A d v e r t i s e m e n t With Us

ဆရာဝန်အမှားကြောင့် ငါးနှစ်ကြာ ကင်ဆာရောဂါ ဓာတုကုထုံးခံယူခဲ့ရသည့် အမျိုးသား

ရှားပါးတဲ့ ကင်ဆာရောဂါတစ်မျိုးကို ခံစားနေရတယ်ဆိုတဲ့ ဆရာဝန်ပေါင်းများစွာနဲ့ မှတ်ချက်စကားကြောင့် ပြင်းထန်တဲ့ ဓာတုကုထုံးတွေနဲ့ အကိုက်အခဲပျောက်ဆေးတွေကို ငါးနှစ်ကြာမှီဝဲခဲ့ရတဲ့ အမေရိကန် အမျိုးသားတဦးဟာ သူမှာ ဘာကင်ဆာရောဂါမှမရှိမှန်း မကြာသေးခင်ကမှ သိရှိခဲ့ရပါတယ်။ ဂျိမ်းဆာလက်ဇ်ဟာ ကော်လိုရာဒိုပြည်နယ်မှာနေထိုင်သူဖြစ်ပြီး သူ့ဘဝအတွက် အိမ်မက်ဆိုးကြီးက လွန်ခဲ့တဲ့ ၅ နှစ် သူ့ဂျိုင်းကြားမှာ ပြင်းထန်တဲ့ ဝေဒနာခံစားခဲ့ရာမှ စတင်ခဲ့ပါတယ်။ ဒီရောဂါအတွက် စစ်ဆေးမှုတွေ လုပ်ဆောင်ပြီးနောက် ဆရာဝန်က ဆာလက်ဇ်ရဲ့ ဘယ်ဘက်အဆုတ်မှာ ပုံမှန်မဟုတ်တဲ့ အရာနှစ်ခုကို တွေ့ရတယ်လို့ ပြောခဲ့ပါတယ်။ လိုအပ်တဲ့ဆေးစစ်မှုတွေ လုပ်ဆောင်ပြီးချိန်မှာ ဆာလက်ဇ်ဟာ Langerhans Cell Histiocytosis လို့ခေါ်တဲ့ ရောဂါခံစားနေရတယ်လို့ မှတ်ချက်ပြုပါတယ်။ ဒါဟာ ရှားပါးတဲ့ ကင်ဆာရောဂါတမျိုးဖြစ်ပြီး ဆဲလ်တွေကို ခန္ဓာကိုယ်အစိတ်အပိုင်းတွေမှာ ဖြစ်စေကာ တစ်သျူးတွေကို ပျက်စီးစေပြီး သေဆုံးခြင်းကိုဖြစ်စေပါတယ်။ ဆာလက်ဇ်ဟာ မွန်ထရို့၊ ဒဲလ်တာ၊ ဂရန်းဂျန်းရှင်းနဲ့ ဒန်ဗာတို့က ဆရာဝန် တွေဆီ သွားရောက်ခဲ့ပေမယ့် အားလုံးက သူ့မှာ Langerhans ဖြစ်နေကြောင်းသာ အတည်ပြုခဲ့ပါတယ်။ အဲ့ဒီချိန်ကစလို့ ဆာလက်ဇ်ဟာ သူ့ရဲ့နာကျင်မှုဝေဒနာအတွက် အကိုက်အခဲ ပျောက်ဆေးတွေနဲ့ ဓာတုကုထုံးတွေကို ဆက်တိုက်ပြုလုပ်ခဲ့ပြီး ၄ နှစ်နီးပါး ကြာလာတဲ့အခါမှာ သူ့ဝေဒနာဟာ ထူးခြားသက်သာလာခြင်းမရှိတာကို သတိပြုမိခဲ့ပါတယ်။ အဲ့ဒါကြောင့် သူဟာ သူ့ဆရာဝန်နဲ့ ဆွေးနွေးဖို့ ဆေးရုံကို ထပ်မံသွားရောက်ခဲ့ပါတယ်။ ဒါပေမယ့် သူ့ရဲ့ဆရာဝန် ဒေါက်တာချွန်း ကီးလီးဟာ ဆေးရုံမှာ အလုပ်မလုပ်တော့တာကို နောက်မှ သိခွင့်ရခဲ့ပါတယ်။ အစပိုင်းမှာတော့ ဆာလက်ဇ်ဟာ ဒီဆရာဝန်မရှိတော့တာ သူ့ကိုအကြောင်းမကြားခဲ့တဲ့အ တွက် ဒေါသဖြစ်ခဲ့ပေမယ့် ဒီအချက်က သူ့ဘဝအတွက် အလှည့်အပြောင်းတခုဖြစ်မှန်းကို နောက်ပိုင်းမှ သိခွင့်ရခဲ့ပါတယ်။ သူ့ဆရာဝန်မရှိတော့တဲ့အတွက် ဆာလက်ဇ်ဟာ ဆရာဝန်အသစ်တယောက်ကို ပြောင်းလဲ ပြသခဲ့ပြီး ဆရာဝန်က သူ့မှာ Langerhans ရောဂါမရှိဘူးလို့အခိုင်အမာကို ပြောဆိုခဲ့ပါတယ်။ “ကျနော်သာ ဒီဆေးတွေ၊ ကုထုံးတွေကို ငါးနှစ်လောက် မသုံးစွဲခဲ့ရင် ပိုပြီးကောင်းလိမ့်မယ်လို့ ဆရာဝန်က ပြောတယ်။ ဒါပေမယ့် အခုချိန်မှာတော့ အရမ်းကို နောက်ကျသွားပါပြီ” လို့ ဆာလက်ဇ်က ပြောပါတယ်။

A d v e r t i s e m e n t With Us

More News
Up