ရှမ်းပြည်တောင်ပိုင်း လင်းခေးတွင် မိုးအဆက်မပြတ်ရွာသွန်း၍ ရေကြီးနေ

ရှမ်းပြည်တောင်ပိုင်း လင်းခေးခရိုင် လင်းခေးမြို့နယ်ထဲမှာ မိုးအဆက်မပြတ်ရွာသွန်းနေ တာကြောင့် နမ့်တိန်းချောင်းရေလျှံပြီး ချောင်းရဲ့ တဖက်တချက်က ကျေးရွာတွေ အားလုံးနီးပါး ရေကြီးရေလျှံမှု ဖြစ်နေပါတယ်။

ဒီလဆန်း ၃ ရက်ကတည်းက ရွာတဲ့မိုးကြောင့် နမ့်တိန်းချောင်းရေတွေ  ၀မ့်ဟတ်၊ နားကုန်း၊ မိုင့် အွန်လောဝ်း၊ ကွန်ခန်၊ တိလုန်၊ ဟတ်ဆိုင်းလုံ၊ စတဲ့ကျေးရွာအုပ်စုထဲ ၀င်လာတာ တပတ်ကျော်ပြီဖြစ်ပြီး တက်လိုက်ကျလိုက်ဖြစ်နေရာက မနေ့ကနဲ့  ဒီကနေ့တော့ ပိုဆိုးလာလို့ လှေကို အသုံးပြုပြီးသွားလာနေရတယ်လို့ နားကုန်းကျေးရွာ ကျောင်းထိုင်ဆရာတော် ဦးစာရိန္ဒက ဒီဗွီဘီကို မိန့်ပါတယ်။

“မနေ့နဲ့ ဒီနေ့မှာ ရေတွေကြီးလာပြီး ဘုန်းဘုန်းတို့ ကျောင်းဝင်းထဲမှာဆို ခါးလောက်ထိ ရေတက်လာတယ်။ လှေနဲ့ သွားလာနေရတယ်။ နားကုန်းရွာက အိမ်ခြေ ၃-၄ လုံးက မိသားစုတွေ အိမ်မှာနေလို့မရလို့ ဆွေမျိုးအိမ်သွားနေကြတယ်။ လယ်ထဲမှာလည်း ရေတွေ ၀င်နေတယ်။ စပါးပင်က သီးခါစတွေ၊ ရေ၀င်တာ ၄- ၅ ရက်ရှိပြီဆိုတော့ ပျက်စီးမယ့်သဘောပဲ၊ ဧကပေါင်း တစ်ရာကျော် နှစ်ရာလောက်ရှိမယ်။  အခုက နေရာတိုင်းမှာ ရေချည်းပဲဆိုတော့ အပျက်အစီး ဘယ်လောက်ရှိမလဲ မသိရသေးဘူး။ ကျွဲနွားတွေလည်း အမြင့်ကို ပြောင်းထား တယ်။ ကားတွေ ဆိုင်ကယ်တွေရောပေါ့၊ ရေက တရိပ်ရိပ်နဲ့ တက်လာတော့ ပြောင်းရွှေ့ ချိန်ရှိတယ်လေ၊ အုပ်ချုပ်ရေးမှူးတွေလည်း လိုက်စစ်ဆေးနေပါတယ်၊ သဘာဝဘေး ဆိုတော့ ဘယ်သူမှမတတ်နိုင်ဘူး။”

လင်းခေးမှာ လွန်ခဲ့တဲ့ ဆယ်နှစ်ကျော်ကလည်း ရေကြီးခဲ့ဖူးပြီး ဒီနှစ်တော့ ပိုဆိုးလာ တယ်လို့ ဆရာတော်က မိန့်ပါတယ်။

လင်းခေးနဲ့ မိုင်းပန်ကို ပြေးဆွဲနေတဲ့ လိုင်းကားဆရာ စိုင်းခေးတိုင်းကလည်း ရေကြီး တာကြောင့် ကားမထွက်နိုင်တာ ၃ ရက်ရှိပြီလို့ ပြောပါတယ်။

မိုင်းပန်မှာ ဒီလထဲ ၂ ရက်နေ့မှ ဒီနေ့ ၁၁ ရက်နေ့ထိ ရေကြီးလိုက် ပြန်ကျသွားလိုက် ၃ ကြိမ်ရှိသွားပြီဖြစ်ကြောင်း၊ မနေ့ တနေ့က လမ်းပေါ်မှာရေတွေဝင်လို့ ယာဉ်အသွားအလာ တနေ့လုံးရပ်နားရပြီး ရှမ်းပြည်အရှေ့ဘက်သွားမယ့်ကားတွေအားလုံး လမ်းမှာပဲ အိပ်ကြ ရကြောင်း၊ ဒီကနေ့မနက်မှာတော့ ရေပြန်ကျသွားလို့ ခရီးသည်ယဉ်တွေ ပြန်ထွက်နေပြီလို့ ပြောသွားပါတယ်။    

ဓာတ်ပုံ – Tai saw Long