ကမ္ဘာ့သမိုင်းမှတ်တမ်းဝင် မြောက်ကိုရီးယားခေါင်းဆောင် ကင်ဂျုံအန်းနဲ့ အမေရိကန်သမ္မတ ဒေါ်နယ်လ်ထရမ့်တို့ ၂ဝ၁၈ ခုနှစ် ဇွန်လ ၁၂ ရက်နေ့က စင်ကာပူနိုင်ငံမှာ တွေ့ဆုံဆွေးနွေးခဲ့ကြတဲ့ အကြောင်းဟာ ကမ္ဘာ့သတင်းမီဒီယာမှာ ပြည့်လျှမ်းသွားအောင် တင်ပြခဲ့၊ ကမ္ဘာ့နိုင်ငံအသီးသီးက နိုင်ငံရေး စိတ်ဝင်စားကြသူ ပြည်သူလူထုကြီး တရပ်လုံး အာရုံကျ အလေးပေးကြည့်ရှုကြ၊ ဖတ်ကြတဲ့ အရေးကြီးသတင်းတပုဒ် ဖြစ်ခဲ့တာကိုတော့ စာဖတ်သူတွေ မှတ်မိကြဦးမှာပါ။ ကျနော်လည်း ဒီဗွီဘီဝက်ဘ်ဆိုက်အတွက် အပတ်စဉ် ဆောင်းပါးတပုဒ်အနေနဲ့ “ကမ္ဘာတဝန်း မျှော်လင့်နေတဲ့ ထရမ့်နဲ့ ကင် ထိပ်သီးဆွေးနွေးပွဲ” ဆိုတဲ့ ခေါင်းစဉ်နဲ့ ရေးသားတင်ပြခဲ့ဖူးပါတယ်။ အဲဒီဆောင်းပါးကို ကျနော် အဆုံးသတ် ရေးသားချက်ကလေးကို ပြန်ပြီးဖော်ပြမှ ဖြစ်မယ်လို့ ယူဆလို့ အခုဆောင်းပါးမှာ ပြန်ပြီး ဖော်ပြပေးလိုက်ပါတယ်။ တကယ်တော့ အမေရိကန်သမ္မတ ထရမ့်နဲ့ မြောက်ကိုရီးယားခေါင်းဆောင် ကင်ဂျုံအန်းတို့ရဲ့ ထိပ်သီးဆွေးနွေးပွဲဟာ ယေဘုယျ ဆွေးနွေးချက်တွေကို အသိအမှတ်ပြု လက်မှတ်ရေးထိုးတာလောက်ပဲ လုပ်နိုင်တဲ့ပွဲလို့ ပြောရင် မမှားလောက်ပါဘူး။ နှစ်နိုင်ငံအနေနဲ့ ဘယ်အချိန်မှာ ဘာကို ဘယ်လိုလုပ်မယ်ဆိုတဲ့ တိကျတဲ့ ကတိစကား သဘောတူညီမှုမျိုးလည်း ရရှိခဲ့တာ မရှိပါဘူး။ လေ့လာသူတချို့ကတော့ သမ္မတထရမ့်က မြောက်ကိုရီးယားကို နိုင်ငံရေး ချိတ်ဆက်ဆောင်ရွက်ရာမှာ မြောက်ကိုရီးယားရဲ့ ဖမ်းဆီးထားတဲ့ ဓားစာခံတွေ လွှတ်ပေးရေးနဲ့ နျူကလီးယား အစီအစဉ်ကို ဆိုင်ငံ့ထားဖို့ဆိုတဲ့ လိုက်လျောမှုကို ရရှိခဲ့ပေမယ့် သံတမန်ဆက်ဆံရေး ဆိုတာက ဝါဒဖြန့်စစ်ပွဲတရပ်သာဖြစ်ပြီး ဒီဆွေးနွေးပွဲမှာ ကင်က သူ့ရဲ့ အတွေးအမြင်ကို ကိုင်တွယ်ဆောင်ရွက်ရာမှာ အတွေ့အကြုံနဲ့ ပညာသားပါမှုကို