A d v e r t i s e m e n t With Us

အာကာသကုန်တင်ယာဉ်တစီး ဂျပန်လွှတ်တင်

ဂျပန်အာကာသလေ့လာရေး အေဂျင်စီ(JAXA)ဟာ နိုင်ငံတကာ အာကာသ လေ့လာရေးစခန်းကို ပို့မယ့် အရေးကြီးပစ္စည်းတွေပါတဲ့ အာကာသယာဉ် တစင်းကို စက်တင်ဘာလ ၂၂ ရက်မှာ လွှတ်တင်လိုက်ပါတယ်။ H-2 Transport ယာဉ်ကို H-2 B ဒုံးပျံကို သုံးပြီး ဂျပန်နိုင်ငံတောင်ပိုင်း တာနဲဂါရှိမ အာကာသ စင်တာကနေ လွှတ်တင်လိုက်တာပါ။ အဲဒီအာကာသကုန်တင်ယာဉ်ဟာ  ရေ ၄ တန်၊ အပိုပစ္စည်းတွေနဲ့ ပစ္စည်းကိရိယာတွေ တင်ဆောင်သွားပါတယ်။ ဒီယာဉ်ဟာ နိုင်ငံတကာအာကာသစခန်းကို စက်တင်ဘာ ၂၇ ရက် ကြာသပတေးနေ့ ဆိုက်ရောက်မှာပါ။ အာကာသစခန်းကို ရောက်တဲ့အခါ စခန်းမှာရှိတဲ့ ယာဉ်မှူးတွေက စက်ရုပ်လက်ကိုသုံးပြီး ယာဉ်ကို ချိတ်ဖမ်းမှာပါ။ တာဝန်ပြီးဆုံးတဲ့အခါ H-2 Transport အာကာသယာဉ်ဟာ  ကမ္ဘာမြေကိုပြန်လာတဲ့အခါ လောင်ကျွမ်းထိခိုက်မှုမရှိဘဲ အိန္ဒိယသမုဒ္ဒရာထဲကျဖို့ မျှော်လင့်ထားကြပါတယ်။

A d v e r t i s e m e n t With Us

More News
Up