အင်းစိန်နှင့် မန္တလေး အကျဉ်းထောင်၌ လူနာတင်ယာဉ် ၁ စီးစီသာရှိ
DVB
·
August 30, 2018
ရန်ကုန်နဲ့ မန္တလေး အကျဉ်းထောင် နှစ်ခုမှာ လူနာတင်ကား တစီးစီ ရှိတယ်လို့ ပြည်ထဲရေး ဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးကျော်ဆွေက ပြောပါတယ်။
သြဂုတ် ၃၀ ရက်ကပြုလုပ်တဲ့ ပြည်ထောင်စုလွှတ်တော် အစည်းအဝေးမှာ ပြည်ထောင်စု စာရင်းစစ်ချုပ်ရုံးရဲ့ အစီရင်ခံစာအပေါ် ပြန်လည် ရှင်းလင်းတင်ပြရင်း ဝန်ကြီးက ပြောခဲ့တာ ဖြစ်ပါတယ်။
“အကျဉ်းဦးစီးဌာနမှာ ဗဟိုအကျဉ်းထောင် ၃ ခု၊ က အဆင့်အကျဉ်းထောင် ၃၀ ခု၊ ခ အဆင့် အကျဉ်းထောင် ၁၀ ခု၊ အချုပ်ထောင် ၆ ခုနဲ့ အလုပ်စခန်း ၄၈ခု ရှိပြီး အင်းစိန် ဗဟိုအကျဉ်းထောင်နဲ့ မန္တလေး ဗဟိုအကျဉ်းထောင်တို့မှာ လှူဒါန်းထားသော လူနာတင်ယာဉ် တစီးဆီသာ ရှိပြီးတော့ ကျန်ဗဟိုအကျဉ်းထောင် တခုနှင့် က အဆင့် အကျဉ်းထောင် ၃၀ ခုကို ပထမဦးစားပေးအဖြစ်လည်းကောင်း ခ အဆင့်အကျဉ်းထောင် ၁၀ခုနှင့် အချုပ်ထောင် ၆ခုကို ဒုတိယဦးစားပေးအဖြစ်လည်းကောင်း အလုပ်စခန်း ၄၈ ခုကို တတိယဦးစားပေးအဖြစ် လည်းကောင်း ဘဏ္ဍာရေးနှစ်အလိုက် ပြည်ထောင်စုဘဏ္ဍာရန်ပုံငွေမှာ ထည့်သွင်း တောင်းခံ သွားမှာ ဖြစ်ပါတယ်။”
ပြည်ထောင်စုလွှတ်တော်ကိုယ်စားလှယ်တွေက စာရင်းစစ်ချုပ်ရုံးရဲ့ အစီရင်ခံစာအပေါ် ဆွေးနွေးရင်း အကျဉ်းထောင်အဆင့်အလိုက် လူနာတင်ယာဉ်တွေ ဖြည့်တင်းပေးနိုင်ရေး စိစစ်ဆောင်ရွက်ရန် ပြောဆိုခဲ့ကြပါတယ်။