ကောင်းကောင်း သက်သေပြသွားနိုင်ခဲ့တယ်။ ဒါကြောင့် ဒီထိပ်သီးဆွေးနွေးပွဲမှာ မြောက်ကိုရီးယားခေါင်းဆောင် ကင်က အနိုင်ရရှိသွားတယ်လို့ သုံးသပ်ခဲ့ကြတာ တွေ့ရပါတယ်။ အဲဒီလို အဆုံးသတ်ပေးခဲ့ပါတယ်။ အခု ဇူလိုင်လဝက်လောက် ရောက်လာတဲ့ အချိန်မှာတော့ ကိုရီးယားကျွန်းဆွယ်ရဲ့ အဓိကကျတဲ့ နိုင်ငံတနိုင်ငံလည်းဖြစ်၊  မြောက်ကိုရီးယားနိုင်ငံရဲ့ အဓိကရန်သူအဖြစ် ပစ်မှတ်ထားခံရတဲ့ နိုင်ငံလည်း ဖြစ်သလို မြောက်ကိုရီးယားခေါင်းဆောင် ကင်ဂျုံအန်းနဲ့ အမေရိကန်သမ္မတ ဒေါ်နယ်လ်ထရမ့်တို့ ၂ ယောက် တကယ်တမ်း တွေ့ဆုံဆွေးနွေးပွဲလုပ်ဖို့ အဓိက ပါဝင်ဆောင်ရွက်ပေးခဲ့တဲ့ နိုင်ငံလည်း ဖြစ်တဲ့ တောင်ကိုရီးယား သမ္မတနိုင်ငံရဲ့ သမ္မတက အမေရိကန်ပြည်ထောင်စု သမ္မတနဲ့ မြောက်ကိုရီးယားခေါင်းဆောင် ၂ ယောက်စလုံးကို သတိပေးစကား ပြောလာခဲ့ပြီ ဖြစ်ပါတယ်။ တောင်ကိုရီးယားသမ္မတ မွန်းဂျဲအင်းက နျူကလီးယားလက်နက်အရေး ဆွေးနွေးညှိနှိုင်းမှုကို သဘောတူညီချက်အတိုင်း အောင်မြင်အောင် ဆက်ပြီး ဆောင်ရွက်ကြဖို့ သတိပေး တိုက်တွန်းလိုက်တာကို ကမ္ဘာ့သတင်းမီဒီယာတွေက ဖော်ပြ ရေးသားခဲ့ကြတာကို တွေ့ရပါတယ်။ ဒီလိုဆိုရင် ခေါင်းဆောင် ၂ ယောက်ရဲ့ ထိပ်သီးဆွေးနွေးပွဲ သဘောတူညီမှုတွေနဲ့ ပေးခဲ့ကြတဲ့ ကတိစကားတွေနဲ့ ပတ်သက်ပြီး အခုချိန်ထိ ဘာမှ အကောင်အထည်ဖော် ဆောင်ရွက်လာတာ၊ လှုပ်ရှား လုပ်ဆောင်လာတာကို မတွေ့ရလို့လား။ တကယ်ပဲ ပြီးပြီးရော သဘောထား၊ ဘာမှ တာဝန်ယူ လုပ်ဆောင်တာမျိုး မတွေ့ရသေးလို့ပဲလားလို့ တွေးတောစရာ ရှိလာပါတယ်။ အဲဒီလိုရော တကယ်တမ်း ဖြစ်နေပါသလား။ တောင်ကိုရီးယားသမ္မတ မွန်းဂျဲအင်းကတော့ အမေရိကန်နဲ့ မြောက်ကိုရီးယားတို့ဟာ သူတို့ ညှိနှိုင်းသဘောတူထားခဲ့တာကို အကောင်အထည်ဖော် ဆောင်ရွက်မှု တကယ်တမ်း