A d v e r t i s e m e n t With Us

ပလတ်စတစ်ထိုင်ခုံ ၁ လုံး ၇ သောင်းကျပ်ဟု မှားယွင်းဖော်ပြမိကြောင်း စီမံဘဏ္ဍာဝန်ကြီးပြော

၂ဝ၁၈-၁၉ ဘဏ္ဍာနှစ် ရန်ကုန်တိုင်းဒေသကြီးရဲ့ ဘဏ္ဍာငွေ အရအသုံးဆိုင်ရာ ဥပဒေကြမ်းမှာ ပလတ်စတစ်ကုလားထိုင်တလုံး ၇ ထောင်ကျပ်အစား ၇ သောင်းကျပ်လို့ စာရင်းမှားယွင်း ဖော်ပြခဲ့တာဖြစ်တယ်လို့ ရန်ကုန်တိုင်း စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြောပါတယ်။ စက်တင်ဘာ ၂၈ ရက်နေ့က ပြုလုပ်တဲ့  ရန်ကုန်တိုင်းဒေသကြီး လွှတ်တော် အစည်းအဝေးမှာ ဝန်ကြီးက အခုလို ပြောကြားထားတာပါ။ ရန်ကုန်တိုင်း စီမံဘဏ္ဍာဝန်ကြီး ဦးမြင့်သောင်းက “မြို့ပြနဲ့ အိမ်ရာဖွံ့ဖြိုးရေးဦးစီးဌာနက ဝယ်မှာက အလုံး ၂၅ဝ ပါ။ တလုံးကို ၇ သောင်းကျပ်ဟာ မှားယွင်းနေပါတယ်လို့ ကျနော့်ကို လာတင်ပြပါတယ်။ တလုံးကို ၇ ထောင်ကျပ်ပဲ ကျသင့်ပါတယ်။ မှားယွင်းထည့်သွင်းမိတာပါ” လို့ ပြောပါတယ်။ အခုလို မှားယွင်းခဲ့တာနဲ့ပတ်သက်ပြီး တာဝန်ရှိသူတွေကို အရေးယူဖို့ မြို့ပြနှင့် အိမ်ရာဖွံ့ဖြိုးရေးဦးစီးဌာနကို အကြောင်းကြားစာ ပေးပို့ထားတယ်လို့ ဝန်ကြီးက ဆက်လက်ပြောဆိုပါတယ်။ စက်တင်ဘာ ၂၆ ရက် ရန်ကုန်တိုင်းဒေသကြီး လွှတ်တော်မှာ အင်းစိန်မြို့နယ် တိုင်းဒေသကြီး ၂ လွှတ်တော်ကိုယ်စားလှယ် ဦးဝေဖြိုးဟန်က “ဘဏ္ဍာငွေ အရအသုံးဆိုင်ရာ ဥပဒေကြမ်းရဲ့ ရုံးသုံးပရိဘောဂ ခေါင်းစဉ်အောက်မှာ ပလတ်စတစ်ကုလားထိုင် (ယိုးဒယား) ခေါင်းစဉ်နဲ့ တလုံးကို ကျပ် ၇ သောင်း စာရင်းပြထားတာဟာ များနေတယ်” လို့ ထောက်ပြဆွေးနွေးခဲ့တာ ဖြစ်ပါတယ်။

A d v e r t i s e m e n t With Us

More News
Up