Home
မြန်မာသတင်း
တရုတ်နိုင်ငံသို့ လူကုန်ကူးရောင်းချသူ ၂ ဦးကို ဖမ်းဆီးရမိ
DVB
·
July 22, 2018
တရုတ်အမျိုးသားနဲ့ လက်ထပ်ပါက တင်တောင်းငွေ ကျပ်သိန်း ၄၀ ရရှိမယ်လို့ပြောဆိုပြီး တရုတ်နိုင်ငံကို လူကုန်ကူးသူ ၂ ဦးကို ဖမ်းမိထားကြောင်း မိုးကောင်းမြို့မရဲစခန်းက သိရပါတယ်။ ဖြစ်စဉ်မှာ ကချင်ပြည်နယ် မိုးကောင်းမြို့နယ် ကဝါးယံကျေးရွာနေ မရွယ်နူး (၃၇ နှစ်)နဲ့ ရှမ်းပြည်မြောက်ပိုင်း မူဆယ်ခရိုင် မုံးကိုးမြို့ ရပ်ကွက်(၇)နေ မဂျာနောင် (ခ)ခေါန်ရာ (၃၈ နှစ်)တို့ ၂ ဦးဟာ ဇူလိုင် ၁၇ ရက်နေ့က မိုးကောင်းမြို့နယ် လွယ်လောကျေးရွာသူ မကော့နူး (ခ) မချောပု (၁၇ နှစ်) ကို တရုတ်အမျိုးသားနဲ့ လက်ထပ်ပါက တင်တောင်းငွေ ကျပ်သိန်း ၄၀ ရမယ်လို့ စည်းရုံးပြောဆိုပြီး ကြိုတင်ငွေ ၅ သိန်းပေးခဲ့ပါတယ်။ ဒီနောက် မြစ်ကြီးနားကနေ လွယ်ဂျယ်ကို မရွယ်နူးက မကော့နူးအား ပို့ဆောင်စဉ် မိုးမောက်မြို့နယ် စိန်လုံပူးပေါင်းရေးဂိတ်မှာ လူကုန်ကူးမှု မသင်္ကာဖွယ်တွေ့ရတဲ့အတွက် စစ်ဆေးပေါ်ပေါက်ခဲ့ပြီး ဆက်စပ်တရားခံ မဂျာနောင် (ခ) ခေါန်ရာ ကို လွယ်ဂျယ်နယ်စပ်အဝင်အထွက်ဂိတ်မှာ ဖမ်းဆီးခဲ့တာပါ။ ဆက်လက်စစ်ဆေးပေါ်ပေါက်ချက်အရ ၂၀၁၈ ခု ဧပြီလကလည်း အဆိုပါတရားခံ ၂ ဦးက မိုးကောင်းမြို့နယ် မင်းကုန်းကျေးရွာသူ မဆိုင်းခွမ် (ခ) ဇင်မာဦး (၂၄ နှစ်)ကို တရုတ်နိုင်ငံ လုံလင်မြို့က အမျိုးသားတဦးထံ အထက်ပါနည်းအတိုင်း စည်းရုံးပြောဆိုကာ ယွမ်ငွေ ၆၆၀၀၀ နဲ့ ရောင်းချခဲ့တယ်လို့ သိရရှိပါတယ်။ ဖြစ်စဉ်နဲ့ ပတ်သက်ပြီး မိုးကောင်းမြို့မရဲစခန်းမှ မရွယ်နူးနဲ့ မဂျာနောင် (ခ)ခေါန်ရာ တို့ကို (ပ)အမှတ် ၁၀၆/၁၀၇/၂၀၁၈ လူကုန်ကူးမှု တားဆီးရေးပုဒ်မ ၂၄/၃၂ အရ ဇူလိုင် ၂၂ ရက်နေ့က အရေးယူ ဆောင်ရွက်နေတယ်လို့ သိရပါတယ်။ သတင်း - ခင်သန်းညွန့်
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024