A d v e r t i s e m e n t With Us

မြန်မာတွင် လာရောက် ရင်းနှီးမြှုပ်နှံကြရန် ဒေါ်အောင်ဆန်းစုကြည်ဖိတ်ခေါ်

အာရှတိုက်ရဲ့ စီးပွားရေးအခြေအနေ ဖွံ့ဖြိုးတိုးတက်လာတာနဲ့အတူ မြန်မာနိုင်ငံရဲ့ စီးပွားရေးဟာလည်း အလားအလာကောင်းတွေရှိနေပြီး လာရောက်ရင်းနှီးမြှုပ်နှံကြဖို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဖိတ်ခေါ်လိုက်ပါတယ်။ စင်ကာပူနိုင်ငံမှာ နိုဝင်ဘာ ၁၂ ရက် ညနေက ကျင်းပတဲ့ ၂၀၁၈ အာဆီယံ စီးပွားရေးနှင့် ရင်းနှီးမြှုပ်နှံမှုဆိုင်ရာ ထိပ်သီးအစည်းအဝေးမှာ “မြန်မာနိုင်ငံနှင့် အာဆီယံတွင် စီးပွားရေး နှင့်ရင်းနှီးမြှုပ်နှံမှု”  ခေါင်းစဉ်နဲ့ တက်ရောက်မိန့်ခွန်းပြောကြားရာမှာ ထည့်သွင်းပြောသွားတာပါ။ “မြန်မာနိုင်ငံ ဈေးကွက်ပွင့်လင်းလာရေးအတွက် အရှိန်အဟုန်ဖြင့် ဆောင်ရွက်နေပြီ ဖြစ်ပါကြောင်း၊ အရှေ့တောင်အာရှ၏ အလားအလာရှိသော နောက်ဆုံးဈေးကွက်ဟု ဆိုသည့် အားလျော်စွာ မြန်မာနိုင်ငံတွင် ရင်းနှီးမြှုပ်နှံမှု အခွင့်အလမ်းများစွာ ရှိပါကြောင်း၊ အချို့က မြင်သာပြီး အချို့ကို အမြော်အမြင်ကြီးမှုနှင့် တွေးခေါ်ကြံဆမှုတို့ဖြင့် တွေ့မြင်ရမည်ဖြစ်ပါကြောင်း။” ဒေါ်အောင်ဆန်းစုကြည်က ပြောပါတယ်။ မြန်မာနိုင်ငံရဲ့ အဓိကဦးစားပေးကဏ္ဍတွေဖြစ်တဲ့ လယ်ယာစိုက်ပျိုးရေး၊ မွေးမြူရေး၊ လျှပ်စစ်၊ ထောက်ပံ့ပို့ဆောင်ရေး၊ ပညာရေးနဲ့ ကျန်းမာရေးဝန်ဆောင်မှုလုပ်ငန်းများ၊ တန်ဖိုးသင့်အိမ်ရာ တည်ဆောက်ရေးနဲ့ စက်မှုဇုန်တွေ တည်ထောင်ရေးလုပ်ငန်းတွေမှာ ရင်းနှီးမြှုပ်နှံဖို့လည်း ဖိတ်ခေါ်လိုက်ပါတယ်။ အစိုးရနဲ့ ပုဂ္ဂလိက ကဏ္ဍအကြား အောင်မြင်ခဲ့တဲ့ ပူးပေါင်းဆောင်ရွက်မှုတခုဟာ သီလဝါ အထူး စီးပွားရေးဇုန်ဖြစ်တယ်လို့လည်း နိုင်ငံတော်အတိုင်ပင်ခံပုဂ္ဂိုလ်က ပြောပါတယ်။ “သီလဝါစက်မှုဇုန်ဟာ အချိန်တိုကာလအတွင်း သိသာထင်ရှားတဲ့ အောင်မြင်မှုရရှိခဲ့ပြီး စုစုပေါင်းရင်းနှီးမြှုပ်နှံမှု ပမာဏ အမေရိကန်ဒေါ်လာ ၁၄၉၁ သန်း ရရှိခဲ့တယ်။ ဒီဒေါ်လာငွေကြေး ပမာဏဟာ မြန်မာ့စီးပွားရေးအတွင်း ဝင်ရောက်နေတဲ့ ရင်းနှီးမြှုပ်နှံမှုတွေကို ပြသနေတယ်။ သီလဝါစက်မှုဇုန်မှာ ဂျပန်၊ အမေရိကန်၊ ဂျာမနီ၊ ပြင်သစ်၊ ဆွီဒင်၊ သြစတြေးလျ၊ တရုတ်၊ အိန္ဒိယ၊ စင်ကာပူ၊ ထိုင်းနဲ့ ထိုင်ဝမ်တို့မှ ရင်းနှီးမြှုပ်နှံကြပြီး သီလဝါ အထူးစီးပွားရေး စက်မှုဇုန်ဘီမှာ ရင်းနှီးမြှုပ်နှံဖို့ စိတ်အား ထက်သန်နေကြတယ်။” မြန်မာနိုင်ငံမှာ ဆွဲဆောင်မှုရှိပြီး ရင်းနှီးမြှုပ်နှံသူတွေအတွက် ပိုမိုအဆင်ပြေစေမယ့် ရင်းနှီးမြှုပ်နှံမှု အခြေအနေကောင်းတွေကို  ဖန်တီးနိုင်ဖို့ မြန်မာနိုင်ငံရင်းနှီးမြှုပ်နှံမှု ဥပဒေကို ပြဋ္ဌာန်းခဲ့သလို ရင်းနှီးမြှုပ်နှံမှုတွေကို တိုက်ရိုက်ဖြစ်စေ၊ သွယ်ဝိုက်ဖြစ်စေ သိမ်းပိုက်ခံရခြင်းမရှိစေဖို့ အာမခံတဲ့အကြောင်းနဲ့  ဝင်ငွေခွန်ကင်းလွတ်ခွင့်ကိုလည်း နေရာဒေသနဲ့ ဦးစားပေးကဏ္ဍအလိုက် ပေးအပ်သွားမယ်လို့ မြန်မာခေါင်းဆောင်က ပြောပါတယ်။ ဒါ့အပြင် နှစ် ၁၀၀ ကျော် သက်တမ်းရှိ ကုမ္ပဏီအက်ဥပဒေကို လက်ရှိစီးပွားရေးဝန်းကျင်နဲ့ ကိုက်ညီစေဖို့ မကြာသေးခင်က ပြောင်းလဲနိုင်ခဲ့ပြီး သြဂုတ် ၁ ရက်ကစလို့ မြန်မာနိုင်ငံမှာ ကုမ္ပဏီတွေအနေနဲ့ အွန်လိုင်းစနစ်ကိုအသုံးပြုပြီး နာရီအနည်းငယ်အတွင်း မှတ်ပုံတင်နိုင်ပြီလို့ ဆိုပါတယ်။ ၂၀၁၈ ခုနှစ် စက်တင်ဘာအထိ ကုမ္ပဏီပေါင်း ၁၄၀၀၀ ကျော် အွန်လိုင်းစနစ်နဲ့ ပြန်လည်မှတ်ပုံတင်ပြီးဖြစ်ပြီး ကုမ္ပဏီပေါင်း ၄၀၀၀ ကျော်မှာလည်း အွန်လိုင်းစနစ်နဲ့  အသစ်ဖွဲ့စည်းခဲ့တယ်လို့ လည်း သိရပါတယ်။ မြန်မာနိုင်ငံအတွက် အာဆီယံဟာ စီးပွားရေး ပူးပေါင်းဆောင်ရွက်မှုအတွက် အရေးပါတဲ့ အခန်းကဏ္ဍမှ ပါဝင်နေပြီး ၂၀၁၈ ခုနှစ် စက်တင်ဘာအထိ မြန်မာနိုင်ငံအတွင်း ရင်းနှီးမြှုပ်နှံမှု လုပ်ငန်းတွေအနက် ၄၅ ရာခိုင်နှုန်းဖြစ်တဲ့ အမေရိကန်ဒေါ်လာ ၃၅၅၀၇ ဒသမ ၃၄၉ သန်းဟာ အာဆီယံ အဖွဲ့ဝင်နိုင်ငံတွေက ဖြစ်ပါတယ်။ ဓာတ်ပုံ-အတိုင်ပင်ခံရုံး

A d v e r t i s e m e n t With Us

More News
Up