၈ နှစ်အရွယ်ကျောင်းသူကို ပထွေးဖြစ်သူက အဓမ္မပြုကျင့်
DVB
·
June 28, 2018
တနင်္သာရီတိုင်း၊ မောတောင်မြို့အနီး သိန်ခွန်းကျေးရွာအုပ်စု အမှတ်(၈)ကျေးရွာနဲ့ တစ်မိုင်ခွဲလောက်ဝေးတဲ့ တောင်ယာစိုက်ခင်းနေအိမ်မှာ ၈နှစ်အရွယ် ကျောင်းသူကို ပထွေးက အဓမ္မပြုကျင့်မှုနဲ့ ရဲစခန်းမှာ အမှုဖွင့်ထားပါတယ်။
ဇွန်လ ၁၈ ရက် မနက်ပိုင်းက မိခင်ဖြစ်သူ ဈေးဝယ်ဖို့အတွက် ၈ နှစ်အရွယ် ဒုတိယတန်း ကျောင်းသူနဲ့ ၅ နှစ်အရွယ် မူကြိုတန်း ကျောင်းသူ ၂ ဦးကို နောက်အိမ်ထောင်ဖြစ်သူ ဦးကျော်သန်းနဲ့ အတူထားခဲ့စဉ် အခင်းဖြစ်ပွားခဲ့တာပါ။
မိခင်ဖြစ်သူက ဈေးဝယ်အပြီး နေအိမ်ကို ပြန်ရောက်ချိန် သမီးအကြီးဖြစ်သူမှာ အိပ်ယာထဲ အိပ်နေလို့ သွားနှိုးရာ သမီးအငယ်က ပထွေးဖြစ်သူက အမကြီးကို အဓမ္မပြုကျင့်ကြောင်း မိခင်ကို ပြောပြခဲ့ပါတယ်။
မိခင်က ပထွေးဖြစ်သူ မရှိခိုက် သမီးကြီးကို မေးမြန်းရာမှာ ပထွေးဖြစ်သူရဲ့ အဓမ္မပြုကျင့်ခံခဲ့ရကြောင်းနဲ့ မိခင်အားပြန်ပြောရင် သတ်ပြစ်မယ်လို့ ပထွေးဖြစ်သူက ခြိမ်းခြောက်ခဲ့တယ်လို့လည်းဆိုပါတယ်။
ပထွေးဖြစ်သူ ဦးကျော်သန်းဟာ ညနေ ၅ နာရီလောက်မှာ ရွာထဲရှိ နေအိမ်ကိုပြန်လာပြီး ရန်ရှာမှာစိုးလို့ တောင်ယာ စိုက်ခင်းနေအိမ်ကို မပြန်ရဲဘဲ ရွာထဲမှာ တပတ်လောက်နေအပြီး ကျေးရွာဒေသခံတွေက ဒီိကိစ္စ သိရှိသွားပြီး နောက်ထပ်အလားတူ ဖြစ်ရပ်တွေ ဖြစ်လာမှာ စိုးရိမ်တဲ့အတွက် ဇွန် ၂၇ ရက် မနက်ပိုင်းမှာ မိခင်ဖြစ်သူ ဒေါ်သန်းရီက မောတောင်မြို့ ရဲစခန်းမှာအမှုဖွင့် တိုင်တန်းခဲ့ပါတယ်။
ပထွေးဖြစ်သူ ဦးကျော်သန်းကတော့ ဒီကိစ္စ မဟုတ်မမှန်ကြောင်း ပြန်လည်ငြင်းဆို ထားပါတယ်။
မောတောင်ရဲစခန်းက ဦးကျော်သန်းကို တောင်ယာစိုက်ခင်းနေအိမ်ကနေ ဖမ်းဆီးပြီး ရာဇသတ်ကြီးပုဒ်မ-၃၇၆နဲ့ အမှုဖွင့် အရေးယူထားတယ်လို့ မောတောင်မြို့ ရဲစခန်း စခန်းမှူး ဒုရဲအုပ် ဦးