နမ်းဟူးရွာသားများအား ပစ်သတ်ခဲ့သည့်ကိစ္စ RCSS အဖွဲ့ ဝန်ခံ
DVB
·
December 12, 2018
လွိုင်လင်မြို့နယ်မှာ နမ်းဟူးရွာသား ၅ ဦးအား ပစ်သတ်ခဲ့တာဟာ သူတို့အဖွဲ့ဖြစ်ကြောင်း ရှမ်းပြည်ပြန်လည်ထူထောင်ရေးကောင်စီ- ရှမ်းပြည်တပ်မတော် RCSS/SSA အဖွဲ့ တောင်ကြီး ဆက်ဆံရေးရုံး တာဝန်ခံ ဗိုလ်မှူးကြီး စိုင်းဦးက ဒီနေ့ ဝန်ခံပြောကြားလိုက်ပါတယ်။
“ဖြစ်စဉ်အစကတော့ မသိဘူး၊ ကျနော်တို့သိရတာတော့ အဖြစ်ပျက်နောက်ပိုင်းပေါ့၊ ကျနော်တို့ ရဲဘော်တပ်ဖွဲ့ဝင် သိပ်မများဘူး၊ ၉ ယောက်လောက်ရှိမယ်၊ အဲရွာမှာဖြတ်သွားတော့ ရွာသားက ကျနော်တို့ တပ်ဖွဲ့ဝင်တွေကို ဓားနဲ့ခုတ်တယ်၊ သေနတ်တွေလုတယ်၊ ဒါကြောင့် ဖြစ်သွားတာလို့ပဲ သိတာပါ။”
ဓားနဲ့ အခုတ်ခံရတဲ့ RCSS တပ်ဖွဲ့ဝင်ရဲဘော်နှစ်ယောက်မှာ ဓားဒဏ်ရာ ရရှိပေမယ့် မစိုးရိမ်ရဘူးလို့ ဆိုပါတယ်။
ဒေသခံတွေက ရွာသားတွေကို ဖမ်းဆီးခေါ်ဆောင်သွားတာကြောင့် ဖြစ်သွားတယ်လို့ ပြောဆိုထားပေမယ့် အဲဒီကိစ္စ ဖြစ်စဉ်အစကို မသိရဘဲ ရဲဘော်တွေ ဓားခုတ်ခံရမှသိတယ်လို့ ဗိုလ်မှူးကြီး စိုင်းဦးက ပြောပါတယ်။
“ဒီကိစ္စကို ဖြေရှင်းဖို့ အခုလောလောဆယ်မှာတော့ ဘယ်လိုဖြေရှင်းရမလဲဆိုတာ နည်းလမ်း ရှာနေဆဲဖြစ်ပါတယ်။ တွေ့ဆုံညှိနှိုင်းပြီး အဖြေရှာတာတော့ အကောင်းဆုံးပဲဖြစ်မှာပါ။”
လွိုင်မြို့နယ်မှာ လက်နက်ကိုင်အဖွဲ့အစည်းတွေက ပြည်သူလူထုကို မကြာခဏ သေနတ်နဲ့ ပစ်သတ်မှု ဖြစ်ပွားပြီး တရားဥပဒေစိုးမိုးမှုအနေနဲ့ ရဲတပ်ဖွဲ့နဲ့ တပ်မတော်ရှိပေမယ့် လုံလောက်တဲ့ အင်အား မရှိတဲ့အတွက် အရှေ့မှာဖြေရှင်းနေစဉ် အနောက်မှာ ထပ်မံဖြစ်ပွားမှုတွေ ရှိနေတယ်လို့ လွိုင်လင်မြို့နယ် ရဲတပ်ဖွဲ့ မြို့နယ် ရဲမှူးရဲမြင့်အောင်က ပြောပါတယ်။
ဒီဇင်ဘာလ ၁၁ ရက် ညနေပိုင်းမှာ ရွာဖွံ့ဖြိုးရေးလုပ်ငန်း ရေရရှိဖို့ နောင်ယာဆိုင်းကို ရေတက်သွယ်တဲ့၊ ကျေးရွာအုပ်ချုပ်ရေးမှူး၊ ရုံးစာရေးနဲ့ ရွာသား ၄ ဦးကို လက်နက်ကိုင်အဖွဲ့က နမ်းဟူးရွာကနေ ဖလိုင်ဘက်ကိုဖမ်းသွားတာကို ရွာသား ၆ ဦးက မကျေနပ်တာကြောင့် နောက်က လိုက်ရာကနေ စကားအခြေအတင်ဖြစ်ပြီး ပစ်ခတ်ကြလို့ ရွာသား ၅ ဦးသေဆုံးပြီး ၃ ဦး ဒဏ်ရာရတယ်လို့ ဒေသခံတွေက ဆိုပါတယ်။
သေဆုံးသူမှာ ခွန်ထွန်းဦး၊ ခွန်တဝင်း၊ ခွန်တမူး၊ ခွန်တဆန်းနဲ့ ခွန်တခဲတို့ ဖြစ်ပြီး ဒဏ်ရာရရှိသူ ၃ ဦးဟာ လွိုင်လင်ဆေးရုံမှာ ၁ ဦး၊ တောင်ကြီး စ၀်စံထွန်းဆေးရုံမှာ ၂ ဦး ဆေးကုသမှုခံယူနေကြောင်း သိရပါတယ်။
ခွန်ရာဇာ
