ဖိလစ်ပိုင်နိုင်ငံ မနီလာမြို့မှာ ကျင်းပတဲ့ Miss Tourism Queen Worldwide 2018 ပြိုင်ပွဲမှာ မြန်မာ ကိုယ်စားပြုအလှမယ် ကရင်တိုင်းရင်းသူ နန်းထက်ထက်လင်းကဆု MissTourismGlobalQueen2018  ဆုအပါအ၀င် ဆု ၅  ခု ဆွတ်ခူး ရရှိသွားပါတယ်။ အဆိုပါပြိုင်ပွဲကို အောက်တိုဘာ ၂၂ ရက်ကနေ ၂၈ ရက်အထိကျင်းပခဲ့တာဖြစ်ပြီး နိုင်ငံအသီးသီးမှ ကိုယ်စားပြုအလှမယ် ၂၃ ဦးဝင်ရောက်ယှဉ်ပြိုင်ရာမှာ နန်းထက်ထက်လင်းက ဆုတွေ ရရှိခဲ့တာပါ။ ဒီပြိုင်ပွဲမှာ မြန်မာအလှမယ်ရရှိခဲ့တဲ့ ဆုတွေကတော့ MissTourismGlobalQueen 2018  သရဖူဆု၊ Most Elegant အထူးဆု ၊ Vine Aesthetics (sponsor choice award)ဆု၊  The Best Swim Suit Award (for Body beauty) ဆုနဲ့ The Best National Costume (second Runner up) ဆုတွေ ရခဲ့တာဖြစ်ပါတယ်။ ဒီလိုဆုတွေ ရရှိတဲ့အပေါ်မှာ နန်းထက်ထက်လင်းက “ကိုယ်တကယ် ကြိုးစားခဲ့လို့ ရခဲ့တဲ့ ဆုတွေဖြစ်တဲ့အတွက်ကြောင့်မို့လို့ အရမ်းကိုလည်း ဂုဏ်ယူတယ်။ ၀မ်းသာတယ်။ နောက်တခုက ဒီမြန်မာနိုင်ငံအတွက်ကော၊ ကိုယ့်ကရင်လူမျိုးတွေအတွက်ကော ဒီ Winner ဆုကိုရခဲ့တဲ့အတွက် အတိုင်းမသိ ၀မ်းသာတယ်။ ”လို့ ဒီဗွီဘီကိုပြောပါတယ်။ ဒီပြိုင်ပွဲရဲ့ အဓိက ဆုဖြစ်တဲ့ Miss Tourism Queen Worldwide 2018 ဆုကိုတော့ ဗီယက်နမ် အလှမယ်က ရရှိပြီး MissTourismGrandQueen2018 ဆုကိုတော့ ထိုင်းအလှမယ်က ရရှိသွားပါတယ်။