မြန်မာ-အိန္ဒိယ သဘာဝအခြေပြု ခရီးသွားလုပ်ငန်းများ ဖော်ဆောင်ရန်ဆွေးနွေး
3.4K
မြန်မာ-အိန္ဒိယ သဘာဝအခြေပြု ခရီးသွားအဖွဲ့တွေ တွေ့ဆုံပြီး သဘာဝအခြေပြု ခရီးသွား လုပ်ငန်းတွေ ပူးပေါင်း အကောင်အထည် ဖော်ဆောင်ကြဖို့ ဆွေးနွေးညှိနှိုင်းနေကြပါတယ်။
အိန္ဒိယနိုင်ငံ၊ မဏိပူပြည်နယ် အခြေစိုက် မဏိပူ ခြေလျှင်နဲ့ တောင်တက်အသင်းနဲ့ မြန်မာနိုင်ငံက ကလေးမြို့စက်ဘီးအသင်း၊ တမူးမြို့စက်ဘီးအသင်း၊ ကလေးမြို့ခြေလျှင်နဲ့ တောင်တက်အသင်းတို့ဟာ အောက်တိုဘာ ၂၀ ရက်က တမူးမြို့မှာ တွေ့ဆုံပြီး ဆွေးနွေးခဲ့ကြတာပါ။
ပထမအဆင့်အနေနဲ့ နယ်နမိတ်ခြင်း ထိစပ်နေတဲ့ ပြည်နယ်တိုင်းအလိုက် သဘာဝအခြေပြုခရီးသွား အားကစားပူပေါင်းဆောင်ရွက်ရေးကိစ္စရပ်တွေကို ဆွေးနွေးခဲ့ကြ တယ်လို့ ကလေးမြို့ တောင်တက်အသင်းက ကိုလှိုင်ထွန်းက ပြောပါတယ်။
"အဓိက ကတော့ ခြေလျှင်တောင်တက် အဓိကတွေ့တာပါ။ သဘာဝအခြေပြု ခရီးသွား ကိစ္စပါ။ ဟိုဘက်အဖွဲ့က တောင်တက်အဖွဲ့ပါ။ ဒီဘက်တောင်တက်အဖွဲ့နဲ့ ချိတ်ဆက်ပြီး သဘာဝ အခြေပြု ခရီးသွားမြင့်တင်ရေးလုပ်ဖို့ ဆွေးနွေးကြပါတယ်”
မဏိပူ ခြေလျှင်နဲ့ တောင်တက်အသင်းကို ၁၉၈၀ ပြည့်နှစ်ကတည်းက စတင်တည်ထောင်ခဲ့ပြီး ခရီးသွားဖွံ့ဖြိုးရေး ပူးပေါင်းလုပ်ဆောင်ဖို့အတွက် မဏိပူအစိုးရရဲ့ ပံ့ပိုးကူညီမှုနဲ့ လုပ်ကိုင်နေတာပါ။
လက်ရှိမှာ ဒေသတွင်းမှာ နယ်မြေအေးချမ်းပြီး လွတ်လပ်စွာ သွားလာလည်ပတ်နိုင်တဲ့ အခြေအနေတွေ ရှိနေလို့ နှစ်နိုင်ငံ ပူးပေါင်းဆောင်ရွက်ကြဖို့ စီစဉ်နေတာလို့ အဖွဲ့ဝင် တဦးက ဆိုပါတယ်။
"ရည်ရွယ်ချက်ကတော့ အားကစား၊ ကျန်းမာကြံခိုင်မှု၊ စည်းလုံးမှု၊ မူးယစ်ကင်စင်ရေး သဘာဝပတ်ဝန်းကျင် ထိန်းသိမ်းရေးဆိုတာတွေပါပဲ။ အသင်းအဖွဲ့တွေ အနေနဲ့ ကျောက်တောင် တွယ်တက်ခြင်း၊ ခြေလျှင်တောင်တက်ခြင်း၊ ဂလိုက်ဒါစီးခြင်း၊ မီးပုံးပျံစီးခြင်း၊ မြစ်ကြောင်းဖြတ်ကျော် အပန်းဖြေ လှေစီးခြင်း၊ တောတွင်းစခန်းချနေထိုင်ခြင်းစတဲ့ အားကစားတွေကို ပြုလုပ်နေပါတယ်"
အခုလို တဖက်နိုင်ငံ အဖွဲ့တွေ အနေနဲ့ ကလေးနဲ့ တမူးမြို့ တောင်တက်အဖွဲ့တွေ စက်ဘီးစီး အဖွဲ့တွေနဲ့အတူ ကလေးမြို့အနီး ဝန်းကျင် ကျေးလက်ဒေများတွေလှည့်လည် စက်ဘီးစီးနိုင်မှာ ဖြစ်ပြီး မြန်မာလူ့အဖွဲ့အစည်းရဲ့ ဖော်ရွေမှုကို ခံစားစေချင်တာရယ်၊ တောင်တန်းသဘာဝတွေကို မြင်စေချင်တာရယ်ကြောင့် မကြာမီ သဘာဝအခြေပြု ခရီးသွားမှုတွေကိုလည်း လုပ်ဆောင်ဖို့ အကောင်အထည်ဖော်သွားမယ်လို့လည်း ကိုလှိုင်ထွန်းက ဆိုပါတယ်။
ဒါ့အပြင် ခြေလျှင်နဲ့ တောင်တက် ခရီးစဉ်တွေအဖြစ် ကလေးဒေသမှာ မြစ်အတွင်း အပန်းဖြေလှေစီးတာနဲ့ ကနေဒီ ခြေလျှင်တောင်တက်ခရီး၊ ခေါနုသုန်လ် ခြေလျှင်တောင်တက်ခရီး၊ ဝေဘူလ ခြေလျှင်နဲ့ တောင်တက်ခရီးတွေသွားတာ၊ တောတွင်းစခန်းချနေထိုင်တာ၊ တောထဲ ဆင်စီးခရီးစဉ်သွားတာတွေအပြင် နှင်းဖုံးတောင် ရေခဲတောင်တက်တာတွေလည်း လုပ်ဆောင်ဖို့ လည်းဆွေးနွေးခဲ့ကြပါတယ်။
မြန်မာ-အိန္ဒိယ နှစ်နိုင်ငံ နယ်နမိတ်ခြင်းထိစပ်နေတဲ့ ဒေသတွေဖြစ်လို့ အပြန်အလှန် သွားလာလည်ပတ်ကြခြင်းဖြင့် မတူညီတဲ့ လူမှုရပ်ဝန်းတွေအလိုက် ပိုမိုသိရှိနားလည်ပြီး ရင်နှီးလာစေမှာဖြစ်တယ်လို့လည်း တွေ့ဆုံခဲ့တဲ့ အဖွဲ့တွေက သုံးသပ်ကြပါတယ်။
မင်းရဲစစ်နိုင်
