မြန်မာ့​ရုပ်ရှင်နဲ့​ဗွီဒီယို ​ဈေး​ကွက် ပြန်လည်ဦး​မော့​လာ​စေဖို့​ ထုတ်လုပ်သူ​တွေ စု​ပေါင်း​ပြီး​ ရုပ်ရှင်နဲ့​ ဗွီဒီယို ထုတ်လုပ်သူများ​အသင်း​ ဖွဲ့​စည်း​ဖို့​ ပြင်ဆင်​နေကြပါတယ်။

ဇူလိုင် ၁၁ ရက်​နေ့​က ရန်ကုန်မြို့​ City Star Hotel မှာ ရုပ်ရှင်နဲ့​ ဗွီဒီယိုထုတ်လုပ်သူ​တွေ အစည်း​အ​ဝေး​တခု ပြုလုပ်ပြီး​ ထုတ်လုပ်သူများ​အသင်း​ ဖွဲ့​စည်း​ဖို့​အတွက် ​ဆွေး​နွေး​ တိုင်ပင်ခဲ့​ကြတာပါ။

အဲ့​ဒီ​ဆွေး​နွေး​ပွဲကို ရုပ်ရှင်နဲ့​ ဗွီဒီယိုထုတ်လုပ်​ရေး​ ကုမ္ပဏီ ၂၂ ခုကို ဖိတ်ကြား​ခဲ့​တာဖြစ်ပြီး​ အား​လုံး​ ၁၈ ဦး​ တက်​ရောက် ​ဆွေး​နွေး​ခဲ့​ကြပါတယ်။

အစည်း​အ​ဝေး​ တက်​ရောက်လာတဲ့​ ထုတ်လုပ်သူ​တွေဟာ ရုပ်ရှင်နဲ့​ဗွီဒီယို​ဈေး​ကွက် ပြန်လည်ဦး​မော့​လာ​ရေး​နဲ့​ ခိုး​ကူး​ခွေပ​ပျောက်​အောင် ဘယ်လို ​ဆောင်ရွက်ကြမလဲ ဆိုတာ​တွေကို အဓိကထား​ ​ဆွေး​နွေး​ခဲ့​ကြတယ်လို့​ ဦး​တင်ထွန်း​ဝင်း​ (DV 5 ဗွီဒီယို ထုတ်လုပ်ဖြန့်​ချိသူ)က ​ပြောပါတယ်။

“ဒီလုပ်ငန်း​စ​ပေါ်လာကတည်း​က ခိုး​ကူး​ခွေ​တွေ ဖမ်း​လာလိုက်တာ အများ​ကြီး​ပဲ၊​ အခုအချိန်ထိ သူခိုး​ပျောက်လား​ မ​ပျောက်ဘူး​။ ​ဈေး​ကွက်လည်း​ မ​ကောင်း​လာဘူး​။ ​အောက်က နယ်ကိုယ်စား​လှယ်​တွေဆီက အ​ကြွေး​မရဘူး​။ အ​ပေါ်က မင်း​သား​ မင်း​သမီး​တွေကလည်း​ ​ဈေး​မ​လျှော့​ဘူး​။ ကျ​နော်တို့​ ပရိုဂျူဆာ​တွေက ကြား​ညပ်​နေတယ်။ ဒီလိုမျိုး​ အသင်း​လေး​ဖွဲ့​မှ ​ကောင်း​မယ်ဆိုပြီး​ အသင်း​ဖွဲ့​ဖို့​ အဓိက ထား​တာပါ။”

ထုတ်လုပ်သူ​တွေရဲ့​ အခန်း​ကဏ္ဍကိုမြှင့်​တင်ဖို့​၊​ ပျက်ဆီး​နေတဲ့​ ​ဈေး​ကွက်ကို လိုက်လံထိန်း​ညှိဖို့​နဲ့​ နယ်​တွေအထိ ဆင်း​ပြီး​ ခိုး​ကူး​ခွေ ပ​ပျောက်​အောင် လုပ်​ဆောင်နိုင်ဖို့​အတွက် ထုတ်လုပ်သူ​တွေမှာ အသင်း​အဖွဲ့​ ရှိသင့်​တယ်လို့​ အား​လုံး​က ယုံကြည်​နေကြတယ်လို့​ ဦး​တင်ထွန်း​ဝင်း​က ​ပြောပြပါတယ်။

