အာဇာနည်ခေါင်းဆောင်ကြီးများ၏ အတ္ထုပ္ပတ္တိ

ဗိုလ်ချုပ်အောင်ဆန်း (၁၉၁၅- ၁၉၄၇) အာဇာနည်ခေါင်းဆောင်ကြီး ဗိုလ်ချုပ်အောင်ဆန်းကို မကွေးတိုင်း၊ တောင်တွင်းကြီးခရိုင်၊ နတ်မောက်မြို့မှာ ဖခင် အမိန့်တော်ရရှေ့နေ ဦးဖာနဲ့ မိခင် ဒေါ်စုတို့က ၁၉၁၅ ခုနှစ်၊ ဖေဖော်ဝါရီလ ၁၃ ရက်မှာ ဖွားမြင်ပြီး ဇာတာအရ အမည်က မောင်ထိန်လင်းဖြစ်ပြီး ငယ်နာမည်ကတော့ အောင်ဆန်း ဖြစ်ပါတယ်။ နတ်မောက်မြို့ ဆရာတော် ဦးသောဘိတကျောင်းမှာ ပညာစသင်ပြီး ရေနံချောင်း အမျိုးသားအထက်တန်းကျောင်းကနေ ၁ဝ တန်းကို မြန်မာ၊ ပါဠိ ဂုဏ်ထူးနဲ့ အောင်မြင်ပါတယ်။ အဲဒီနောက် ရန်ကုန်တက္ကသိုလ်မှာ တက်ရောက်ပြီး ၁၉၃၅-၃၆ ခုနှစ်ကစလို့ ရန်ကုန်တက္ကသိုလ် ကျောင်းသားသမဂ္ဂ အမှုဆောင် အဖွဲ့ဝင် ဖြစ်ခဲ့ပါတယ်။ အဲဒီနောက် ကျောင်းသားသမဂ္ဂက ထုတ်ဝေတဲ့ အိုးဝေမဂ္ဂဇင်းအယ်ဒီတာ ဖြစ်လာပြီး The Hell Hound At Large (ငရဲခွေးကြီး လွတ်နေသည်) ဆိုတဲ့စာကို ဖော်ပြရာမှာ စာရေးသူကို ဖော်ထုတ်ပေးဖို့ ကျောင်းအုပ်ကြီးက တောင်းဆိုပေမယ့် ငြင်းပယ်လို့ ကျောင်းထုတ်ခံခဲ့ရပါတယ်။ ဒါကြောင့် ၁၉၃၆၊ ဖေဖော်ဝါရီ ၂၅ ရက်မှာ ဒုတိယအကြိမ် ကျောင်းသားသပိတ်ကို သမဂ္ဂက ဦးဆောင်ပြခဲ့ပြီး ကျောင်းပြန်တက်ခွင့် ရခဲ့ပါတယ်။ ၁၉၃၈ မှာတော့ တို့ဗမာအစည်းအရုံးကို ဝင်ရောက်ပြီး ၁၉၃၉ ခုနှစ်မှာ အတွင်းရေးမှူး ဖြစ်လာပါတယ်။ ၁၉၄ဝ ခုနှစ် တို့ဗမာအစည်းအရုံးရဲ့ ဟောပြောပွဲတခုမှာ ချင်းတောင်တန်းအကြောင်း ဟောပြောလို့ ဖမ်းဆီးရာမှာ ပုန်းနေတာကြောင့် ရာဇဝတ်ဝန်က ဆုငွေ ၅ ကျပ် ထုတ်ခဲ့ပါတယ်။ အဲဒီနောက် တရုတ်ကွန်မြူနစ်ပါတီနဲ့ ဆက်သွယ်ဖို့ အမွိုင်မြို့ကို ထွက်ခွာသွားပေမယ့် အဆက်အသွယ်မရ ဖြစ်နေတုန်း ပြည်တွင်းက ရဲဘော်တွေရဲ့ အဆက်အသွယ်နဲ့ ဂျပန်စစ်ဗိုလ် ဗိုလ်မှူးကြီး ဆူဇူကီး (ဗိုလ်မိုးကြိုး) က ဂျပန်ကို ခေါ်ယူခဲ့ပါတယ်။ ဂျပန်မှာ လွတ်လပ်ရေးကိစ္စတွေ ဆွေးနွေးပြီး မြန်မာနိုင်ငံကို ပြန်လာတဲ့အခါ ပြည်သူ့အရေးတော်ပုံ ပါတီဝင်တွေနဲ့ ဆက်လက်တိုင်ပင်ခဲ့ပါတယ်။ အဲဒီနောက် ရဲဘော်သုံးကျိပ်နဲ့အတူ ဂျပန်နိုင်ငံကို ထွက်ခွာပြီး ဟိုင်နန်ကျွန်းနဲ့ ထိုင်ဝမ်ကျွန်းတို့မှာ စစ်ပညာသင်ခဲ့ပါတယ်။ ၁၉၄၁ ခုနှစ်၊ ဒီဇင်ဘာ ၂၇ ရက်မှာတော့ ဗမာ့လွတ်လပ်ရေးတပ်မတော် (ဘီအိုင်အေ) ကို ထိုင်းနိုင်ငံ၊ ဘန်ကောက်မြို့မှာ ဖွဲ့စည်းခဲ့ပါတယ်။ ဒီနောက် ဗြိတိသျှတို့ကို တိုက်ခိုက်ဖို့အတွက် ဒုတိယ စစ်သေနာပတိအဖြစ် မော်လမြိုင်စစ်ကြောင်းနဲ့ မြန်မာနိုင်ငံကို ချီတက်ခဲ့ပါတယ်။ ၁၉၄၂ ခုနှစ်၊ ဇူလိုင် ၂၇ ရက်မှာ ဂျပန်တို့က ဘီအိုင်အေကို ဖျက်သိမ်းပြီး ဗမာ့ကာကွယ်ရေးတပ်မတော် (ဘီဒီအေ) အဖြစ် ဖွဲ့စည်းရာမှာ ဗိုလ်မှူးကြီးအဆင့်နဲ့ စစ်သေနာပတိဖြစ်လာပြီး ၁၉၄၃ မှာ ဗိုလ်ချုပ် ဖြစ်လာပါတယ်။ ၁၉၄၂ မှာ မြောင်းမြမြို့နေ ဦးဖိုးညှင်း၊ ဒေါ်ဖွားစုတို့ရဲ့ သားသမီး ၁ဝ ယောက်ထဲက ၈ ယောက်မြောက်သမီး သူနာပြုဆရာမ မခင်ကြည်နဲ့ လက်ထပ်ပြီး သား ၂ ယောက်၊ သမီး ၂ ယောက် ဖွားမြင်ခဲ့ပါတယ်။ သားတယောက်နဲ့ သမီးတယောက်ကတော့ ငယ်စဉ်ကပဲ ကွယ်လွန်ခဲ့ပါတယ်။ ၁၉၄၃ ဂျပန်ခေတ် မြန်မာနိုင်ငံအစိုးရအဖွဲ့မှာ ကာကွယ်ရေးဝန်ကြီးအဖြစ် တာဝန်ယူပြီး ဗမာပြည်ကွန်မြူနစ်ပါတီ ကိုယ်စားလှယ်တွေနဲ့ ဆွေးနွေးလို့ ဖက်ဆစ်ဂျပန်ကို တော်လှန်ဖို့ စီစဉ်ခဲ့ပါတယ်။ ၁၉၄၅၊ မတ် ၂၇ ရက်မှာ ဂျပန်ကို တော်လှန်ပြီးတဲ့နောက် စစ်တပ်ကထွက်ပြီး (ဖက်စစ်တိုက်ဖျက်ရေးအဖွဲ့/ ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ်ကနေ ပြောင်းလဲဖွဲ့စည်းထားတဲ့) ဖက်ဆစ်ဆန့်ကျင်ရေး ပြည်သူ့လွတ်လပ်ရေးအဖွဲ့ (ဖဆပလ) ကို ဝင်ရောက်ခဲ့လို့ ၁၉၄၆၊ ဇန်နဝါရီမှာ ကျင်းပတဲ့ ဖဆပလ ပထမဆုံး ပြည်လုံးကျွတ်ညီလာခံမှာ ဥက္ကဋ္ဌ ဖြစ်လာပါတယ်။ ၁၉၄၆ ခုနှစ်မှာ ဖဆပလဟာ နိုင်ငံရဲ့ အုပ်ချုပ်ရေး အမှုဆောင်ကောင်စီမှာ ပါဝင်လာပြီး ဗိုလ်ချုပ်အောင်ဆန်းက ကာကွယ်ရေးဌာနနဲ့ နိုင်ငံခြားရေးဌာနတွေကို တာဝန်ယူခဲ့ပါတယ်။ အဲဒီနောက် ဗိုလ်ချုပ်အောင်ဆန်း ဦးဆောင်တဲ့ မြန်မာကိုယ်စားလှယ်တွေနဲ့ ဗြိတိသျှအစိုးရ ကိုယ်စားလှယ်တို့ အင်္ဂလန်မှာ တွေ့ဆုံပြီး ၁၉၄၇၊ ဇန်နဝါရီ ၂၇ ရက်နေ့မှာ အောင်ဆန်း-အက်တလီစာချုပ်ကို ချုပ်ဆိုခဲ့ပါတယ်။ တောင်တန်းနဲ့ ပြည်မ လွတ်လပ်ရေး ပူးတွဲယူဖို့အတွက် ပင်လုံစာချုပ်ကို ရှမ်းပြည်နယ် ပင်လုံမြို့မှာ တိုင်းရင်းသားကိုယ်စားလှယ် ၂၃ ယောက်နဲ့ ၁၉၄၇၊ ဖေဖော်ဝါရီ ၁၂ ရက်နေ့မှာ ချုပ်ဆိုခဲ့ပါတယ်။ ၁၉၄၇၊ ဇူလိုင် ၁၉ ရက်၊ မနက် ၁ဝ နာရီ ၃၅ မိနစ်မှာ ဝန်ကြီးတွေနဲ့အတူ အတွင်းဝန်များရုံးမှာ အစည်းအဝေးလုပ်နေရင်း ဂဠုန်ဦးစော ခိုင်းစေတဲ့ လူသတ်သမားတွေရဲ့ လုပ်ကြံသတ်ဖြတ်မှုကြောင့် ကျဆုံးခဲ့ပါတယ်။ ၁၉၅၉၊ မတ် ၂၇ ရက်နေ့မှာ နိုင်ငံတော်ကနေ လွတ်လပ်ရေးမော်ကွန်းဝင် (ပထမဆင့်) အဖြစ် ဂုဏ်ပြုချီးမြှင့်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up