ပျောက်ဆုံးနေသည့် ဆိုင်ကယ်ကယ်ရီသမားကို သေဆုံးလျက်ပြန်တွေ့

တနင်္သာရီတိုင်းဒေသကြီး ကော့သောင်းမှာ ဆိုင်ကယ်ကယ်ရီလိုက်ရာမှ ပျောက်ဆုံးနေသူရဲ့ အလောင်းကို နိုဝင်ဘာ ၁၂ ရက်နေ့က ပြန်လည်တွေ့ရှိခဲ့ပါတယ်။ ဆီအုန်း ကုမ္ပဏီတခုရဲ့ လုပ်ကွက်အမှတ် ၂၆ မှာ ပုပ်ပွနေတဲ့ အလောင်းတလောင်း တွေ့ရှိတယ်လို့ အကြောင်းကြားချက်အရ ရဲတပ်ဖွဲ့ တာဝန်ရှိသူတွေနဲ့ မိသားစုဝင်တွေက သွားရောက်ကြည့်ရှုခဲ့တယ်လို့ ဆိုပါတယ်။ ပုပ်ပွနေပြီး ပြင်ပဒဏ်ရာရှိမရှိ စစ်ဆေးနိုင်တဲ့ အခြေနေမရှိတဲ့ အမျိုးသားအလောင်းတလောင်းကို တွေ့ရှိရပြီး အလောင်းနဲ့ နှစ်ပေလောက်အကွာမှာ M တံဆိပ်ပါ အပြာရောင် လျာထိုးအုပ်ထုပ်တလုံး၊ အ၀ါရောင်ကျားစီး ဆင်ကြယ်ဖိနပ်တရံကို တွေ့ရှိရပြီး ဆေးစစ်ချက်ယူနိုင်ဖို့ အလောင်းကို ကော့သောင်း ဆေးရုံကြီးကို ပို့ဆောင်ထားတယ်လို့ ရဲမှတ်တမ်းမှာ ဖော်ပြပါတယ်။ ဓမ္မတာအတိုင်း သေဆုံးတာ ဟုတ်မဟုတ် သေမှုသေခင်းနဲ့ အမှုဖွင့်ထားတယ်လို့ ဆိုပါတယ်။ သေဆုံးသူမှာ အသက်  ၅၇ နှစ်အရွယ် ဦးထွန်းရီ ဖြစ်ပြီး နိုဝင်ဘာ ၃ ရက်နေ့ မနက်ပိုင်းက လူတဦးကို ဖော့သုတ်ကျေးရွာကို လိုက်ပို့ရင်း ပျောက်ဆုံးသွားတာကြောင့် မိသားစုဝင်တွေက ရဲစခန်းမှာ လူပျောက်တိုင်ချက်ဖွင့်ထားတာပါ။ “ကျနော်တို့က သူသွားတတ်တဲ့နေရာတွေ၊ ဖော့သုတ်ရွာကို သွားတဲ့လမ်းကြောင်းတွေကို လိုက်ရှာတာ အခု ၁၀ ရက်ကြာမှ မထင်ထားတဲ့နေရာမှာ အလောင်းအဖြစ် ပြန်တွေ့တာဖြစ်တယ်” လို့  ဆိုင်ကယ်ကယ်ရီသမား ကိုအောင်က ပြောပါတယ်၊။ လတ်ကိုကိုဦး

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up