A d v e r t i s e m e n t With Us

ကျောင်းသန့်ရှင်းရေးနှင့် လုံခြုံရေးအတွက် ရတနာပုံတက္ကသိုလ်​ကျောင်းသား ထပ်မံဆန္ဒပြ

မန္တလေးမြို့ရှိ ရတနာပုံတက္ကသိုလ်​ကျောင်းအတွင်း သန့်ရှင်းရေးနဲ့ လုံခြုံရေးဝန်ထမ်း တိုးမြှင့်ချထားပေးဖို့​ ရတနာပုံတက္ကသိုလ် ကျောင်းသားများသမဂ္ဂက  ကျောင်း​ဝင်း​ပေါက်​မှာ ဒုတိယအကြိမ်​ ဆန္ဒပြ​တောင်းဆိုခဲ့ကြပါတယ်​။ ရတနာပုံတက္ကသိုလ်ကျောင်းသားများသမဂ္ဂ အနေနဲ့ မန္တလေးတိုင်းဒေသကြီး အစိုးရအဖွဲ့ရုံးက တာဝန်​ရှိသူတွေနဲ့ သွားရောက်ဆွေးနွေးတင်ပြခဲ့ပေမဲ့ ဖြေရှင်းမ​ပေးခဲ့တဲ့အတွက် မနေ့က ဆန္ဒပြကြတာလို့ သိရပါတယ်။ ရတနာပုံတက္ကသိုလ် ကျောင်းသားများသမဂ္ဂ စည်းရုံးရေးမှူး ကိုရဲမျိုးဆွေက​ “ကျေန်ာတို့ ကတော့ မရမချင်း နေ့တိုင်းဆန္ဒပြသွားမှာဖြစ်​တယ်​။ ကျနော်တို့ ဆန္ဒပြနေရင် ကျောင်းကဆရာ ဆရာမတွေ လုံခြုံရေးယူပေးမယ်။ ဒီအခြေအနေမျိုးမှာတော့ ဘယ်သူခိုးမှ လာခိုးမယ်လို့ မထင်ဘူး” လို့ ပြောပါတယ်​။ ဆန္ဒပြတောင်းဆိုရာမှာ ကျောင်းတွင်းလုံခြုံရေး တိုးမြှင့်ပေးရေး၊ ပျက်စီးနေတဲ့ သန့်စင်ခန်း​တွေကို အမြန်ဆုံးပြုပြင်ပေးရေး၊ သန့်ရှင်းရေးဝန်ထမ်းတွေ တိုးမြှင့်ချထားပေးရေး စတဲ့အချက်​တွေကို တောင်းဆိုခဲ့ကြပါတယ်​။ ရတနာပုံတက္ကသိုလ် ကျောင်းသားများသမဂ္ဂ ဥက္ကဋ္ဌ ကိုကျော်သီဟရဲကျော်က “ခုကျနော်တို့ တောင်းဆိုတာတွေကို ခေါင်းရှောင်ပြီး ကျောင်းထုတ်မယ်အဝေးသင် ပြောင်းမယ်ပဲပြောနေတယ်​။ ကျနော်တို့ကတော့ တောင်းဆိုစရာရှိတာကို ဆက်​လက်​တောင်းဆိုသွားမှာဖြစ်​တယ်”​လို့ ​ပြောပါတယ်​။ ရတနာပုံတက္ကသိုလ်မှာ ကျောင်းသား ၂၀၀၀၀ကျော်၊  ဆရာ ၇၀၀ ကျော်ရှိကာ လုံခြုံရေးနဲ့ သန့်ရှင်းရေးဝန်ထမ်းကတော့ ၃၀ ကျော်သာရှိ​နေတဲ့အတွက်​ လုံလောက်မှုမရှိဖြစ်နေတာပါ။ ဒါ့အပြင် စာသင်ခန်း​တွေမှာ အခန်းတံခါး​တွေပျက်စီးနေပြီး အိမ်သာတွေ သန့်ရှင်းမှု မရှိတာ ရေရရှိမှု အားနည်းတာတွေ ရှိ​နေပါတယ်။ ပြီးခဲ့တဲ့ပညာသင်နှစ်မှာ ကျောင်းတွင်း ဆိုင်​ကယ်​အပ်​နှံရာမှာ ဆိုင်ကယ်အစီး ၂၀ ကျော် ခိုးယူခံရလို့ ပျောက်ဆုံးသွားခဲ့ပြီး ကျောင်းလုံခြုံရေးအတွက်  နိုဝင်​ဘာ ၂၉ ရက်​​က ကျောင်းသားတွေ ပထမအကြိမ်​ ဆန္ဒပြ​တောင်းဆိုခဲ့ကြပါတယ်​။

A d v e r t i s e m e n t With Us

More News
Up