လက်နက်ကိုင်အဖွဲ့တွေအကြား လက်နက်မဲ့တဲ့ အရပ်သား အမျိုးသမီးတွေရဲ့အသံဟာ လေသေနတ်လို ဖြစ်နေတယ်လို့ ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေး ကော်မတီမှာ ပါဝင်တဲ့ အမျိုးသမီးတွေက မှတ်ချက်ပြုပါတယ်။ JMC လို့ခေါ်တဲ့ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီဟာ ပြည်ထောင်စုအဆင့် JMC-U ကို ဖွဲ့စည်းပြီး တိုင်းဒေသကြီးနဲ့ ပြည်နယ်အဆင့် JMC-S၊ ဒေသဆိုင်ရာအဆင့် JMC-L ဆိုပြီး အဆင့်ဆင့် ဖွဲ့စည်းထားပါတယ်။ တိုင်းဒေသကြီး/ပြည်နယ်အဆင့်မှာတော့ ရှမ်းပြည်နယ်၊ ပဲခူးတိုင်းဒေသကြီး၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတို့မှာ ဖွဲ့စည်းထားတာ ဖြစ်ပါတယ်။ JMC ရဲ့ အဓိကလုပ်ဆောင်ရမယ့် တာဝန်ကတော့ NCA စာချုပ်ပါ တပ်ပိုင်းဆိုင်ရာကိစ္စတွေ၊ စစ်ဘက်ဆိုင်ရာ ကျင့်ဝတ်တွေနဲ့ ပစ်ခတ်တိုက်ခိုက်မှု ရပ်စဲရေးဆိုင်ရာ စည်းမျဉ်းစည်းကမ်းတွေကို ထိန်းသိမ်းလိုက်နာဖို့၊ ပေါ်ပေါက်လာတဲ့ အငြင်းပွားမှုတွေကို ဖြေရှင်းရာမှာ ဘက်လိုက်မှုကင်းပြီး ပွင့်လင်းမြင်သာမှုရှိရှိနဲ့ ငြိမ်းချမ်းရေးလုပ်ငန်းစဉ်ကို အထောက်အကူပြုဖို့ဆိုတဲ့ တာဝန်တွေနဲ့ ဖွဲ့စည်းထားပါတယ်။ ဒီလိုပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲကော်မတီတွေရဲ့ တိုင်းဒေသကြီးနဲ့ ပြည်နယ်အဆင့်၊ ဒေသဆိုင်ရာ အဆင့်တို့မှာ အမျိုးသမီးတွေဟာ လက်နက်ကိုင်အဖွဲ့အစည်းတွေရဲ့ ကိုယ်စားလှယ်တွေအနေနဲ့ ပါဝင်လာသလို အရပ်သားကိုယ်စားလှယ်တွေ အနေနဲ့လည်း ပါဝင်လာတာတွေလည်း တွေ့ရပါတယ်။ JMC ဟာ အစိုးရ၊ တပ်မတော်၊ တိုင်းရင်းသားလက်နက်ကိုင်နဲ့ အရပ်သားတွေ ပါဝင်ဖွဲ့စည်းထားပေမယ့် ဆွေးနွေးပွဲတွေမှာတော့ အရပ်သားကိုယ်စားလှယ်တွေရဲ့အသံ၊ အထူးသဖြင့် အမျိုးသမီး ကိုယ်စားလှယ်တွေရဲ့ အသံဟာ လျစ်လျူရှုထားခံနေရဆဲ ဖြစ်ပါတယ်။ “သုံးပွင့်ဆိုင်နဲ့ ဖွဲ့စည်းထားတဲ့ JMC မှာ တပ်မတော်နဲ့ တိုင်းရင်းသားလက်နက်ကိုင်တွေမှာက လက်နက်ရှိတယ်။ အရပ်သားကိုယ်စားလှယ်မှာက လက်နက်မရှိဘူး။ ကရင်ပြည်နယ်ရဲ့ JMC-S မှာ အမျိုးသမီးတွေရဲ့ ပါဝင်မှုက အားကောင်းတယ်။ ဒါပေမယ့် တခါတလေကျရင် အမျိုးသားတွေက သိပ်မပြောဘူး။ အမျိုးသမီးတွေက ပိုပြီးတော့ အသံထွက်တယ်။ ကျမတို့ ကိုယ်တိုင်လည်း ပြောတယ်။ ကျမတို့က ကိုယ်တိုင်ပြောပေမယ့် ကျမတို့မှာ လေသေနတ်ပဲ ရှိတာပါ။ ကိုယ့်အပေါ်မှာ နားလည်ကြရင်တော့ သိပ်ပြဿနာမရှိဘူး” လို့ နန်းစေအွာက ပြောပါတယ်။ နန်းစေအွာကတော့ ကရင်ပြည်နယ်၊ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲကော်မတီရဲ့ အရပ်သားကိုယ်စားလှယ်တဦး ဖြစ်ပါတယ်။ NCA စာချုပ်အရ နှစ်ဖက်တပ်တွေ လိုက်နာရမယ့် အချက် (၂၁) ချက်ရှိပြီး ပြည်သူလူထုအပေါ် လိုက်နာရမယ့် ကျင့်ဝတ်၊ လုပ်ဆောင်ပေးရမယ့် ကျင့်ဝတ်က (၁၇) ချက်ရှိတယ်လို့ ဆိုပါတယ်။ “နှစ်ဖက်တပ်များ လိုက်နာရမယ့် ကျင့်ဝတ်တွေရှိသလို ပြည်သူလူထုအပေါ် လိုက်နာရမယ့် ကျင့်ဝတ်တွေ၊ လုပ်ဆောင်ပေးရမယ့် ကျင့်ဝတ်တွေဆိုပြီး ရှိတယ်။ အဲဒါတွေကို သူတို့တွေအားလုံး သိနိုင်ဖို့အတွက် ကျေးရွာလူထုတွေဆီကို ကျမတို့က ပုံမှန် အနည်းဆုံး တလတကြိမ်သွားပြီး အသိပေး ပြောကြားတာတွေ လုပ်ရတယ်။ လူထုနဲ့တွေ့ဆုံရတယ်။ နောက်ပြီးတော့ နှစ်ဖက်တပ်တွေ၊ တပ်ပိုင်းဆိုင်ရာကျတော့ နှစ်ဖက်စလုံးက အရာရှိတွေကို ခေါ်ပြီးတော့ သူတို့ရဲ့ယုံကြည်မှု ပိုမိုတည်ဆောက်နိုင်အောင် အားကောင်းလာအောင် ငြိမ်းချမ်းရေးဖြစ်စဉ်မှာ ရေရှည်တည်တံ့ခိုင်မြဲဖို့အတွက် တဖက်နဲ့တဖက် ယုံကြည်မှုက အဓိကကျတာကိုး။ ယုံကြည်မှု တည်ဆောက်နိုင်ဖို့ အလုပ်ရုံဆွေးနွေးပွဲတွေ လုပ်ပေးတယ်” လို့ နန်းစေအွာက JMC-S ရဲ့ အဓိက တာဝန်တွေကို ပြောပါတယ်။ အရပ်သားကိုယ်စားလှယ်တွေအနေနဲ့ အရပ်သားတွေဆီ အသိပညာပေး ဆွေးနွေးမှုတွေ လုပ်ဆောင်ရသလို နှစ်ဖက်တပ်အကြား ဆွေးနွေးသုံးသပ်မှုတွေကို လုပ်ဆောင်ရပါတယ်။ ပြည်သူတွေဆီက တိုင်တန်းလာတဲ့ စာတွေကို စိစစ်ပြီး ကွင်းဆင်းလေ့လာ အတည်ပြုပေးရပါတယ်။ JMC ကို တိုင်တန်းတဲ့ စာတွေထဲမှာတော့ လူသတ်မှု၊ လူသစ်စုဆောင်းမှုနဲ့ ဆက်ကြေးကောက်တဲ့ အမှုတွေက အများဆုံးဖြစ်တယ်လို့ ဆိုပါတယ်။ JMC ရဲ့ လုပ်ဆောင်မှုတွေက နှောင့်နှေးပြီး ထိရောက်မှုမရှိဘူးလို့ ဝေဖန်မှုတွေ ရှိနေတဲ့အပေါ်ကိုတော့ ရှမ်းပြည်နယ် JMC-S က တိုင်းရင်းသားလက်နက်ကိုင် အဖွဲ့အစည်း