ကရင်လက်နက်ကိုင်အဖွဲ့အစည်းများ ပြန်လည်စည်းလုံးရေး ဆွေးနွေး
DVB
·
October 9, 2018
ကရင်လက်နက်ကိုင်တွေရဲ့ ပြန်လည်စည်းလုံးရေးကော်မတီ အစည်းအဝေးကို အောက်တိုဘာ ၈ ရက်နေ့က ကရင်အမျိုးသားအစည်းအရုံး (ကေအန်ယူ) ထိန်းချုပ်နယ်မြေ တပ်မဟာ ၇ စစ်ဌာနချုပ်မှာ ကျင်းပပြုလုပ်ခဲ့ပြီး အခုလို ပြောကြားလိုက်တာပါ။
ကေအန်ယူ တွဲဖက်အတွင်းရေးမှူး ၂ ပဒိုစောလှထွန်းက “နောက်ဆုံးအခြေအနေကတော့ ဒါကတော့ အားလုံးရဲ့ စုစည်းမှုနဲ့ တခုတည်း ရှိရမှာကတော့ သဘောထားရှိတယ်လေနော်။ အဲဒီပေါ်မှာ ကျနော်တို့ စုစည်းရတာပေါ့။ အဲဒီသဘောထားအပေါ်မှာ အခြေခံပြီးတော့ တွေ့ဆုံပြီးတော့ ဘယ်လိုဆက်သွားမလဲဆိုတဲ့ အပိုင်းကိုတော့ ကျနော်တို့ ဆွေးနွေးနေဆဲပေါ့နော်” လို့ ပြောပါတယ်။
ဒီအစည်းအဝေးမှာ လက်ရှိငြိမ်းချမ်းရေးဖြစ်စဉ်နဲ့ နိုင်ငံရေးအခင်းအကျင်းမှာ ကရင်လက် နက်ကိုင်အဖွဲ့တွေအနေနဲ့ ကေအန်ယူရဲ့ ဦးဆောင်မှုအောက်ခံယူပြီး ပံ့ပိုးဖို့၊ မူးယစ်ဆေးဝါးပြ ဿနာတွေနဲ့ သစ်တောထိန်းသိမ်းရေးကိစ္စတွေကို ဆွေးနွေးခဲ့ကြတယ်လို ဆိုပါတယ်။
“ကရင်လက်နက်ကိုင်အားလုံးကလည်း အခုသွားနေတဲ့ နိုင်ငံရေးဆွေးနွေးပွဲတွေ အပေါ်မှာ လက်နက်ကိုင်တပ်ဖွဲ့တွေအားလုံးက ကေအန်ယူရဲ့ နိုင်ငံရေး ဦးဆောင်မှုအောက်မှာ အတူတူပါဝင်ပြီးတော့ ပံ့ပိုးပြီးတော့ သွားနိုင်ကြဖို့ သဘောထားပေါ့။ နောက်တခုကတော့ မူးယစ်ဆေးဝါးဆိုင်ရာကိစ္စတွေလေ။ အဲဒါကိုလည်း ကရင်လက်နက်ကိုင်အဖွဲ့အားလုံးက အမျိုးသားရေးတာဝန်တရပ်အနေနဲ့ ကိုင်တွယ်ဆောင်ရွက်ဖို့ပေါ့နော်။ နောက်တခုကတော့ အခုဖြစ်နေတဲ့ သစ်တောထိန်းသိမ်းရေးပေါ့။ သစ်တောတွေကိုလည်းစနစ်တကျနဲ့ ပြန်လည်ထိန်းသိမ်းဖို့၊ သစ်တောပြန်စိုက်ဖို့၊ သစ်တောထုတ်လုပ်မှုတွေကိုလည်း အဓိကကိုင်တွယ်နိုင်ဖို့ပေါ့နော်။ ”
ဒါ့အပြင် လက်ရှိ လက်နက်ကိုင်အဖွဲ့အစည်းတွေကြားနဲ့ အစိုးရအကြား မြေယာ အငြင်းပွားမှုနဲ့ပတ်သက်ပြီး ဖြေရှင်းဆောင်ရွက်နိုင်ရေးအတွက်လည်း ဆွေးနွေးတိုင်ပင်ခဲ့ကြ တယ်လို့ ပြောပါတယ်။
“ဘာဖြစ်လို့လဲဆိုတော့ ကျနော်တို့လူထုတွေရဲ့ ပိုင်ဆိုင်ခဲ့တဲ့မြေယာတွေက ဟိုးလက်နက်ကိုင်တိုက်ပွဲဖြစ်ကတည်းက ဖြတ်လေးဖြတ်တွေဖြစ်ကတည်းက သူ့ရဲ့နေရပ်တွေ ကို စွန့်ခွာပြီးတော့ ထွက်ပြေးရတဲ့ လူတွေလည်း ရှိတာပေါ့နော်။ နောက်တပ်ဘက်က သူတို့အာဏာ သိမ်းတဲ့နောက်ပိုင်းမှာ တပ်က တပ်ပိုင်မြေတွေအနေနဲ့ သိမ်းခဲ့တဲ့အပေါ်မှာကော စွန့်လွှတ်ရတဲ့မြေပိုင်ရှင်တွေ၊ အစိုးရပိုင်တွေ အဲလိုမျိုးရှိတာပေါ့နော်။ အဲဒါကို ဒီဘက်ကာလမှာ ဒီမြေယာပိုင်ဆိုင်မှုတွေနဲ့ အခုရှိနေတဲ့ အပြင်းပွားမှုတွေ ကိုင်တွယ်ဖြေရှင်းပေးဖို့ပေါ့နော်။ အဲဒါကိုလည်း ဆွေးနွေးခဲ့ကြတာပေါ့နော်။”
အစည်းအဝေးကို ကရင်အမျိုးသားအစည်းအရုံး (ကေအန်ယူ)၊ ဒီမိုကရေစီကရင်အကျိုးပြု တပ်မတော် (ဒီကေဘီအေ)၊ အစိုးရနယ်ခြား စောင့်တပ် (BGF) အဖွဲ့မှ ဗိုလ်မှူး စောချစ်သူအဖွဲ့နဲ့ ဗိုလ်ချုပ်ထိန်မောင် ဦးဆောင်တဲ့ (KNU/KNLA) ငြိမ်းချမ်းရေးကောင်စီ စတဲ့ ကရင်လက်နက်ကိုင် အဖွဲ့အစည်းက ထိပ်တန်းခေါင်းဆောင်တွေ တက်ရောက်ခဲ့ကြပါတယ်။
ကရင်လက်နက်ကိုင်တွေ ပြန်လည်စည်းလုံးရေးနဲ့ပတ်သက်ပြီး ညီညွတ်ရေးကော်မတီ တခုကို ၂၀၁၂ ခု မေလက ဖွဲ့စည်းထားပြီး တဖွဲ့ကို ၃ ဦးပါဝင်ပါတယ်။ ဒီကော်မတီရဲ့ ဥက္ကဋ္ဌ အနေနဲ့ ကရင်လွတ်မြောက်ရေးတပ်မတော်က ဗိုလ်ချုပ်ဂျော်နီ ဦးဆောင်ပြီး ကော်မတီဝင် ၁၇ ဦးနဲ့အဖွဲ့စည်းခဲ့တာပါ။