ငြိမ်းချမ်းရေးနှင့်လူမှုစီးပွားဘ၀တိုးတက်ရေး ဒုသမ္မတ ၂ ဦး နှစ်သစ်ဆုတောင်း
DVB
·
January 1, 2019
နှစ်သစ်မှာ တိုင်းရင်းသား ပြည်သူတရပ်လုံး မျှော်လင့်တောင့်တနေတဲ့ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးတို့ကို အမြန်ဆုံးရရှိပြီး လူမှုစီးပွားဘ၀တွေ မြင့်မားတိုးတက်ဖို့ ဒုသမ္မတ (၁) ဦးမြင့်ဆွေက ပြောကြားလိုက်ပါတယ်။
၂၀၁၉ နှစ်သစ်ကူးနှုတ်ခွန်းဆက် အမှာစကားပြောကြားရာမှာ တိုင်းရင်း သားပြည်သူတွေအားလုံး နှစ်သစ်အခါသမယမှာ ကျန်းမာချမ်းသာ မင်္ဂလာအပေါင်းနဲ့ ပြည့်စုံကြဖို့ ဆုတောင်းစကားပြော ကြားလိုက်တာဖြစ်ပါတယ်။
ဒုသမ္မတ (၂) ဦးဟင်နရီဗန်ထီးယူကလည်း ဒီမိုကရေစီဖယ်ဒရယ် ပြည်ထောင်စု တည်ဆောက်နိုင်ဖို့ ပြည်တွင်း ငြိမ်းချမ်းရေး ရရှိရေး၊ ပြည်သူတွေ လူမူစီးပွားဘ၀ တိုးတက်ရေး၊ တရားဥပဒေစိုးမိုးရေးတို့ လုပ်ဆောင်ရာမှာ စိန်ခေါ်မှုတွေ၊ အခက်အခဲတွေကို အခွင့်လမ်းတွေအဖြစ် ပြောင်းလဲပြီး စုပေါင်းအားနဲ့ စည်းလုံးညီညွှတ်စွာ ရင်ဆိုင်ဖြေရှင်းဖို့ တိုက်တွန်းသွားပါတယ်။