ကိုယ်စားလှယ်တယောက်ဖြစ်တဲ့ နန်းဖြူပြာက အခုလို ပြန်လည်ပြောဆိုပါတယ်။ “သတင်းတွေ ထွက်လာတဲ့အချိန်မှာ မီဒီယာတွေက တအားမြန်တယ်။ ကျမတို့က ဘာမှ မဖြေရှင်းရသေးဘူး။ ပြီးရင် သူတို့က JMC ကိုပဲ ဝိုင်းပြီး အပြစ်တင်ကြတယ်။ JMC ကို ဖွဲ့ထားပြီး ဘာမှ မလုပ်ပေးနိုင်ဘူးဆိုပြီး ပြောကြတယ်။ ဖြစ်ပြီဆိုရင် ကျမတို့က တိုင်းမှူးကို အရင်ဆုံး ဆက်သွယ်ရတယ်။ ပြီးရင် စွပ်စွဲထားတဲ့အဖွဲ့ကို ဖုန်းဆက်ပြီး ညှိရတယ်။ ဖြစ်ဖြစ်ချင်း အရေးပေါ်အစည်းအဝေး ခေါ်ရတယ်။ ဒါပေမယ့် ရာခိုင်နှုန်းပြည့်မှ အစည်းအဝေး ဖြစ်တာလေ။ ကျမတို့က မလုပ်တာမဟုတ်ဘူး၊ ပြောတယ်၊ ခေါ်တယ်၊ ဆော်သြတယ်။ ဒါပေမယ့် စွပ်စွဲခံရတဲ့ အဖွဲ့တွေက မလုပ်ချင်ကြဘူး။ အပြစ်ရှိတယ်ဆိုတဲ့ ပုံစံမျိုး ဖြစ်နေတော့ ရက်တွေရွှေ့နေရင်း ကြန့်ကြာသွားတယ်။ ဒါပေမယ့် လုပ်တဲ့သူကိုတော့ တကယ်ပြစ်ဒဏ်ပေးတယ်။ ထောင်ချတယ်။ ဒါပေမယ့် JMC-U က ဆုံးဖြတ်ချက် မကျမချင်း ကျမတို့က ကိုယ့်သဘောနဲ့လည်း လုပ်လို့မရဘူး” JMC-S အနေနဲ့ ပြဿနာတစုံတရာ ဖြစ်ပေါ်လာတဲ့အပေါ် သုံးပွင့်ဆိုင် ဆွေးနွေးဖြေရှင်းဖို့ အစည်းဝေး ခေါ်ယူတဲ့အခါ နှစ်ဖက်တပ်တွေရဲ့ ပျက်ကွက်မှုတွေကြောင့် အချိန်နှောင့်နှေးတာတွေ ရှိသလို JMC-S မှာ ဆုံးဖြတ်ပိုင်ခွင့် မပေးထားတာကြောင့် ပြည်ထောင်စုအဆင့် JMC-U ရဲ့ ဆုံးဖြတ်ချက်အတိုင်းကို စောင့်ဆိုင်းပြီးမှသာ လုပ်ဆောင်ရတာ ဖြစ်ပါတယ်။ NCA လက်မှတ်ရေးထိုးထားတဲ့ အဖွဲ့တွေအနေနဲ့ကလည်း လက်ရှိသွားနေတဲ့ ငြိမ်းချမ်းရေးလမ်းကြောင်းဟာ အပစ်ရပ်လက်မှတ် ရေးထိုးထားရုံသာရှိနေပြီး စားပွဲဝိုင်းပေါ်မှာသာ ယုံကြည်မှု တည်ဆောက်နေရသေးတဲ့ အခြေအနေသာ ရှိနေပါသေးတယ်။ “ငြိမ်းချမ်းရေးလုပ်ငန်းစဉ်ဆိုတာ နှစ်ပွင့်ပဲဆိုင်ဆိုင်၊ သုံးပွင့်ပဲဆိုင်ဆိုင် သူလျော့မယ်၊ ကိုယ်လျော့မယ်ဆိုမှ အောင်မြင်နိုင်မယ်။ ဒီလိုပုံစံမျိုးနဲ့ ဆက်သွားမယ်ဆိုရင်တော့ မအောင်မြင်နိုင်ဘူး။ သူတို့လည်း ပြောကြတယ်။ တယောက်နဲ့တယောက် ယုံကြည်မှ ငြိမ်းချမ်းရေးရမယ်ဆိုပြီး၊ တကယ့်တကယ် သေချာလေ့လာကြည့်ရင် တယောက်နဲ့တယောက် မယုံကြည်ဘူး။ တိတ်တခိုးလူစုတယ်။ လက်နက်ဝယ်တယ်။ ဒီလိုမယုံကြည်မှတော့ ဘယ်လိုလုပ်ပြီး  ကြာရှည်ခံမှာလဲ” လို့ နန်းဖြူပြာကတော့ ငြိမ်းချမ်းရေးဖြစ်စဉ်ရဲ့ အရေးကြီးတဲ့ ကဏ္ဍတခုဖြစ်တဲ့ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (ပြည်နယ်အဆင့်) မှာ လုပ်ဆောင်နေတဲ့ ကာလတလျှောက် သူမ လေ့လာခဲ့ရတဲ့ အတွေ့အကြုံတွေကို ပြောပါတယ်။ NCA လက်မှတ်ရေးထိုးအပြီး လုပ်ဆောင်ပေးရမယ့် နယ်မြေပိုင်းခြား သတ်မှတ်မှုကိုလည်း အခုချိန်ထိ စနစ်တကျ မလုပ်ဆောင်နိုင်သေးပါဘူး။ ဒါဟာလည်း နှစ်ဖက်တပ်တွေကို ထိတွေ့မှုတွေ ပြန်လည်ဖြစ်စေနိုင်တဲ့ အချက်တခုဖြစ်သလို အခုချိန်ထိ နယ်မြေသတ်မှတ်မှု လုပ်ဆောင်ဖို့ရာမှာ စိန်ခေါ်မှုတွေ ရှိနေသေးတယ်လို့ နန်းစေအွာက ထောက်ပြ ပြောဆိုလိုက်ပါတယ်။ “Ceasefire ရဲ့ သဘောတရားကို ကြည့်မယ်ဆိုရင် ပျက်လွယ်တယ်။ ထိရှလွယ်တယ်။ လိုက်နာရမယ့် အချက်တွေကို တကယ့်တကယ် လိုက်နာဖို့ရာ အခက်အခဲရှိတာကို တွေ့ရတယ်။ နယ်မြေပိုင်းခြား သတ်မှတ်မှုတွေက တကယ်တော့ NCA ထဲမှာ ပါရှိပေမယ့် မလုပ်ဆောင်နိုင်သေးဘူး။ ၂၀၁၅ အောက်တိုဘာကတည်းက လက်မှတ်ထိုးထားပေမယ့် တကယ့်လက်တွေ့မှာ လုပ်ဆောင်လို့ မရသေးဘူး။ တကယ်လို့သာ နယ်မြေပိုင်းခြား သတ်မှတ်မှုကို သေချာ စနစ်တကျ လုပ်မယ်ဆိုရင် သူ့နေရာ ကိုယ့်နေရာကတော့ ရှင်းသွားမယ်။ ဒါပေမယ့် အဲဒါက တအားကို ထိခိုက်လွယ်တယ်။ အခန့်မသင့်ရင် ချက်ချင်းထပြီးတော့ ပေါက်ကွဲနိုင်တယ်။ အစိုးရ၊ တပ်ဘက်ကလည်း ဒါ ငါတို့ရဲ့ တခုတည်းသောတပ်မတော်၊ ငါတို့ရဲ့နိုင်ငံမှာ ဒီ မြန်မာ့တပ်မတော်ပဲ ရှိရမယ်၊ ဒါ ကိုယ့်နိုင်ငံအတွက်ဆိုတဲ့ ပုံစံမျိုး ခံယူထားသလို တဖက်ကကျတော့လည်း တိုင်းရင်းသားတွေ ခံယူထားတာက ဥပမာ ကရင်ပြည်နယ်ဆိုရင်လည်း ဒါ KNU ရဲ့နယ်မြေ၊ အဲဒီတော့ နှစ်ပေါင်း (၆၀) လောက် တိုက်လာ ခိုက်လာ တော်လှန်လာခဲ့တယ်။ အဲဒီတော့ ဒါကလည်း သူတို့ရဲ့နယ်မြေဆိုပြီး အငြင်းပွားမှုတွေ ဖြစ်လာနိုင်တယ်။ အဲဒါကလည်း စိန်ခေါ်မှုတခု ဖြစ်နေတယ်။” JMC ရဲ့ အရပ်သားကိုယ်စားလှယ်တွေ အနေနဲ့ အရပ်သားတွေနဲ့ တွေ့ဆုံဆွေးနွေးရသလို တပ်ပိုင်းဆိုင်ရာ ကိစ္စရပ်တွေကိုလည်း နှစ်ဖက်တပ်က ခေါင်းဆောင်တွေ၊ ကိုယ်စားလှယ်တွေနဲ့ ဆွေးနွေးညှိနှိုင်းမှုတွေ လုပ်ဆောင်ရပါတယ်။ အဲဒီလို လုပ်ဆောင်ရတဲ့အခါ နှစ်ဖက်တပ်ခေါင်းဆောင် အမျိုးသားတွေအကြား အမျိုးသမီးကိုယ်စားလှယ်တွေရဲ့ ဆွေးနွေးတင်ပြမှုတွေက သိပ်အရာမရောက်ဘူးလို့ အမျိုးသမီး ကိုယ်စားလှယ်တွေက ဆိုပါတယ်။ မြန်မာနိုင်ငံမှာ ရှေးရိုးစွဲအမြင်တွေအရ အမျိုးသမီးဆိုတာ နိုင်ငံရေး၊ ငြိမ်းချမ်းရေး စတဲ့ တိုင်းပြည်ရေးရာတွေနဲ့ တိုက်ရိုက်မသက်ဆိုင်ဘူးလို့ ယူဆထားကြသလို အမျိုးသမီးတွေဟာ နိုင်ငံရေးအသိအမြင်၊ အတွေးအခေါ်၊ အယူအဆပိုင်းတွေမှာလည်း အမျိုးသားတွေလောက် နားမလည်ကြဘူးလို့ ယူဆနေကြဆဲပါ။ ဒါကြောင့် အမျိုးသမီးတွေရဲ့ တင်ပြချက်၊ ဆွေးနွေးချက်တွေဟာ အစည်းအဝေးခန်းမရဲ့ လေထုထဲမှာပဲ လွင့်ပါး ပျောက်ကွယ်သွားတတ်ပါတယ်။ “ယောကျာ်းတွေက အမျိုးသမီးတွေ ပါလာပြီဆိုရင် ရှုပ်တယ်လို့ ထင်ကြတာ။ အလုပ်လုပ်ရတာ နှောင့်နှေးတယ်လို့ ထင်နေကြတယ်။ သူတို့က အမျိုးသမီးတွေရဲ့အသံကို စ်ိတ်မဝင်စားဘူး။ အစည်းအဝေးမှာ ပြောလိုက်တယ်။ ပြောလိုက်တဲ့စကားက သူတို့ဦးနှောက်ထဲ မဝင်ဘူး။ လျှောက်ပြောနေတယ်လို့ သူတို့က ထင်နေတယ်။ မှတ်တမ်းအနေနဲ့ပဲ ထားတယ်။ ဆုံးဖြတ်ချက်အနေနဲ့ မထားဘူး။ ပြောစကားတွေက အရာမရောက်ဘူး။ ပါဝင်ရတာပဲ ရှိသေးတယ်။ အမျိုးသမီးတွေ ဆုံးဖြတ်ပိုင်ခွင့် မရှိသေးဘူး” လို့ နန်းဖြူပြာက ငြိမ်းချမ်းရေးလုပ်ငန်းစဉ်မှာ အမျိုးသမီးတွေရဲ့ ပါဝင်မှု အခန်းကဏ္ဍနဲ့ ပတ်သက်ပြီး ပြောပါတယ်။ ငြိမ်းချမ်းရေးဖြစ်စဉ်မှာ အမျိုးသမီး ပါဝင်မှုဟာ အရင်ထက် ပိုမိုများပြားလာပေမယ့် ဆုံးဖြတ်ချက်ချနိုင်တဲ့ အဆင့်တွေမှာတော့ အမျိုးသမီးပါဝင်မှု အားနည်းနေသေးသလို ပြီးခဲ့တဲ့ တတိယအကြိမ် ၂၁ ရာစု ပင်လုံညီလာခံမှာလည်း နိုင်ငံရေးကဏ္ဍမှာ အမျိုးသမီး (၃၀) ရာခိုင်နှုန်း ပါဝင်ဖို့ ဆွေးနွေးခဲ့ကြပေမယ့် အမျိုးသမီးတွေ မျှော်လင့်ထားတဲ့ ရလဒ်ကိုတော့ မရရှိသေးပါဘူး။ ငြိမ်းချမ်းရေးညီလာခံမှာ ကျားမကဏ္ဍကို ဦးစားပေးဆွေးနွေးတာနဲ့ ပတ်သက်ပြီး ဝေဖန်မှုတွေလည်း ရှိနေခဲ့ပါသေးတယ်။ နိုင်ငံအတွက် အရေးကြီးတဲ့ နိုင်ငံရေးဆွေးနွေးရမယ့် ညီလာခံမှာ ကျားမကဏ္ဍဟာ ဘယ်လောက်အထိ အရေးပါနေလို့လဲဆိုတဲ့ မေးခွန်းတွေလည်း