A d v e r t i s e m e n t With Us

ကြည့်ရှုသူ ၁၆ သန်းကို စိတ်ထိခိုက်လောက်အောင် မိခင်မေတ္တာ ဖော်ကျူးထားသည့်ကြော်ငြာ (ရုပ်သံ)

မိဘတွေရဲ့ သားသမီးတွေအပေါ် ထားရှိတဲ့ ချစ်ခြင်းမေတ္တာဟာ တကယ့်ကို အတိုင်းအဆ မရှိနိုင်တာကို ယုံမှားသံသယဖြစ်စရာ မလိုပါဘူး။ ထိုင်းနိုင်ငံက ရုပ်သံကြော်ငြာတခုဟာ လက်ရှိမှာတော့ ဝင်ရောက်ကြည့်ရှုကြတဲ့ အကြိမ်ရေ ၁၆ သန်းကျော်ရှိနေပြီး အင်တာနက်စာမျက်နှာတွေပေါ်မှာ နာမည်ကြီးနေခဲ့ပါတယ်။ ဒီကြော်ငြာဟာ ထိုင်းနိုင်ငံ အာမခံလုပ်ငန်းတခုက ရိုက်ကူးတင်ဆက်ခဲ့တာဖြစ်ပြီး ကြည့်ရှုသူတွေရဲ့ စိတ်နှလုံးကို ဘယ်လိုဖမ်းစား ဆွဲဆောင်နိုင်မလဲဆိုတာ သူတို့က သိနေပုံပါပဲ။ မိခင်တွေဟာ အကောင်းဆုံး သိနားလည်သူတွေပါပဲလို့ အမည်ပေးထားတဲ့ ဒီရုပ်သံကြော်ငြာထဲမှာတော့ ကျောင်းသားကောင်လေးတယောက်နဲ့ မိခင်ဖြစ်သူ ညစာစားချိန်မှာ ရိုက်ကူးထားခဲ့တာပါ။ သားဖြစ်သူဟာ ဘာမှမစားသေးဘဲ ဖုန်းကိုသာ အာရုံစိုက်နေခဲ့တာမို့ မိခင်က စားဖို့ ပြောလိုက်ချိန်မှာတော့ သူက အလိုမကျသလိုနဲ့ မိခင်ကို ခေတ်မီနည်းပညာနဲ့ဆိုင်တဲ့ မေးခွန်းတွေကို ဆက်တိုက်မေးလိုက်ပါတော့တယ်။ နည်းပညာနဲ့ဆိုင်တာတွေကို မိခင်က တခုမှမသိလို့ စိတ်ပျက်နေပုံနဲ့ တုံ့ပြန်တဲ့ သားဖြစ်သူရဲ့ အကြည့်တွေကြားမှာ မေးခွန်းတွေဆုံးအောင် ဖြေခဲ့ပြီးနောက်မှာတော့ မိခင်ဖြစ်သူက သူဟာ အဲဒါတွေကို တခုမှမသိပေမယ့် သားဖြစ်သူအကြောင်းကိုတော့ ကောင်းကောင်းသိတယ်လို့ ဖြေခဲ့ပါတယ်။ သူပြောပြတဲ့ အကြောင်းအရာတွေထဲမှာတော့ သားဖြစ်သူ လသားအရွယ်ကတည်းက ပြုစုစောင့်ရှောက်ခဲ့ရတဲ့ အကြောင်းတွေ ပါဝင်ပြီး အဲဒီအချိ်န်မှာတော့ သားဖြစ်သူဟာ ဘာမှမပြောနိုင်ဘဲ ငေးရုံသာ ငေးကြည့်နေနိုင်ခဲ့တာကို တွေ့ရပါတယ်။ အဲဒီနောက်မှာတော့ မိခင်ဖြစ်သူက သူ့အနေနဲ့ သားကို အကောင်းဆုံး ပညာသင်ကြားပေးနိုင်ဖို့ ပိုက်ဆံဘယ်လိုရှာရမလဲ ဆိုတာပဲ သိတယ်လို့ ပြောလိုက်ပြီး ညစာဆက်စားကြမလားလို့ သားကို မေးလိုက်တာပါ။ အဲဒီအချိန်မှာပဲ သားဖြစ်သူက ဟင်းဟာ အရိုးများလွန်းတယ်လို့ မိခင်ကို ပြောလိုက်ချိ်န်မှာ မိခင်ဖြစ်သူက အရိုးနွှင်ပေးခဲ့ပြီး မိခင်ရဲ့မေတ္တာကို နားလည်သွားခဲ့ပုံနဲ့ အဆုံးသတ် ရိုက်ကူးပြထားခဲ့တာကို တွေ့ရပါတယ်။ ဒီရုပ်သံကြော်ငြာဗွီဒီယိုဖိုင်ဟာ လတ်တလောမှာတော့ အင်တာနက် လူမှုကွန်ရက် စာမျက်နှာတွေပေါ်မှာလည်း နာမည်ကြီးနေခဲ့ပြီး ကြည့်ရှုသူတွေ ဝေဖန်မှတ်ချက်တွေလည်း အမျိုးမျိုး ပေးနေကြတာပါ။ တယောက်ကတော့ “ဒါဟာ ကျနော် မိုဘိုင်းဖုန်းသုံးတာ မသိရကောင်းလားဆိုပြီး အမေ့ကို စိတ်ဆိုးခဲ့တဲ့ ကျနေ်ာ့ကို သတိပေးလိုက်သလိုပါပဲ” လို့ မှတ်ချက်ရေးခဲ့တာပါ။ တချို့ကလည်း ခုလို အင်တာနက်သုံးနိုင်ဖို့ နည်းပညာမြင့်ပစ္စည်းတွေ အသုံးပြုဖို့ မိခင်ဖြစ်သူက ကြိုးစားရုန်းကန် ရှာဖွေပေးခဲ့ရတာမို့ ကျေးဇူးတရား သိနားလည်သင့်တာကို ထောက်ပြပြီး မှတ်ချက်တွေ ပေးနေကြတာ ဖြစ်ပါတယ်။

A d v e r t i s e m e n t With Us

More News
Up