ချဲလ်ဆီးအသင်းနည်းပြတဦးတည်းသာ သူ့ကိုလိုချင်တာ ဖြစ်ပြီး အေစီမီလန်ကတော့ တသင်းလုံးက သူ့လိုချင်နေတာကြောင့် ပြောင်းရွှေ့ဖို့ဆုံးဖြတ်ခဲ့တာလို့ ဟီဂူအင်က ပြောကြားလိုက်ပါတယ်။ အေစီမီလန်အသင်းအနေနဲ့ ဟီဂူအင်ကို အခုရာသီ အငှားစာချုပ် ပေါင် ၁၆ သန်းအပြင် လာမယ့်ရာသီ ပြောင်းရွှေ့ကြေး ပေါင် ၃၂.၁ သန်းနဲ့အတူ ခေါ်ယူနိုင်ခဲ့တာဖြစ်ပါတယ်။ ဟီဂူအင်ဟာ စီးရီးအေမှာ ဂျူဗင်တပ်စ်အသင်းနဲ့အတူ ဖလား ၂ လုံး ၇၆ ပွဲမှာ ဂိုး ၄၀ ထိ သွင်းယူပေးခဲ့ပါတယ်။ ဟီဂူအင်အပြင် ကဲလ်ဒါရာပါ အေစီမီလန်အသင်းကို ရောက်ရှိခဲ့တာဖြစ်ပြီး ဘိုနူချီကိုတော့ အသင်းဟောင်း ဂျူဗင်တပ်စ်အသင်းကို ပြန်လည်ပြောင်းရွှေ့စေခဲ့ပါတယ်။ အခုအပြောင်းအရွှေ့ကြောင့် ချဲလ်ဆီး ပစ်မှတ်ကစားသမားတဦး လွဲချော်ခဲ့ရတာဖြစ်ပြီး အသင်းအနေနဲ့ ဂျော်ဂျင်ဟို တဦးတည်းကိုသာ ခေါ်ယူထားနိုင်ခဲ့ပါတယ်။