သရုပ်ဆောင် မိုးအောင်ရင်ကို ထောင်ဒဏ် ၁၂ နှစ် ထပ်မံချမှတ်

မူးယစ်ဆေးဝါးများဆိုင်ရာ ဥပဒေပုဒ်မ၁၉ (က)နဲ့ တရားစွဲဆိုခံထားရတဲ့ သရုပ်ဆောင် မိုးအောင်ရင်ကို ဒီဇင်ဘာ ၁၂ ရက်နေ့မှာ အရှေ့ပိုင်းခရိုင်တရားရုံးက ထောင်ဒဏ် ၁၂ နှစ် ထပ်မံချမှတ်ခဲ့ပါတယ်။ မူးယစ်ဆေးဝါးများဆိုင်ရာ ဥပဒေပုဒ်မ၁၉ (က) ရောင်းဝယ်ရန်အလို့ငှာ လက်ဝယ်ထားရှိမှုနဲ့ တရားစွဲဆိုခံထားရတဲ့ တရားခံ ဘုန်းမြင့်အောင်ပါ ၃ ယောက်ကို ဒီဇင်ဘာ ၁၂ ရက်နေ့ အပြီးသတ်အမိန့်ချခဲ့တာပါ။ မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာ ဥပဒေပုဒ်မနဲ့ တရာခံ (၁) ဘုန်းမြင့်အောင်ကို ပုဒ်မ ၁၅ အရ ထောင်ဒဏ် ၃ နှစ် ပုဒ်မ ၁၉(က) အရ အလုပ်နှင့် ထောင်ဒဏ် ၁၂ နှစ်၊ တရားခံ ၂ လူလူသန်းဦးကို ပုဒ်မ ၁၅ အရ အလုပ်နှင့်ထောင်ဒဏ် ၃ နှစ်၊ တရားခံ ၃ သရုပ်ဆောင် မိုးအောင်ရင်ကို ပုဒ်မ၁၉(က)အရ အလုပ်နှင့် ထောင်ဒဏ် ၁၂ နှစ်ကျခံစေဖို့  ရန်ကုန် အရှေ့ပိုင်းခရိုင် တရားရုံးမှာ ဒီဇင်ဘာလ ၁၂ ရက်နေ့က အမိန့်ချမှတ်ခဲ့ပါတယ်။ ပြီးခဲ့တဲ့ နိုဝင်ဘာ ၂၆ ရက်နေ့က ပုဇွန်တောင်မြို့နယ်တရားရုံးမှာ သရုပ်ဆောင် မိုးအောင်ရင်ကို  ပုဒ်မ ၁၅၊ ပုဒ်မ၁၆ (ဂ) အရ အလုပ်နဲ့ထောင်ဒဏ် ၅ နှစ်ချမှတ်ခဲ့ပါသေးတယ်။ ၂ဝ၁၆ ခုနှစ်၊ သြဂုတ်လ ၂၉ ရက်နေ့က မိုးအောင်ရင်ကို အိုက်စ်မူးယစ်ဆေးဝါး ၁ ဂရမ်နှင့်အတူ ပုဇွန်တောင်မြို့နယ်ရှိ သူ့ရဲ့ ရည်စားဖြစ်သူနေအိမ်မှာ ဖမ်းဆီးရမိခဲ့ပြီး မိုးအောင်ရင် နေအိမ်ဖြစ်တဲ့ တာမွေမြို့နယ်နေအိမ်ကို ရဲတပ်ဖွဲ့က သတင်းအရ ဝင်ရောက်ရှာဖွေခဲ့ရာ မိုးအောင်ရင် သူငယ်ချင်းဖြစ်သူ လူလူသန်းဦးနှင့် ဘုန်းမြင့်အောင် (ခ) ဒေးဗစ်တို့ ၂ ဦးကို ဆေးခြောက် ၁၃၃၄ ဒသမ ၃၃ ဂရမ်နှင့်အတူ ဖမ်းဆီးရမိခဲ့တာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up