A d v e r t i s e m e n t With Us

မြန်မာအသင်းက အင်ဒိုနီးရှားကို ၃ ဂိုးပြတ် ရှုံးနိမ့်

အင်ဒိုနီးရှားနိုင်ငံ Cikarang ရှိ Wibawa Mukti ကွင်းမှာ မနေ့ညက ယှဉ်ပြိုင်ကစားခဲ့တဲ့ ခြေစမ်းပွဲမှာ မြန်မာလက်ရွေးစင်အသင်းက အင်ဒိုနီးရှားကို ၃ ဂိုးပြတ်ရှုံးနိမ့်သွားပါတယ်။ မြန်မာအသင်းဟာ ဆူဇူကီးဖလားပြိုင်ပွဲအတွက် ကြိုတင်ပြင်ဆင်တဲ့အနေနဲ့ အင်ဒိုနီးရှားအသင်းနဲ့ ခြေစမ်းပွဲ သွားရောက်ကစားခဲ့တာလည်းဖြစ်ပါတယ်။ မြန်မာအသင်းဟာ ဒီပွဲမှာ လူငယ်ကစားသမားတွေနဲ့ အဓိကပွဲထွက်ခဲ့ပြီး ဒဏ်ရာရနေတဲ့ တိုက်စစ်မှူး အောင်သူနေရာမှာ ကောင်းဆက်နိုင် ပါဝင်ကစားခဲ့ပါတယ်။ ဒီပွဲမှာ မြန်မာအသင်းဟာ အင်ဒိုနီးရှားအသင်းကို ပထမပိုင်း ၄၅ မိနစ်အတွင်း ခံစစ်ပိုင်း အမှားတွေကနေ ၁၉၊ ၂၆ မိနစ်တွေမှာ ၂ ဂိုးပေးခဲ့ရပြီး မိနစ် ၄၀ မှာလည်း တန်ပြန်တိုက်စစ်ကနေ ၁ ဂိုး ခွင့်ပြုပေးခဲ့ရပါတယ်။ ဒုတိယပိုင်းမှာ မြန်မာအသင်းဟာ ကစားသမားအချို့ အပြောင်းအလဲပြုလုပ်ခဲ့ပြီး တိုက်စစ်မြှင့်တင်ကစားခဲ့ပေမယ့် အင်ဒိုနီးရှားအသင်းက ခြေပဂိုး ပြန်မပေးရရေးအတွက် ပွဲချိန်ပြီးဆုံးတဲ့အထိ ထိန်းကစားသွားခဲ့တာ တွေ့ရပါတယ်။ မြန်မာအသင်း အခုလို ဂိုးပြတ်ရှုံးနိမ့်ခဲ့တဲ့အပေါ် နည်းက အန်တိုနီဟေးလ်က "အနိုင်ရသွားတဲ့ အင်ဒိုနီးရှားအသင်းကို ဦးစွာ ချီးကျူးစကား ပြောလိုပါတယ်။ ပထမပိုင်းမှာ အခွင့်အရေးနှစ်ကြိမ်လောက်ရခဲ့ပေမယ့် ဂိုးအဖြစ် မပြောင်းလဲနိုင်ခဲ့ပါဘူး။ ဒုတိယပိုင်းကတော့ ပျင်းစရာကောင်းခဲ့ပါတယ်။ အသင်းမှာ လူငယ်တွေကို နေရာပေးခဲ့ပြီး ဗဟိုနောက်ခံလူတယောက်ဆို အသက် ၁၉ နှစ်ပဲရှိပါသေးတယ်။ ဂိုးသမားလေးဆိုရင်လည်း သူရဲ့ပထမဆုံး စီနီယာပွဲဦးထွက် ဖြစ်ပါတယ်။ ကျနော်တို့က သိပ်ငယ်ရွယ်တဲ့အသင်းပါ။ ကစားသမားတွေကို အပြစ်မတင်လိုပါဘူး။ ဒီလိုပဲ အမြဲတမ်း သင်ယူနေရတာပါပဲ။ ဆူဇူကီးအတွက် ပြင်ဆင်ချိန် ၁ လရှိပါသေးတယ်။ နောက်တစ်ပတ်၊ နှစ်ပတ်လောက်ဆိုရင်တော့ ကျေန်ာတို့ ပိုကောင်းလာမှာပါ။" လို့ ပြောပါတယ်။ မြန်မာလက်ရွေးစင်အသင်းဟာ ဒီနေ့ မြန်မာနိုင်ငံကို ပြန်လည်ရောက်ရှိမှာဖြစ်ပြီး ဆူဇူကီးဖလားပြိုင်ပွဲအတွက် ဒုတိယခြေစမ်းပွဲအဖြစ် အောက်တိုဘာ ၁၃ ရက်နေ့ ဘိုးလီးဗီးယားအသင်းနဲ့ ရန်ကုန်မြို့ သုဝဏ္ဏအားကစားကွင်းမှာ ယှဉ်ပြိုင်ကစားမှာလည်း ဖြစ်ပါတယ်။

A d v e r t i s e m e n t With Us

More News
Up