နေ့လယ် တရေးမှေးတတ်တဲ့ အကျင့်ဟာ ကျန်းမာရေးအတွက် ကောင်းလား၊ ဆိုးလား

နေ့ခင်းဆို တမှေး အိပ်လိုက်ရမှ  နေ့လည်စာလေးစားပြီး ထမင်းလုံးစီလိုက်ရမှ ဆိုတဲ့သူတွေ ရှိပါသလား။ တစ်ချို့ နေ့ခင်း တရေးအိပ်တာကို ကျန်းမာရေးအတွက် မကောင်းဘူးလို့ ပြောတဲ့သူရှိသလို တစ်ချို့ကျတော့လည်းကျန်းမာရေးအတွက် အထောက်အကူပြုတယ်လို့ ပြောကြတဲ့သူတွေလည်းရှိပါတယ်။ ဒီလို နှစ်ခြမ်းကွဲနေတဲ့ အုပ်စုကြီး ဘယ်သူက မှန်လဲ ဘယ်သူမှားလဲ ။  ။

နေ့လည်ခင်း တရေးအိပ်ခြင်း ။   ။

အရာရာတိုင်းက အကောင်းနဲ့ အဆိုးအမြဲဒွန်တွဲနေတာပါ။ အသွားမတော် တစ်လှမ်း အစားမတော်တစ်လုတ်ဆိုသလိုပဲ မှန်ကန်တဲ့ ဘောင်ထဲက လုပ်မှသာ ကောင်းကျိုးတွေ ပြည့်ပြည့်ဝဝ ခံစားရမှာပါ။ ဒီလိုပဲ နေ့လည်ခင်း တရေးအိပ်တာမှာ ကောင်းကျိုးတွေ ရှိသလို ဆိုးကျိုးတွေလည်း ရှိပါတယ်။  ။

နေ့လည် တရေးအိပ်တာက ကျန်းမာရေးကို အထောက်အကူပြုလား ၊ ထိခိုက်စေလား။  ။

  • နေ့လည်ခင်း တရေးအိပ်တာဟာ ညဘက်အိပ်မပျော်တဲ့သူတွေအတွက်တော့ တကယ်ကို အားပြည့်စေမယ့် အပြုအမူတစ်ခုပဲဖြစ်ပါတယ်။ ခဏလောက် မှေးကနဲ အိပ်ပျော်သွားရင်တောင် လိုနေတဲ့ အားအင်တွေ ပြည့်ဝသွားသလို ခံစားရစေမှာပါ။
  • နေ့လည်  တရေးမှေးတဲ့သူတွေဟာ မှတ်ဉာဏ်ပိုပြီး ရင့်သန်တယ်လို့ ဆိုပါတယ်။
  • နေ့လည်ခင်း တရေးအိပ်တာဟာ သွေးပေါင်ချိန်ကိုလည်း လျှော့ချပေးလို့ သွေးတိုးနေတဲ့သူတွေအတွက် သတင်းကောင်းတစ်ခုပါ။
  • Narcolapsy ရောဂါလို့ခေါ်တဲ့ နာတာရှည် အာရုံကြော ဝေဒနာခံစားနေရတဲ့ သူတွေ နေ့လည်ခင်းမှာ တရေး အိပ်ပေးရင် ခံစားနေရတဲ့ ဝေဒနာတွေ သက်သာသွားတယ်လို့ ဆိုပါတယ်။

ကောင်းတဲ့ အချက်တွေပြီးတော့ ဆိုးတဲ့အချက်တွေ လာပါပြီ။  ။

  • နေ့လည်ခင်း မှာ အိပ်လွန်းရင် အချိန်ကြာလာတာနဲ့ အမျှ ညဘက် အိပ်မပျော်တဲ့ ဝေဒနာတွေ စတင်ခံစားရတတ်ပါတယ်။
  • နေ့လည် တရေးမှေးတယ်ဆိုတာ လုပ်ကိုလုပ်ရမယ်လို့ မဆိုလိုပါဘူး။ မအားလို့ မအိပ်ရင်လည်း ဘာခံစားမှုမှ ဖြစ်မနေရပါဘူး။ ဒါပေမယ့် နေ့ခင်းရောက်ပြီဆိုတာနဲ့ မအိပ်ဘဲ မနေနိုင်ဘူးဆိုရင်တော့ ညဘက်သင့်အိပ်စက်ခြင်း စက်ဝန်းမှာ ပြဿနာတစ်ခုခုရှိနေပါပြီ။
  • နေခင်းဘက် အိပ်စက်ချိန် များတဲ့သူတွေဟာ ဆီးချိုဖြစ်နိုင်ချေ ပိုများတယ်လို့ဆိုပါတယ်။
  • နေ့ခင်းဆို တက်ကြွမှု မရှိဘဲ အိပ်ချင်နေတဲ့သူတွေဟာ စိတ်ဓာတ်ကျဝေဒနာ ခံစားရဖို့ ပို လွယ်တယ်လို့လည်း ဆိုပါတယ်။
ကဲ ဒီတော့ နေ့လည် ဘက်တရေးမှေးတာမှာ ကောင်းတဲ့ အချက်တွေ ရှိသလို ဆိုးတဲ့အချက်တွေလည်း ရှိပါတယ် စာဖတ်ပရိသတ်ကြီးရေ။ ဒီလိုဆို ကိုယ်က နေ့လည် တရေးလည်း မှေးချင် ကျန်းမာရေးကိုလည်း မထိခို်က်စေချင်ဘူးဆို ဘယ်လို အကျိုးရှိအောင် အိပ်ရမလဲဆိုတဲ့ အချက်တွေကို ပြောပြပေးမယ်နော် ။  ။
  • မိနစ် ၂၀ ထက် ကြာအောင် မအိပ်ပါနဲ့။ မိနစ် ၂၀လောက်ပဲ တရေးမှေးမှ ပြန်နိုးလာတဲ့အချိန်မှာ အားအင်တွေပြည့်ဝနေပါလိမ့်မယ်။ မိနစ် ၂၀ ထက်ကြာသွားရင် ပြန်နိုးလာတဲ့အခါ နုန်းနေသလို ခံစားရပါလိမ့်မယ်။
  • နေ့လည်ဘက်ဆို ပတ်ဝန်းကျင်က ဆူနေတာများတဲ့အတွက် ဆိတ်ငြိမ်တဲ့  ဝန်းကျင်ကို ရွေးပြီးမှ တရေးမှေးပါ။
  • နေ့လည် ၂ နာရီနောက်ပိုင်းမှ တရေးအိပ်ရင် ညဘက် အိပ်စက်ခြင်းစက်ဝန်းကို ထိခိုက်စေတတ်လို့ ၂ နာရီ မတိုင်ခင် တရေးအိပ်တာကသာ အကောင်းဆုံးပါ။ ။
ကဲဒီတော့ နေ့လည် တရေးမှေးတတ်တာဟာ  ကောင်းတဲ့အချက်တွေလည်းရှိသလို နည်းလမ်းမှားနေရင် ကျန်းမာရေးကို ထိခိုက်စေတဲ့ အချက်တွေလည်း ရှိတယ်ဆိုတဲ့ အကြောင်းကို သိသွားလောက်ပြီလို့ထင်ပါတယ်နော်။  ။ ရေးသားသူ Dr. Thin Yadanar @ Frances ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up