မလုပ်ခဲ့ရင် ကမ္ဘာတဝန်းလုံးရဲ့ ပြင်းထန်တဲ့ စီရင်ဆုံးဖြတ်မှုကို ခံကြရမှာ ဖြစ်တယ်လို့ ထုတ်ဖော်ပြောကြားလာခဲ့ပါတယ်။ သူက စင်ကာပူနိုင်ငံမှာ ပြီးခဲ့တဲ့ သောကြာနေ့က ကျင်းပခဲ့တဲ့ အစည်းအဝေးတခုမှာ အဲဒီလို ပြောကြားခဲ့တာဖြစ်ပြီး ခေါင်းဆောင်နှစ်ယောက်စလုံးကို သဘောတူညီထားတဲ့ နျူကလီးယားလက်နက် ထုတ်လုပ်မှု ရပ်ဆိုင်းရေးကိစ္စကို တကယ်တမ်း အကောင်အထည်ဖော် ဆောင်ရွက်ကြဖို့ တိုက်တွန်းရင်း ပြောကြားခဲ့တာ ဖြစ်ပါတယ်။ မွန်းဂျဲအင်းက “ညှိနှိုင်းဆွေးနွေးဖို့အဆင့်ကို ရောက်ဖို့တောင် အခက်အခဲ အများကြီးရှိခဲ့တဲ့ တွေ့ဆုံဆွေးနွေးပွဲမှာ သဘောတူ လက်ခံခဲ့တာတွေကိုတော့ နိုင်ငံတွေက လေးစားတန်ဖိုးထားကြမယ်လို့ ကျနော် ယုံကြည်ပါတယ်။ ဘာဖြစ်လို့လဲဆိုတော့ သူတို့ ခေါင်းဆောင် ၂ ယောက် နိုင်ငံတကာ ပြည်သူအများရဲ့ရှေ့မှာ သူတို့ကိုယ်တိုင်က ဒီလို ကတိပေး ပြောဆိုခဲ့လို့ပါပဲ” လို့ ပြောကြားခဲ့တယ်လို့ သတင်းမီဒီယာတွေက ဖော်ပြခဲ့ကြပါတယ်။ ဇွန်လ တွေ့ဆုံပွဲအပြီးမှာ ၂ နိုင်ငံ ခေါင်းဆောင်တွေက နျူကလီးယားလက်နက် ထုတ်လုပ်မှုရပ်ဆိုင်းရေး လုပ်ဆောင်ကြဖို့ သဘောတူခဲ့ကြတယ် ဆိုပေမယ့် ဘယ်အချိန်မှာ ဘယ်လိုလုပ်ကြမယ် ဆိုတာကိုတော့ ဖော်ပြတာ မရှိခဲ့ပါဘူး။ ပြောရရင် တွေ့ဆုံကြတယ်၊ ဒါတွေ ဆွေးနွေးကြတယ်။ ယေဘုယျ သဘောတူညီကြတယ် ဆိုတာမျိုးလောက်ပဲ ရှိခဲ့တယ်လို့တောင် တချို့လေ့လာသူတွေက ဆိုခဲ့ကြပါတယ်။ နောက်ပိုင်းမှာ အမေရိကန် နိုင်ငံခြားရေးဝန်ကြီး မိုက်ပွန်ပီယိုနဲ့ မြောက်ကိုရီးယား အကြီးတန်းအရာရှိတွေ ဆက်ပြီး ဆွေးနွေးကြတဲ့အခါမှာတော့ မြောက်ကိုရီးယားဘက်က အမေရိကန်ကို တဖက်သတ် လူမိုက်ဂိုဏ်းဆန်ဆန် တောင်းဆိုမှုတွေ လုပ်ခဲ့တယ်လို့ စွပ်စွဲပြောဆိုခဲ့တဲ့အတွက် ဆွေးနွေးညှိနှိုင်းရာမှာ ပြေပြေလျှော့လျှော့ မရှိခဲ့ပါဘူး။ ဒါကြောင့်ပဲ တောင်ကိုရီးယားသမ္မတ မွန်းဂျဲအင်းက “တကယ်လို့ သူတို့က သူတို့ ခေါင်းဆောင်တွေ  နိုင်ငံတကာ ပြည်သူတွေရှေ့မှာ ပေးခဲ့တဲ့ ကတိစကားတွေကို မထိန်းသိမ်းဘူးဆိုရင်တော့ သူတို့ဟာ နိုင်ငံတကာရဲ့ စီရင်ဆုံးဖြတ်မှုကို ခံကြရမှာပဲ” လို့ မြောက်ကိုရီးယားကို ပြောဆိုခဲ့တာ ဖြစ်ပါလိမ့်မယ်။ ဒီနှစ်ထဲမှာ မြောက်ကိုရီးယားခေါင်းဆောင် ကင်နဲ့ ၂ ကြိမ် တွေ့ဆုံခဲ့ပြီးဖြစ်တဲ့ မွန်းဂျဲအင်းက ပြီးခဲ့တဲ့ သောကြာနေ့မှာ မြောက်ကိုရီးယား ခေါင်းဆောင်ဟာ ကိုရီးယားကျွန်းဆွယ်မှာ အတွေးအခေါ် အယူအဆအရ ထိပ်တိုက်တွေ့မှုမျိုးကို ရှောင်ရှားချင်တဲ့ဆန္ဒ ကြီးကြီးမားမား ရှိနေခဲ့ပါတယ်လို့ ထုတ်ဖော်ပြောဆိုခဲ့ပါတယ်။ အဲဒီိလို သူ တကယ်ပဲ ယုံကြည်ခဲ့ပုံရပါတယ်။ သူက “တကယ်လို့သာ ဥက္ကဋ္ဌ ကင် အနေနဲ့ သူ့ရဲ့ နျူကလီးယားလက်နက် ထုတ်လုပ်မှု ရပ်ဆိုင်းဖို့ ကတိစကားကို ထိန်းသိမ်းမယ်ဆိုရင် သူဟာ သူ့နိုင်ငံကို ဖွံ့ဖြိုးပွားစည်းအောင် ဦးဆောင်နိုင်ပါလိမ့်မယ်” လို့လည်း ပြောကြားခဲ့ပါတယ်။ တကယ်လည်း ပြီးခဲ့တဲ့ဇွန်လ စင်ကာပူ ထရမ့်-ကင် ထိပ်သီးဆွေးနွေးပွဲ ဖြစ်မြောက်ရေးအတွက် တောင်ကိုရီးယားသမ္မတ မွန်းဂျဲအင်းတယောက် မြောက်ကိုရီးယား ခေါင်းဆောင် ကင်ဂျုံအန်းနဲ့ ဧပြီလမှာ တကြိမ်၊ မေလမှာ တကြိမ် တွေ့ဆုံဖို့ ကြိုးစားခဲ့ရတာ ဖြစ်ပါတယ်။ သူက မြောက်ကိုရီးယားခေါင်းဆောင်ကို နျူကလီးယားလက်နက် ထုတ်လုပ်မှု ရပ်ဆိုင်းရေးအတွက် အသေးစိတ် ဆွေးနွေးပြောဆိုမှု လုပ်ဖို့ကိုလည်း တောင်းဆိုခဲ့တယ်လို့ ဆိုပါတယ်။ နောက်ပိုင်းမှာ သမ္မတ မွန်းကို သတင်းထောက်တွေက သမ္မတ ထရမ့်နဲ့ ကင်တို့ နှစ်ယောက် သဘောတူညီချက်ကို တကယ်တမ်း အကောင်အထည် ဖော်ကြမှာလားလို့ မေးတဲ့အချိန်မှာ မွန်းက ခေါင်းဆောင်တွေအနေနဲ့ သဘောတူညီချက်ကို အကောင်အထည်ဖော်ဖို့ကလွဲလို့ တခြားရွေးချယ်စရာ မရှိပါဘူးလို့ ဖြေကြားခဲ့တယ်လို့ တောင်ကိုရီးယား ယွန်ဟပ် သတင်းအေဂျင်စီက ဖော်ပြခဲ့ပါတယ်။ သူက သတင်းထောက်တွေကို “ဒီတကြိမ်မှာ လုံးဝ မတူကွဲပြားတာက အမေရိကန်နဲ့ မြောက်ကိုရီးယား ခေါင်းဆောင်တို့ တိုက်ရိုက်တွေ့ဆုံဆွေးနွေးပြီး သဘောတူညီမှု ရရှိခဲ့တာပါ” လို့လည်း ဖြည့်စွက်ပြောဆိုခဲ့ပါသေးတယ်။ ဆွေးနွေးညှိနှိုင်းမှုတွေ လုပ်ဆောင်နေတဲ့အချိန်မှာ အဖုအထစ် အခက်အခဲ ရှုပ်ထွေးမှုတွေ တွေ့ရမှာဖြစ်ပေမယ့် နောက်ဆုံးမှာတော့ သဘောတူညီမှု ရရှိနိုင်တယ်လို့ သူက ယုံကြည်ခဲ့တဲ့အကြောင်းလည်း ထုတ်ဖော်ပြောဆိုခဲ့ပါသေးတယ်။ တကယ်တော့လည်း တောင်ကိုရီးယားနိုင်ငံဟာ အမေရိကန်နဲ့ မြောက်ကိုရီးယား ၂ နိုင်ငံ နျူကလီးယား အရေးကိစ္စနဲ့ သဘောထားတင်းမာ ထိပ်တိုက်ရင်ဆိုင်ကြရင် အနီးကပ်ဆုံး အန္တရာယ်ကျရောက်မယ့် နိုင်ငံဖြစ်တဲ့အတွက် သမ္မတ မွန်းအနေနဲ့ ထရမ့်-ကင် တွေ့ဆုံဆွေးနွေး ညှိနှိုင်းမှုကို တကယ်တမ်း ဖြစ်မြောက်အောင်မြင်စေချင်မှာကတော့ အသအချာပဲ ဖြစ်ပါတယ်။ စင်ကာပူ ထိပ်သီးဆွေးနွေးပွဲပြီးနောက်ပိုင်းမှာ အမေရိကန်သမ္မတ ဒေါ်နယ်လ်ထရမ့်က ကိုရီးယားစစ်အတွင်း မြောက်ကိုရီးယားမှာ ကျဆုံးခဲ့တဲ့ အမေရိကန် စစ်သားတွေရဲ့ အကြွင်းအကျန်တွေကို အမေရိကန်နိုင်ငံကို အမြန်ဆုံး ပြန်ပို့ပေးတော့မှာ ဖြစ်ကြောင်း ကြေညာခဲ့ပေမယ့် နောက်ပိုင်းမှာ ဆွေးနွေးညှိနှိုင်းမှုတွေ တန့်နေခဲ့ပြီး ခုချိန်ထိ အဲဒီစစ်သားတွေရဲ့ အကြွင်းအကျန်တွေကို ပြန်ပြီး မပေးပို့နိုင်သေးတာ တွေ့ရပါတယ်။ ထိပ်သီးဆွေးနွေးပွဲ သဘောတူညီမှုတွေကို တကယ်ပဲ အကောင်အထည် ဖော်ကြပါ့မလား။ နျူကလီးယား ခြောက်အိပ်မက်ကရော ကိုရီးယားကျွန်းဆွယ်က ကွယ်ပျောက်နိုင်ပါ့မလား။        ။