A d v e r t i s e m e n t With Us

ချီလီတွင် အာဏာသိမ်းမှု ၄၅ နှစ်ပြည့် အထိမ်းအမှတ် ဆန္ဒပြပွဲအတွင်း ရုန်းရင်းဆန်ခတ်ဖြစ်

ဓာတ်ပုံ - AFP
ချီလီနိုင်ငံအတွင်း စစ်အာဏာရှင် ဗိုလ်ချုပ်ကြီး သြဂတ်စ်တို ပီနိုချေး အာဏာသိမ်းမှု ၄၅ နှစ်ပြည့် နှစ်ပတ်လည်နေ့ အထိမ်းအမှတ် ဆန္ဒပြပွဲအတွင်း စက်တင်ဘာ ၉ ရက်နေ့က ရုန်းရင်းဆန်ခတ် ဖြစ်ခဲ့ပါတယ်။ ရဲတွေက ဆန္ဒပြသူတွေကို မီးသတ်ပိုက်တွေ၊ မျက်ရည်ယိုဓာတ်ငွေ့တွေ သုံးပြီး လူစုခွဲပါတယ်။ ဆန္ဒပြသူတွေကလည်း ရဲကားတွေကို ကျောက်ခဲတွေ၊ ဓာတ်ဆီပုလင်းဗုံးတွေ၊ ပုလင်းတွေနဲ့ ပစ်ပေါက်ခဲ့ကြပါတယ်။ ၁၉၇၃ ခုနှစ် ပီနိုချေး အာဏာသိမ်းမှုကြောင့် အဲဒီအချိန်က သမ္မတ ဆယ်လ်ဗာဒို အယ်လန်ဒေ သေဆုံးခဲ့ပြီး စစ်အာဏာရှင်အောက် ၁၇ နှစ် ကျရောက်ခဲ့ပါတယ်။ အဲဒီခေတ်က ပျောက်ဆုံးသူတွေအတွက် အထိမ်းအမှတ်ရှိရာ စန်တီယေဂို အထွေထွေ သင်္ချိုင်းမှာ ရုန်းရင်းဆန်ခတ် ဖြစ်ခဲ့တာပါ။ အာဏာရှင်စနစ်ရဲ့ သားကောင်တွေကို အမှတ်ရတဲ့အနေနဲ့ ထောင်နဲ့ချီတဲ့ ဆန္ဒပြသူတွေက သင်္ချိုင်းဆီ ချီတက်ခဲ့ကြပါတယ်။ စစ်အာဏာရှင်ခေတ် နိုင်ငံရေးအကြမ်းဖက်မှုတွေအတွင်း လူ ၃၂၀၀ နီးပါး ပျောက်ဆုံးတယ်၊ လူ ၂ သောင်း ၈ ထောင်ကျော် နှိပ်စက်ခံခဲ့ရတယ်လို့ အစိုးရ စာရင်းအင်းတွေက ဆိုပါတယ်။ ပျောက်ဆုံးမှုနဲ့ နှိပ်စက်မှု အများစုကို ပီနိုချေးရဲ့ တပ်တွေနဲ့ ထိန်းသိမ်းရေးစခန်းတွေထဲက လျှို့ဝှက်ရဲတွေက ဆောင်ရွက်ခဲ့တယ်လို့လည်း ရိုက်တာသတင်းဌာနက ဖော်ပြခဲ့ပါတယ်။

A d v e r t i s e m e n t With Us

More News
Up