A d v e r t i s e m e n t With Us

အနံ့ပြင်းသည့် ဒူးရင်းသီးကြောင့် ထွက်ခွာချိန် ကြန့်ကြာခဲ့ရသည့် လေယာဉ်

ဓာတ်ပုံ - Getty Images
အင်ဒိုနီးရှားလေကြောင်းလိုင်းပိုင် လေယာဉ်တစင်းဟာ လေယာဉ်ပေါ်မှာ ပါလာတဲ့ ပြင်းထန်လွန်းတဲ့ ဒူးရင်းသီးအနံ့ကြောင့် ထွက်ခွာချိန် နောက်ကျပြီး ကြန့်ကြာခဲ့ရပါတယ်။ ဘန်းကုလုဒေသကနေ ဂျကာတာမြို့တော်ဆီ ပျံသန်းထွက်ခွာမယ့် ဆီရိဝီဂျရာ လေကြောင်းလိုင်း လေယာဉ်ပေါ်မှာ ဒူးရင်းသီး အလေးချိန် ၂ တန်နီးပါး တင်ဆောင်ထားခဲ့တာ ဖြစ်ပါတယ်။ ခရီးသည်တွေက လေယာဉ်အမှုထမ်းတွေကို ဒီဆိုးဝါးလွန်းတဲ့အနံ့ကို ဖြေရှင်းပေးဖို့ တောင်းဆိုခဲ့ကြပြီးနောက်မှာတော့ လေကြောင်းလိုင်း တာဝန်ရှိသူတွေက ဒူးရင်းသီးအိတ်တွေကို လေယာဉ်ပေါ်ကနေ ပြန်ချခဲ့ရတာပါ။ နောက်ဆုံးမှာတော့ လေယာဉ်ဟာ မနက် ၁၁း၄၀ နာရီလောက်မှာမှ ထွက်ခွာနိုင်ခဲ့ပြီး အချိန် ၁ နာရီလောက် နောက်ကျခဲ့ရတယ်လို့ ဘီဘီစီသတင်းမှာ နိုဝင်ဘာ ၇ ရက်နေ့က ဖော်ပြပါတယ်။ ဆီရိဝီဂျရာ လေကြောင်းလိုင်းကတော့ ဒူးရင်းသီးတွေကို ထုပ်ပိုးပြီး လေကြောင်းနဲ့ သယ်ဆောင်တာဟာ တရားမဝင်လုပ်ဆောင်တာ မဟုတ်ဘူးလို့ ပြောလိုက်ပါတယ်။ “ဒီလိုတင်တာက တရားမဝင်တာ မဟုတ်ပါဘူး။ လေကြောင်းလိုင်းစံနှုန်းနဲ့အညီ လိုက်နာထုပ်ပိုးပြီး လေယာဉ်ဝမ်းဗိုက်တွင်းကနေ သယ်ဆောင်တာမျိုးပါ။ တခြား လေကြောင်းလိုင်းတွေလည်း ခုလိုလုပ်နေကြတာပါပဲ” လို့ လေကြောင်းလိုင်း အကြီးတန်း ပြန်ကြားရေးမန်နေဂျာ ရီထရီမာဗာက ထုတ်ပြန်ချက်တခုမှာ ပြောလိုက်ပါတယ်။ ဒူးရင်းသီးဟာ အာရှဒေသတွင်းမှာတော့ နာမည်ကြီးတဲ့ သီးနှံတမျိုးဖြစ်ကာ တချို့က နှစ်သက်ကြပေမယ့် တချို့ကလည်း ပြင်းထန်လွန်းတဲ့ အနံ့ကို မနှစ်မြို့ကြပါဘူး။ တချို့သော သယ်ယူပို့ဆောင်ရေးလုပ်ငန်းတွေ၊ ဟိုတယ်တွေ၊ လေကြောင်းလိုင်းတွေမှာတော့ ဒါကို သယ်ဆောင်ခွင့် တားမြစ်ထားကြတာပါ။ လေယာဉ်ပေါ်ပါလာသူ အေမာဇီဒိန်းက “ကျနော် လေယာဉ်ပေါ်ရောက်လာတော့ ဒူးရင်းသီးအနံ့လို ခပ်ပြင်းပြင်း အနံ့တခု ရခဲ့တယ်။ အဲဒီနောက်တော့ လေယာဉ်မယ်ကိုခေါ်ပြီး ဒါကိုဖြေရှင်းပေးဖို့ တောင်းဆိုချိန်မှာ သူက ကျနော့်ကို အကြံပြုစာ ရေးခိုင်းခဲ့တယ်” လို့ ပြောပါတယ်။ လေယာဉ်အမှုထမ်းတွေက ဒါဟာ ခဏပဲဖြစ်ပြီး လေယာဉ်ထွက်တာနဲ့ အနံ့ပျောက်သွားမှာလို့ ပြောခဲ့ကြတာပါ။ ဒါပေမယ့် အေမာကတော့ ဒီအခြေအနေနဲ့ ဆက်သွားမသွားကို လေယာဉ်ပေါ်ပါ တခြားခရီးသည်တွေကို အော်ဟစ်မေးမြန်းခဲ့တာ ဖြစ်ပါတယ်။ “ကျနော်က ခရီးသည်တွေကို ဒီလေယာဉ်ကို (ဒီအတိုင်း) ထွက်စေချင်သလားလို့ အော်မေးခဲ့တော့ သူတို့က သဘောမတူဘူးလို့ ပြန်ပြောခဲ့ကြတာ။” အဲဒီနောက်တော့ လေယာဉ်အမှုထမ်းတွေနဲ့ ခရီးသည်တွေကြား အချေအတင် ဖြစ်ခဲ့ကြပြီးနောက်မှာတော့ ဒူးရင်းသီးတွေကို လေယာဉ်ပေါ်က ပြန်ချခဲ့ပြီးမှ ထွက်ခွာနိုင်ခဲ့တာ ဖြစ်ပါတယ်။

A d v e r t i s e m e n t With Us

More News
Up