ပြည်ပမှ တင်သွင်းတဲ့ မူဝါဒသတ်မှတ်ချက်ကိုက်ညီမှု မရှိတဲ့ယာဉ်တွေကို ရန်ကုန် ဆိပ်ကမ်းမှတစ်ဆင့် ထုတ်ယူရာမှာ သိန်း ၁၈၀ ကျော် လာဘ်စားမှုနဲ့ ပတ်သက်တဲ့ အကောက်ခွန်အရာရှိ ၁၃ ဦးကို အဂတိလိုက်စားမှု တိုက်ဖျက်ရေး ဥပဒေနဲ့ အမှုဖွင့်အရေးယူထားကြောင်း ကော်မရှင်က သြဂုတ် ၂၄ ရက်မှာ သတင်းထုတ်ပြန်ပါတယ်။
မူဝါဒနဲ့ ကိုက်ညီမှုမရှိတဲ့ Delivery Van ယာဉ်တွေကို ရန်ကုန်ဆိပ်ကမ်းက တဆင့် ထုတ်ယူရာမှာ Shinning Star Agency ရဲ့ အေးဂျင်စီထံမှ EO အကောက်ခွန်ဝန်ထမ်း ၂ ဦးက ကျပ် ၄၄ သိန်း၊ Appraiser အကောက်ခွန်မှူး နှစ်ဦးက ကျပ် ၁၁ သိန်း၊ ဦးစီးအရာရှိက ကျပ် ၁၁ သိန်းရယူကြောင်း စစ်ဆေးပေါ်ပေါက်ခဲ့တယ်လို့ ကော်မရှင်ရဲ့ထုတ်ပြန်ချက်မှာ ဖော်ပြထားပါတယ်။
ဒါ့အပြင် Metal Seal တပ်ဆင်ပေးတဲ့ PC လက်ထောက် အကောက်ခွန်မှူးက ကျပ် ၅ သိန်းခွဲ၊ EO ဒုအကောက်ခွန်မှူး ၂ ဦးက ယာဉ် ၁ စီးကို ကျပ် ၁၀ သိန်းနှုန်းနဲ့ ယာဉ် ၇ စီးအတွက် ကျပ်သိန်း ၇၀ ကို လင်းယုန် Agency ရဲ့ အေးဂျင့်ဆီက ရယူခဲ့ကြောင်း ဖော်ပြထားပါတယ်။သူတို့ကို အရေးယူထားတဲံပုဒ်မ ၅၆ ဟာ ထောင် ၁၀ နှစ်အထိချမှတ်နိုင်တဲ့ ပုဒ်မဖြစ်ပါတယ်။
ပြီးခဲ့တဲ့ ဇူလိုင်လကလည်း ရန်ကုန်ဆိပ်ကမ်းက ယာဉ်ထုတ်ယူရာမှာ ငွေကြေးရယူတဲ့ အကောက်ခွန်အရာထမ်း၊ အမှုထမ်း ၁၂ ဦးကို အဂတိလိုက်စားမှုဥပဒေနဲ့ အရေးယူထားရာ နှစ်လအတွင်း စုစုပေါင်းအကောက်ခွန်ဝန် ထမ်း ၂၅ ဦးကို ကော်မရှင်က အရေးယူတာဖြစ်ပါတယ်။
