ရန်ကုန်-မန္တလေးလမ်းပိုင်းတွင် အမှတ် ၃၊ ၄ အမြန်ရထားများ ပြန်ပြေးဆွဲ
DVB
·
September 3, 2018
စက်တင်ဘာ ၂ ရက်နေ့ကစလို့ ရန်ကုန်-မန္တလေးလမ်းပိုင်းမှာ အမှတ် ၃ နဲ့ ၄ အမြန်ရထားတွေ ပြန်ပြေးဆွဲနေပြီး ရထားတချို့ အချိန်ပြောင်းမယ်လို့ မြန်မာ့မီးရထားက ကြေညာပါတယ်။
အမှတ် ၃ အဆန်အမြန်ရထားဟာ ရန်ကုန်ဘူတာကြီးက ည ၁၀ နာရီမှာ ထွက်ခွာပြီး မနက် ၆ နာရီမှာ ရေတာရှည်ကို ရောက်မှာဖြစ်ပါတယ်။ အဲဒီမှာ တပ်မတော်က အကူအညီပေးနေတဲ့ ဘတ်စ်ကားတွေနဲ့ ဆွာဘူတာကို သွားပြီး မနက် ၈ နာရီမှာ ဆွာဘူတာကထွက်လို့ မန္တလေးကို ညနေ ၄ နာရီ ရောက်မှာ ဖြစ်ပါတယ်။
အဲဒီလိုပဲ အမှတ် ၄ အစုန်အမြန်ရထားဟာလည်း မန္တလေးက ည ၁၀ နာရီမှာထွက်ပြီး ဆွာကို မနက် ၆ နာရီရောက်ရင် ကားပြောင်းစီးပြီး ရေတာရှည်ကနေ မနက် ၈ နာရီ ပြန်ထွက်မှာဖြစ်လို့ ရန်ကုန်ကို ညနေ ၄ နာရီ ရောက်မှာပါ။
ပြီးတော့ ရန်ကုန်-တောင်ငူကြား ပြေးဆွဲနေတဲ့ အဆန်အထူးရထားဟာ ရန်ကုန်က ညနေ ၃ နာရီမှာ အချိန်ပြောင်းထွက်မှာဖြစ်ပြီး တောင်ငူကို ည ၉ နာရီ ၁၅ မိနစ်မှာ ရောက်မယ်လို့ ဆိုပါတယ်။
အစုန်အထူးရထားကိုလည်း စက်တင်ဘာ ၃ ရက်ကစလို့ တောင်ငူကနေ ည ၁၀ နာရီခွဲမှာ အချိန်ပြောင်းထွက်ခွာပြီး ရန်ကုန်ကို မနက် ၅ နာရီ ရောက်မယ်လို့ ဆိုပါတယ်။
အစုန်/အဆန်အထူးရထား ရပ်တန့်ပေးမယ့် ဘူတာတွေကတော့ ရန်ကုန်နဲ့ တောင်ငူကြားက တိုးကြောင်ကလေး၊ ပဲခူး၊ ဒိုက်ဦး၊ ပြွန်တန်ဆာ၊ ညောင်လေးပင်၊ ပိန်းဇလုတ်၊ ကျောက်တံခါး၊ ပဲနွယ်ကုန်း၊ ကညွတ်ကွင်း၊ ဖြူးနဲ့ ဇေယျဝတီဘူတာတွေ ဖြစ်တယ်လို့ ကြေညာထားပါတယ်။
သြဂုတ် ၃၁ ရက်ကစပြီး ပြေးဆွဲတဲ့ ရန်ကုန်-မန္တလေး အမှတ် ၁၁ အဆန်/၁၂ အစုန် အမြန်ရထားတွေနဲ့ ပျဉ်းမနား-မန္တလေးကြား ပြေးဆွဲနေတဲ့ အစုန်/အဆန် အထူးရထားတွေ ကိုလည်း အရင်အတိုင်း ဆက်ပြီး ပြေးဆွဲပေးမယ်လို့လည်း ဖော်ပြထားပါတယ်။