A d v e r t i s e m e n t With Us

အီတလီရာဇဝတ်ဂိုဏ်းအပေါ် စစ်ဆင်ရေးအတွင်း လူ ဒါဇင်ချီ ဖမ်းဆီးခံရ

ဓာတ်ပုံ - Alessandro Fucarini/AFP/Getty Images
အီတလီရာဇဝတ်ဂိုဏ်း အွန်ဒရန်ဂီတာရဲ့ အဖွဲ့ဝင်တွေအပေါ် စစ်ဆင်ရေးအတွင်း အီတလီ၊ နယ်သာလန်၊ ဂျာမနီ၊ ဘယ်ဂျီယံနဲ့ တောင်အမေရိကတိုက်တလွှား ဒါဇင်နဲ့ချီတဲ့ လူတွေကို ဒီဇင်ဘာ ၅ ရက်က ဖမ်းဆီးခဲ့ပါတယ်။ အဖမ်းခံရသူတွေဟာ ကိုကင်းကုန်ကူးမှု၊ ငွေကြေးခဝါချမှု၊ လာဘ်စားမှုနဲ့ အကြမ်းဖက်မှုတွေမှာ သံသယရှိသူတွေလို့ ရာဇဝတ်စုံစမ်းစစ်ဆေးမှုမှာ တရားရေး ပူးပေါင်းဆောင်ရွက်မှုကို ကြီးကြပ်တဲ့ ယူရိုဂျပ်စ်အဖွဲ့နဲ့ အီတလီရဲတွေက ပြောပါတယ်။ လောလောဆယ် ရဲတွေက ဖမ်းဆီးတာ၊ သိမ်းဆည်းတာတွေ လုပ်နေတယ်လို့ ယူရိုဂျပ်စ်က ပြောပေမယ့် အရေအတွက် အတိအကျကိုတော့ မပြောခဲ့ပါဘူး။ အီတလီရဲတပ်ဖွဲ့ကတော့ လူအယောက် ၉ဝ လောက် ဖမ်းထားတယ်လို့ ပြောပါတယ်။ အီတလီတောင်ပိုင်း ကာလာဘရိုင်ယန် ဒေသထဲမှာ အရာရှိတွေက အဆောက်အဦတွေထဲကို ဝင်သွားပြီး အမျိုးသားတဦးကို လက်ထိပ်ခတ်လာပုံ ရုပ်သံကိုလည်း ရဲတွေက ရိုက်ကူးထားပါတယ်။ ဒီဇင်ဘာ ၅ ရက် မွန်းလွဲပိုင်းမှာတော့ အီတလီက လူ ၄၁ ဦး၊ ဂျာမနီက ၂၁ ဦး၊ ဘယ်လ်ဂျီယံက ၁၄ ဦး၊ နယ်သာလန်က ၅ ဦးနဲ့ လူဇင်ဘတ်နိုင်ငံက ၂ ဦးကို ဖမ်းထားပြီလို့ ဥရောပရဲတပ်ဖွဲ့ ယူရိုပိုက ပြောပါတယ်။ ဆူရီနမ်နိုင်ငံက လူတဦးကိုလည်း ဖမ်းထားတယ်လို့ နယ်သာလန်ရဲတွေက ပြောပါတယ်။ ကမ္ဘာအနှံ့ ကျယ်ပြန်တဲ့ ရာဇဝတ်အုပ်စုရဲ့ ဗဟိုချက်ဖြစ်ရာ အီတာလျံ တောင်ပိုင်းမြို့ လိုခရီမှာ အခြေစိုက်တဲ့ ဒီမိသားစုကို ပစ်မှတ်ထား စစ်ဆင်ခဲ့တာပါ။ ဒီအုပ်စုဟာ အီတလီရဲ့ အဓိကရာဇဝတ်ဂိုဏ်း ၃ ခုထဲက တခုဖြစ်ပါတယ်။ ကာမော်ရာလို့ခေါ်တဲ့ ဂိုဏ်းကတော့ နေပယ်ပင်လယ်အော်မှာ အခြေစိုက်ပြီး စစ္စလီကျွန်း အခြေစိုက် ကို့စာနော့စ်ထရာ ဂိုဏ်းကတော့ မာဖီးယားလို့ လူသိများပါတယ်။ အီတလီရဲတွေဟာ စစ္စလီကျွန်းက မာဖီးယားဂိုဏ်းတွေရဲ့ ဂိုဏ်းချုပ်မှူးကြီးအသစ်နဲ့ သူ့လူ ၄၅ ဦးကို ဖမ်းအပြီး နောက်တရက်မှာ ခုလို စစ်ဆင်ရေးဆင်နွှဲခဲ့တာ ဖြစ်ပါတယ်။

A d v e r t i s e m e n t With Us

More News
Up