ရတနာပုံတက္ကသိုလ်အနီး ကျောင်းသားကျောင်းသူ ၂ ဦးထံမှ မူးယစ်ဆေးဝါးများ ဖမ်းမိ
DVB
·
September 15, 2018
မန္တလေးမြို့ အမရပူရမြို့နယ် ရတနာပုံတက္ကသိုလ်အနီး အဆောင် ၂ ခုမှ ကျောင်းသားတဦးနဲ့ ကျောင်းသူတဦးဆီက မူးယစ်ဆေးဝါးတွေ ဖမ်းဆီးရမိခဲ့တယ်လို့ သိရပါတယ်။
ရတနာပုံတက္ကသိုလ်အနီး တောင်သမာန်ကျေးရွာအုပ်စု၊ ထန်းတောရပ်ကွက်အတွင်းမှာ ဖွင့်လှစ်ထားတဲ့ ငြိမ်းချမ်းသာယာ အမျိုးသားဘော်ဒါဆောင်မှာ နေထိုင်တဲ့ ကျောင်းသားတဦးနဲ့ ပန်းရင်ခွင် အမျိုးသမီးဆောင်တွင်နေထိုင်တဲ့ ကျောင်းသူတဦးကို အမရပူရမြို့နယ်ရဲတပ်ဖွဲ့က နယ်ထိန်းခေါင်းဆောင် ရဲအုပ်မင်းပိုင်ဦးတို့ အဖွဲ့နဲ့အတူ တောင်သမာန်ကျေးရွာ အုပ်ချုပ်ရေးမှူး ဦးကျော်စိန်နဲ့ ရာအိမ်မှူးများ၊ သတင်းတပ်ဖွဲ့များက စက်တင်ဘာလ ၁၄ ရက်န့က သတင်းအရ ဝင်ရောက်ရှာဖွေခဲ့ရာမှ မူးယစ်ဆေးဝါးတွေ ဖမ်းဆီးရမိခဲ့တယ်လို့ သိရပါတယ်။
ကျောင်းသူဆီကနေ WY စာတန်းပါ စိတ်ကြွဆေးပြား ၃၈ ပြားနဲ့ ကျောင်းသားဆီကနေ WY စာတန်းပါ စိတ်ကြွဆေးပြား ၁၇ ပြား၊ စုစုပေါင်း ၅၅ ပြား ဖမ်းဆီးရမိပါတယ်။
သူတို့ ၂ ဦးကို အမရပူရမြို့နယ် မြို့မရဲစခန်းက မူးယစ်ဆေးဝါးနဲ့ စိတ်ကိုပြောင်းလဲစေတက်သော ဆေးဝါးများ တားဆီးကာကွယ်ရေး ဥပဒေအရ အရေးယူ ဆောင်ရွက်သွားမှာဖြစ်တယ်လို့ အမရပူရမြို့နယ် မြို့မစခန်းမူး ဒုရဲမှူးဆန်းဝင်းက ပြောပါတယ်။