၂၀၂၀ အတွက် ဦးသန်းရွှေနှင့် ဒေါ်အောင်ဆန်းစုကြည်ညှိနှိုင်းထားခြင်းမရှိဟု အန်အယ်လ်ဒီပြော

၂၀၂၀ အတွက် ဦးသန်းရွှေနဲ့ ဒေါ်အောင်ဆန်းစုကြည်တို့ ညှိနှိုင်းမှုနဲ့ စည်းဝါးကိုက်ထားမှု လုံးဝမရှိဘဲ လူထုအထင်အမြင်လွဲမှားအောင် လုပ်ဆောင်နေခြင်းသာဖြစ်တယ်လို့ အန်အယ်လ်ဒီ ပါတီ ဗဟိုကော်မတီအဖွဲ့ဝင် ဒေါက်တာ ဇော်မြင့်မောင်က ပြောပါတယ်။ “ဗိုလ်ချုပ်မှူးကြီး သန်းရွှေနဲ့ ဒေါ်အောင်ဆန်းစုကြည် ညှိနှိုင်းထားတယ်ဆိုတာမဟုတ်ဘူးနော်။ ဒါကျနော်ဆီက ထွက်တဲ့သတင်း ကျနော်ပြောတယ် ဒါမဟုတ်ဘူး။ ယုန်ထင်ကြောင်ထင် ဖြစ်အောင်လုပ်တာဗျ။ လူထုကို ယုန်ထင်ကြောင်ထင်ဖြစ်စေပြီး ၂၀၂၀ မှာ ကျနော်တို့ ညှိထားတယ် ဆိုတဲ့ဟာ ကျနေ်ာတို့အတွက်တော့ သက်ရောက်မှုက ကြီးတယ်နော်။ ဒါမဟုတ်ဘူး။ ဒါပေမယ့် ကျနေ်ာတို့ဘာမှ လုပ်လို့မရဘူး။ ဒါမဟုတ်ဘူးဆိုတာတော့ ပြောမယ် မညှိထားဘူး ဘယ်သူနဲ့မှ မညှိထားဘူး။” နိုဝင်ဘာ ၁၁ ရက်က နေပြည်တော် စည်ပင်ဧည့်ရိပ်သာမှာ ကျင်းပတဲ့ အန်အယ်လ်ဒီပါတီရဲ့ လစဉ်ပုံမှန် ဗဟိုအလုပ်အမှုဆောင် အစည်းအဝေးအပြီး အခုလို ပြောဆိုခဲ့တာပါ။ နိုဝင်ဘာ ၉ ရက်ထုတ် မြန်မာသံတော်ဆင့် သတင်းစာမှာ  “စစ်ဥပဒေချုပ် ဒုဗိုလ်ချုပ်ကြီးဟောင်း ဦးစိုးမောင် ရဋ္ဌပါလအသင်း စဖွဲ့လှုပ်ရှား ၂၀၂၀ အတွက် ဦးသန်းရွှေနှင့် စည်းဝါးကိုက်ထား” လို့ ရေးသားဖော်ပြထားတဲ့ အပေါ်ကို ဒေါက်တာဇော်မြင့်မောင်က တုံ့ပြန် ပြောဆိုခဲ့တာပါ။ အောင်ကိုကိုလတ် (နေပြည်တော်)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up