ထွက်ပေါ်လာခဲ့ပါတယ်။ “ငြိမ်းချမ်းရေးဆွေးနွေးတဲ့အခါ ကျားမကဏ္ဍက အရေးမကြီးဘူးဆိုတာ မဟုတ်ဘူး။ အရေးအကြီးဆုံးလို့လည်း မပြောချင်ဘူး။ ဒါပေမယ့် အရေးပါတဲ့ ကဏ္ဍတခုအဖြစ် လက်ခံရမယ်။ ပဋိပက္ခတွေဖြစ်ပြီဆို အရင်ဆုံး ထိခိုက်ခံစားရတာက အမျိုးသမီးနဲ့ နောက်ဆက်တွဲက ကလေးသူငယ်တွေ ဖြစ်တယ်။ သူတို့တွေက စစ်ပွဲပဋိပက္ခဒဏ်ကို အခံရဆုံးသူတွေ ဖြစ်တယ်။ အဲဒီတော့ ငြိမ်းချမ်းရေးဖြစ်စဉ်က အဆင်ပြေတယ်။ ချောမွေ့တယ်ဆိုရင် ဒါဟာ အမျိုးသမီးတွေအတွက်လည်း အင်မတန်မှ ဝမ်းသာစရာကောင်းတဲ့ အရာတခုဖြစ်တယ်” လို့ မွန်ပြည်နယ် JMC-S က အရပ်သားကိုယ်စားလှယ် နော်ဆာထူးက ပြောဆိုလိုက်ပါတယ်။ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ JMC–U မှာ အမျိုးသမီး ကိုယ်စားလှယ်တွေ ပါဝင်တာ မတွေ့ရပေမယ့် ပြည်နယ်နဲ့ တိုင်းဒေသကြီးအဆင့် JMC-S မှာတော့ တနင်္သာရီတိုင်းနဲ့ ပဲခူးတိုင်းဒေသကြီးမှာဆိုရင် အမျိုးသမီးတဦးနှုန်း၊ မွန်ပြည်နယ်မှာ အမျိုးသမီး (၂) ဦး၊ ကရင်ပြည်နယ်မှာ အမျိုးသမီး (၄) ဦးနဲ့ ရှမ်းပြည်နယ်မှာ အမျိုးသမီး (၅) ဦး စသဖြင့် တိုင်းရင်းသား လက်နက်ကိုင်အစုအဖွဲ့များက ကိုယ်စားလှယ်အဖြစ်နဲ့ အရပ်သား အမျိုးသမီး ကိုယ်စားလှယ်တွေအဖြစ် ပါဝင်လာတာကို တွေ့ရပါတယ်။ ငြိမ်းချမ်းရေးခရီးကို လျှောက်လှမ်းတဲ့အခါ အမျိုးသမီးတွေကို ဟန့်တားထားတဲ့ အတားအဆီးတွေ အများကြီး ရှိနေပေမယ့်လည်း အမျိုးသမီးတွေကတော့ လိုအပ်ချက်တွေကို ဖြည့်ဆည်းပေးနိုင်ဖို့အတွက် ကျရာအခန်းကဏ္ဍကနေ ပါဝင်ဆောင်ရွက်ဖို့ အသင့်ရှိနေကြပါတယ်။ “ငြိမ်းချမ်းရေးဖြစ်စဉ်မှာ NCA ထိုးပြီးနောက်ပိုင်း၊ NCA ကို တကယ်တမ်း လမ်းပြမြေပုံလို့လည်း ပြောလို့ရပါတယ်။ ငြိမ်းချမ်းရေးဖော်ဆောင်ဖို့ ဒီလမ်းကြောင်းကို ဆက်သွားမယ့်အခါ ပစ်ခတ်တိုက်ခိုက်မှုတွေ စောင့်ကြည့်ဖို့ JMC တို့၊ နိုင်ငံရေး တွေ့ဆုံဆွေးနွေးပွဲ လုပ်ဖို့ UPDJC တို့၊ ရှိတဲ့အပေါ် ဘယ်နေရာမှာ ပါဝင်ဖို့ဆိုတာ အဓိကမဟုတ်ဘဲနဲ့ လိုအပ်တဲ့နေရာတွေမှာ ပါဝင်ဖို့ အဆင်သင့်ရှိနေပါတယ်” လို့ နော်ဆာထူးက ပြောလိုက်ပါတယ်။ ခင်စုကြည် (hiburma.net ဝက်ဘ်ဆိုက်မှ ပြန်လည်ဖော်ပြသည်။)