“အသင်း​ဖြစ်သွား​ပြီဆိုရင် ထုတ်လုပ်ဖြန့်​ချိ​ရေး​သမား​တွေ စုပြီး​ ဆင်း​သွား​မယ်။ နယ်တနယ်မှာ ၅ ရက်တန်သည် ၇ ရက်တန်သည်​နေမယ်။ နယ်တနယ်မှာ​နေပြီး​ ​ဈေး​ကွက်​ကောင်း​အောင် ဘာ​တွေလိုအပ်လဲဆိုတာကို လိုက်ပြီး​လေ့​လာမှာ​ပေါ့​။ ဒီလိုလုပ်ခြင်း​အား​ဖြင့်​ ​ဈေး​ကွက်ကပြန်မတ်လာနိုင်မယ်။ ခိုး​ကူး​သမား​တွေလည်း​ လန့်​သွား​မယ်။ ဟာ ထုတ်လုပ်​ရေး​သမား​တွေ ကိုယ်တိုင်ဆင်း​လာပါလား​။ အရင်တုန်း​ကလို သကာရည်​လောင်း​တဲ့​အချိန် မဟုတ်ဘူး​။ ​တောကြိုအုံကြား​ထိဆင်း​လာပါလား​။ ငါတို့​ ခိုး​လို့​မရ​တော့​ဘူး​. အဲလို အသိစိတ်ဓာတ်​လေး​ ဝင်လာ​အောင်။”

ဒီအဖွဲ့​ဖွဲ့​ဖို့​ ကြိုး​စား​နေတာနဲ့​ ပတ်သက်ပြီး​ သရုပ်​ဆောင်​လောကထဲမှာ​တော့​ မတူကွဲပြား​တဲ့​ သ​ဘောထား​အမြင်​တွေ ရှိ​နေကြပါတယ်။

ရုပ်ရှင်သရုပ်​ဆောင် ဦး​ထွန်း​ထွန်း​ဝင်း​က “သိ​တောင်မသိဘူး​ အစည်း​အ​ဝေး​ လုပ်တာ။ လုပ်လို့​မရဘူး​လို့​ ထင်ပါတယ်။ ဘာလို့​လဲဆို​တော့​ အား​လုံး​က ရုပ်ရှင်အစည်း​အရုံး​ရဲ့​ လက်​အောက်မှာပဲ ရှိရမယ်။”

ရုပ်ရှင်သရုပ်​ဆောင် ရဲတိုက်က “အ​ကောင်း​ဘက်ကို ဖြစ်လာမယ်ဆိုရင်​တော့​ ဘာမဆို လုပ်ကြည့်​သင့်​ပါတယ်။ ကျ​နော်တို့​မှာ အ​တွေ့​အကြုံက မရှိ​သေး​ဘူး​။ ဘယ်လိုပုံသဏ္ဌာန်က ကျ​နော်တို့​နိုင်ငံအတွက် အဆင်​ပြေဆုံး​ဖြစ်မှာလဲ၊​ ဘယ်လိုပုံစံက ထုတ်လုပ်သူ​တွေအတွက် အဆင်​ပြေမလဲ၊​ ဘယ်လိုပုံသဏ္ဌာန်က မင်း​သား​ မင်း​သမီး​နဲ့​ ပရိသတ်ကြား​မှာ အဆင်​ပြေဆုံး​ဖြစ်မလဲဆိုတာ အ​ဖြေရှာရမှာ ဖြစ်ပါတယ်။”

မြန်မာနိုင်ငံမှာ အသင်း​အဖွဲ့​တွေ တရား​ဝင်ဖွဲ့​စည်း​ခွင့်​ဥပ​ဒေ အတည်ပြုပြီး​ ​နောက်ပိုင်း​ နယ်ပယ်အသီး​သီး​မှာ အဖွဲ့​အစည်း​တွေ၊​ သမဂ္ဂ​တွေ တရား​ဝင်ဖွဲ့​စည်း​နိုင်ဖို့​ ကြိုး​စား​လာကြတာ ​တွေ့​ရပြီး​ တရား​ဝင်အဖွဲ့​အစည်း​အဖြစ် ရပ်တည်ခွင့်​ရရှိသွား​ကြတဲ့​ အသင်း​အဖွဲ့​တွေလည်း​ ရှိပါတယ်။

ရုပ်ရှင်​လောကမှာ​တော့​ ပြီး​ခဲ့​တဲ့​ မတ်လအတွင်း​က မြန်မာနိုင်ငံ ရုပ်ရှင်အစည်း​အရုံး​ အလုပ်အမှု​ဆောင် ​ကော်မတီအသစ်ကို ​ရွေး​ကောက်တင်​မြှောက် ဖွဲ့​စည်း​နိုင်ခဲ့​ကြပြီး​ အခုအခါမှာ​တော့​ ထုတ်လုပ်သူ​တွေကလည်း​ အသင်း​ ဖွဲ့​စည်း​ဖို့​ ကြိုး​စား​လာကြတာလည်း​ ဖြစ်ပါတယ်။