မုံရွာတွင် ဟင်းချက်ဒယ်အိုး အပူလွန်ကဲရာမှ နေအိမ် ၇ လုံး မီးလောင်ကျွမ်း

စစ်ကိုင်းတိုင်းဒေသကြီး၊ မုံရွာမြို့၊ ချမ်းမြသာစည်ရပ်ကွက်၊ မန်ကျည်းကုန်းလမ်းမှာ ဒီဇင်ဘာ ၈ ရက်နေ့ ညနေပိုင်းက ဟင်းချက်ဒယ်အိုးအပူလွန်ကဲရာကနေ နေအိမ် ၇ လုံး မီးလောင်မှု ဖြစ်ပွားခဲ့ပါတယ်။ မီးလောင်မှုကြောင့် ၂ ထပ်အိမ် ၅ လုံး၊ မြေစိုက်အိမ် ၂ လုံး စုစုပေါင်း နေအိမ် ၇ လုံး မီးလောင်ကျွမ်းခဲ့ပြီး ကာလတန်ဖိုး ကျပ် ၆၂၀၀၀၀ ဆုံးရှုံးခဲ့တယ်လို့ မြို့နယ်မီးသတ်တပ်ဖွဲ့က ပြောပါတယ်။ မီးလောင်မှုကို မီးသတ်ကား ၁၆ စီး၊ ရေသယ်ယာဉ် ၅ စီး၊ မီးသတ်တပ်ဖွဲ့ဝင် ၆၀ ဦးလောက်နဲ့ ရပ်ကွက်နေပြည်သူတွေ၊ ရဟန်းသံဃာတွေ၊ ရဲတပ်ဖွဲ့ဝင်တွေ အချိန်နာရီဝက်ခန့်အကြာ ဝိုင်းဝန်းငြှိမ်းသတ်ခဲ့ရပါတယ်။ "မီးလောင်တဲ့နေရာက လမ်းကျဉ်းတော့ နည်းနည်း ခက်ခဲတယ်။ ဒါ့အပြင် ပိုဆိုးတာက လမ်းကကျဉ်းရတဲ့အထဲ မီးလောင်တာကို လာကြည့်တဲ့ ဆိုင်ကယ်သမားတွေက လမ်းပေါ်မှာ ပိတ်နေတော့ အကူအညီမရတဲ့အပြင် မီးငြှိမ်းသတ်ရေးမှာ အနှောင့်အယှက်ဖြစ်ရတယ်။ မီးလောင်တိုင်း လာကြည့်ကြတဲ့သူတွေ မကူညီချင်နေ အနှောင့်အယှက်ပေးတဲ့ ပုံစံမဖြစ်ဖို့ သတိထားပေးကြပါလို့ မေတတာရပ်ခံလိုပါတယ်" လို့ မြို့နယ်မီးသတ်တပ်ဖွဲ့ဝင် တဦးက ပြောပါတယ်။ မီးလောင်မှုနဲ့ပတ်သက်ပြီး မီးစတင်လောင်ကျွမ်းခဲ့တဲ့ နေအိမ်က ဦးသန့်ဇင်ကိုတော့ မုံရွာနယ်မြေရဲစခန်းက မီးပေါ့ဆစွာသုံးစွဲမှုနဲ့ အမှုဖွင့်အရေးယူဆောင်ရွက်နေတယ်လို့ သိရပါတယ်။ မီးလောင်မှုကြောင့် လူနဲ့ တိရိစ္ဆာန်တွေ ထိခိုက်ဆုံးမှုမရှိဘူးလို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up