဲ့ အထွေထွေအတွင်းရေးမှူး ဦးသောမတ် (ခေါ်) စောဂုဏ်အောင်တို့ကို တခြားနိုင်ငံသားခံယူမှုနဲ့ ထိုင်းနိုင်ငံ ချင်းမိုင်မြို့မှာ ကျင်းပတဲ့ အစည်းအဝေးကို ခွင့်ပြုချက်မရဘဲ တက်ရောက်မှုတို့နဲ့ တာဝန်ကနေ ယာယီ ရပ်ဆိုင်းလိုက်တာလို့  မနေ့က ထုတ်ပြန်လိုက်ပါတယ်။ [caption id="attachment_30679" align="alignleft" width="300" caption="မန်းရောဘတ်ဇံ"][/caption] ကလိုထူးဘောကရင်အစည်းအရုံး နာယကလည်းဖြစ် ဒီကေဘီအေ စစ်ဦးစီးချုပ်လည်းဖြစ်တဲ့ ဗိုလ်ချုပ်စောလားပွယ် (ဗိုလ်နှုတ်ခမ်းမွှေး) ရဲ့ ထုတ်ပြန်ကြေညာချက်မှာ သူတို့ ၂ ဦးဟာ အဖွဲ့အစည်းရဲ့ မူဘောင်ကို ကျော်လွန် လုပ်ဆောင်နေကြသလို  ပြည်ပ နိုင်ငံသား ခံယူထားကြတဲ့အတွက်  အဖွဲ့အစည်းအနေနဲ့ တရားဝင်ရှေ့ဆက်နိုင်ရန် အဟန့်အတားဖြစ်နေလို့ တာဝန်က ရပ်ဆိုင်းလိုက်တာလို့ ဖော်ပြထားပါတယ်။ ဒီထုတ်ပြန်ကြေညာချက်နဲ့ ပတ်သက်ပြီး အထွေအထွေအတွင်းရေးမှူး စောဂုဏ်အောင် ကို မေးမြန်းရာမှာတော့ ချင်းမိုင်မှာ မကြာခင်လုပ်မယ့် တိုင်းရင်းသားပေါင်းစုံ ညီလာခံတက်ဖို့ အစိုးရဘက်က မလိုလားလို့ ဒီကေဘီအေက ခေါင်းဆောင်ကို ဖိအားပေးတာလို့ ပြောပါတယ်။ [caption id="attachment_30680" align="alignright" width="300" caption=" စောဂုဏ်အောင်"][/caption] “ချင်းမိုင်အစည်းအဝေးကိုတက်တဲ့ အနေအထားပေါ်မှာ ပြောမယ် ဆိုရင်တော့ တိုင်းရင်းသား အဖွဲ့အစည်းတွေနဲ့ ကျနော်တို့နဲ့ အဓိကတွေ့ဆုံမယ့် ပွဲဖြစ်တယ်။ အဲလို တိုင်းရင်းသားအဖွဲ့အစည်းတွေနဲ့ ကျနော်တို့တွေ တွေ့သွားရင် စည်းလုံးညီညွတ်မှုရသွားမှာကို ရန်သူကကြောက်တယ်။ အဲလိုကြောက်တဲ့အပေါ်မှာ ဒီကဘေီအေက ခေါင်းဆောင်တွေကို ဖိအားပေးတဲ့ပုံစံမျိုးရှိမယ်လို့ သုံးသပ်မိတယ်။” သူတို့ကို အခုလို တာဝန်ရပ်ဆိုင်းလိုက်တဲ့အတွက် လာမယ့် ၁၄ ကနေ ၁၆ ရက်နေ့အထိ ချင်းမိုင်မြို့မှာ ကျင်းပမယ့် တိုင်းရင်းသားပေါင်းစုံညီလာခံကို တက်မှာမဟုတ်တော့ဘူး လို့ စောဂုဏ်အောင်က ပြောပါတယ်။ ပြည်ပနိုင်ငံသားခံယူခြင်းအကြောင်းနဲ့ပတ်သက်ပြီး အရင်က သူ့အနေနဲ့ ဂျပန်နိုင်ငံမှာ သွားနေခဲ့ဖူးပေမယ့် နိုင်ငံသားမဖြစ်ခဲ့ကြောင်းနဲ့ ဥက္ကဋ္ဌဖြစ်သူ မန်းရောဘတ်ဇံကတော့ အမေရိကန် နိုင်ငံသား ဖြစ်ကြောင်း ပြောပါတယ်။ ကလိုထူးဘောကရင်အစည်းအရုံးဟာ ကလိုထူးဘောတပ်ဖွဲ့ကို  အခြေခံ ဖွဲ့စည်းခဲ့တာဖြစ်ပြီး ဗိုလ်ချုပ်စောလားပွယ်မှာ တပ်နှင့်ပါတီအကြား သဘောထားမျှတစေရန် ထိန်းသိမ်းလာခဲ့ကြောင်း၊ သို့သော် ကလို့ထူးဘောကရင်အစည်းအရုံးရဲ့ အချို့ကိစ္စရပ်တွေကို  မိမိအား တိုင်ပင်ခြင်း မရှိဘဲ လုပ်ဆောင်မှုကြောင့် ဖြစ်ပေါ်လာသည့် ပြဿနာတွေကို တာဝန်မခံနိုင်တော့တဲ့ အခြေအနေကြောင့် သူတို့ ၂ ဦးကို တာဝန်ကနေ ယာယီရပ်ဆိုင်းလိုက်တာလို့ ဗိုလ်ချုပ်စောလားပွယ် ကိုယ်တိုင် လက်မှတ်ရေးထိုး ကြေညာခဲ့တာဖြစ်ပါတယ်။ ဒီကေဘီအေတပ်ဖွဲ့အများစုဟာ နယ်ခြားစောင့်တပ်အသွင်ပြောင်းထားပေမယ့် ဗိုလ်ချုပ် စောလားပွယ်ဦးဆောင်တဲ့ ကလိုထူးဘောတပ်ကတော့ အသွင်ပြောင်းခြင်းမရှိခဲ့ဘဲ ၂၀၁၀ ရွေးကောက်ပွဲမှာ အစိုးရနဲ့ပြန်လည် တိုက်ခိုက်ခဲ့ပါတယ်။ ၂၀၁၁ နှစ်ကုန်ပိုင်းမှာတော့ အစိုးရနဲ့ အပစ်အခတ်ရပ်စဲရေး ပြန်လုပ်ပြီးနောက် နိုင်ငံရေးအဖွဲ့ဖြစ်တဲ့ (ကေကေအို) ကို ဖွဲ့စည်းခဲ့တာ ဖြစ်ပါတယ်။

A d v e r t i s e m e n t With Us

More News
Up