တရုတ် အမြောက်တပ် တိဘက်ကိုယ်ပိုင်အုပ်ချုပ်ခွင့်ရဒေသတွင်း ပစ်ခတ်လေ့ကျင့်

တရုတ်ပြည်သူ့လွတ်မြောက်ရေးတပ်မတော် (ပီအယ်လ်အေ) ရဲ့ အမြောက်တပ်က နိုင်ငံ အနောက်တောင်ဘက် တိဘက် ကိုယ်ပိုင်အုပ်ချုပ်ခွင့်ရ ဒေသအတွင်း ပင်လယ်ရေမျက်နှာပြင် အထက် မီတာ ၄၆၀၀ လောက်မှာ အမြောက်တွေ ပစ်ခတ် လေ့ကျင့်နေပါတယ်။ တိုက်ခိုက်ရေး အသင့်ဖြစ်မှုကို စမ်းသပ်လေ့ကျင့်နေတာလို့လည်း ဆိုပါတယ်။ တပ်ဖွဲ့ဟာ သတ်မှတ်နေရာကို ရောက်ဖို့ အချိန် ငါးနာရီကြာအောင် သွားရပြီး စစ်မြေပြင်ကို မြေပြင်အခြေအနေအရ ဖန်တီးယူခဲ့ပါတယ်။ အဲဒီနောက် ကာကွယ်ရေး ပြင်ဆင်တာ၊ တပ်ဖွဲ့ စတင်ပစ်ခတ်တာနဲ့ ပစ်မှတ်အမျိုးမျိုးကို မတူတဲ့ အကွာအဝေးတွေကနေ ပစ်ခတ်တာတွေကို လေ့ကျင့်ခဲ့ပါတယ်။ အရာရှိတွေနဲ့ စစ်သားတွေဟာ မြေမြင့်ဒေသရဲ့ အောက်ဆီဂျင် နည်းပါးမှုကြောင့်ဖြစ်တဲ့ ဝေဒနာ လက္ခဏာတွေ အပါအဝင် အခက်အခဲ အမျိုးမျိုးကို ကျော်လွှားရတာပါ။ ပစ်မှတ်နေရာချမှု၊ တိုက်ပွဲအတွင်း ချီတက်မှု၊ မြေပြင် စီးနင်းသိမ်းပိုက်မှုနဲ့ တပ်ဆုတ်ခွာမှု စတာတွေ ပါဝင် လေ့ကျင့်ခဲ့ပါတယ်။ ရှုပ်ထွေးတဲ့ အခြေအနေတွေအတွင်း ပစ်ခတ်တိုက်ခိုက်နိုင်စွမ်းကို တိုးမြှင့်ဖို့ အခွင့်အရေးလို့လည်း စီစီတီဗွီ သတင်းဌာနက ဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up