မိတ္ထီလာက ဆိုင်ကယ်အင်ဂျင်ဖြင့် ကားတီထွင်သူ တရားဝင်လိုင်စင်လိုအပ်နေ

မန္တလေးတိုင်းဒေသကြီး၊ မိတ္ထီလာမြို့၊ ရန်မျိုးအောင်ရပ်ကွက်နေ လူငယ်တဦးဖြစ်တဲ့ ကိုဇော်မျိုးဦးဟာ  ဆိုင်ကယ်အင်ဂျင်သုံး အိမ်စီးကားတွေကို တီထွင် စမ်းသပ် မောင်းနှင်နေပြီး တရားဝင် ကားထုတ်လုပ်ရောင်းချနိုင်ဖို့ ကြိုးပမ်းနေပါတယ်။ လတ်တလော အိမ်စီးကားငယ် ၃ စီး တီထွင်ထားတဲ့ ကိုဇော်မျိုးဦးက အစိုးရခွင့်ပြုချက်နဲ့ တရားဝင်လိုင်စင် ရယူပြီး ကားထုတ်လုပ်ရောင်းချင်တယ်လို့ ပြောပါတယ်။ “အင်ဂျင်နဲ့ ဂီယာက သုံးဘီးဆိုင်ကယ်ကပါပဲ။ ဂီယာ ငါးချက်၊ ဘက်ဂီယာနဲ့ဆို ခြောက်ချက်ပေါ့။ နောက်ဘီးမှာ ကရောင်းပါတယ်။ နောက်ဆွဲပေါ့။ ကီလို ၈၀ မောင်းနိုင်ပါတယ်။ ဓာတ်ဆီ တဂါလံ မိုင် ၆၀ လောက်ရတယ်။ အခုတော့ ကားဘော်ဒီတို့ ဒက်ဘုတ်တို့ကို သံပြားနဲ့ ပုံစံဖေါ်ထားတယ်။ ပလပ်စတစ်တို့ ဖိုင်ဘာတို့နဲ့ မိုသွင်းပြီးလည်း လုပ်တတ်ပါတယ်။ အစိုးရဆီ လိုင်စင်လျှောက်ပြီး ကားတွေအများကြီး ထုတ်လုပ်ချင်တယ်။ ရုံးဌာနလုပ်ငန်းအဆင့်ဆင့်ကို ဘယ်က စလုပ်ရမှန်း မသိတော့ အခက်အခဲရှိနေတယ်။” ထုတ်လုပ်နေတဲ့ ကားတွေဟာ နှစ်ယောက်စီး အိမ်စီးကားဖြစ်ပြီး လေးယောက်စီးအဖြစ်လဲ စိတ်ကြိုက်လုပ်ပေးနိုင်တယ်လို့ ဆိုပါတယ်။  မိတ္ထီလာဒေသခံတွေကတော့ သူထုတ်လုပ်တဲ့ ကားတွေကို နှစ်သက်သဘောကျစွာ အားပေးနေကြပါတယ်။ မိတ္ထီလာဒေသခံကိုတူးက "ကားလေးက လှတယ်။ စက်စမ်းယာဉ်ဆိုပြီး ကိုဇော်မျိုးဦးကတော့ တနိုင်ငံလုံးအနှံ့ မောင်းပြီးပြီ အစိုးရက အသိအမှတ်ပြုပြီး  လိုင်စင်ရစေချင်တယ် "လို့ ပြောပါတယ်။ အခုသူ ထုတ်လုပ်တဲ့ အိမ်စီးကားတွေက အလျား ၉ ပေ၊ အနံ ၄ပေခွဲ ကားတစီးလုံး အလေးချိန် ၅၃၀ ကီလိုဂရမ်လေးပါတယ်။ ပထမဆုံးကားတပ်ဆင်တဲ့ကားဟာ အချိန် ၇ လကြာမြင့်ခဲ့ပြီး နောက်ကားတွေကတော့ အချိန်သိပ်မယူရတော့ဘူးလို့ ဆိုပါတယ်။ ကားတစီးကို ပစ္စည်းတန်ဖိုးချည်း ကျပ်ငွေ ၁၆ သိန်းလောက် ကုန်ကျပြီး လက်ခပါ ထည့်တွက်ရင် ကျပ်သိန်း၂၀ကျော်လောက် တန်ဖိုးရှိမှာဖြစ်ပါတယ်။ သတင်း-မောင်မောင်လင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up