မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့တွေဖြစ်တဲ့ UWSA ‘၀’ အဖွဲ့၊ NDAA (မိုင်းလား)အဖွဲ့၊ SSA (၀မ်ဟိုင်း)အဖွဲ့နဲ့ KIA ကချင်အဖွဲ့တွေက ကိုယ်စားလှယ်တွေ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒီကနေ့ မွန်းလွဲပိုင်းက နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်မှာတွေ့ဆုံခဲ့တယ်လို့ တပ်မတော်က သတင်းထုတ်ပါတယ်။
မြောက်ပိုင်းမဟာမိတ်အဖွဲ့ဝင်တွေဖြစ်တဲ့ တအာင်း (ပလောင်) အမျိုးသား လွတ်မြောက်ရေးတပ်မတော် (TNLA)၊ မြန်မာ အမျိုးသားဒီမိုကရေစီ မဟာမိတ်တပ်မတော် – ကိုးကန့် တပ်ဖွဲ့ (MNDAA) နဲ့ ရက္ခိုင့်တပ်မတော် (AA) တို့ကိုတော့ ဒုကာကွယ်ရေးဦးစီးချုပ် ဒုဗိုလ်ချုပ်မှူးကြီး စိုးဝင်းက တွေ့ဆုံခဲ့ပါတယ်။
အဆိုပါအဖွဲ့တွေဟာ နေပြည်တော်မှာ ဒီကနေ့ စတင်ကျင်းပတဲ့ ပြည်ထောင်စု ငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးကို တက်ရောက်ဖို့ ရောက်ရှိနေတာလည်းဖြစ်ပါတယ်။
ဒီ ငြိမ်းချမ်းရေးညီလာခံကို မျှော်လင့်ချက်တွေနဲ့ လာရောက်တာဖြစ်ပြီး တရုတ်က လုံခြုံရေးကအစ တာဝန်ယူ ဦးဆောင်လာတာလို့ ကချင်လွတ်လပ်ရေးအဖွဲ့ (ကေအိုင်အို) ဒုဥက္ကဋ္ဌ ဗိုလ်ချုပ်ဂွန်မော်က ပြောပါတယ်။
မြောက်ပိုင်းမဟာမိတ်အဖွဲ့ဝင် ဖြစ်တဲ့ မိုင်းလားအဖွဲ့ ပြောရေးဆိုခွင့်ရှိသူ ဦးကြည်မြင့် ကတော့ ငြိမ်းချမ်းရေးရမှ အာလုံး အဆင်ပြေမှာဖြစ်ပြီး ညီလာခံအောင်မြင့်ဖို့ လာပါဝင်တာလို့ ပြောပါတယ်။
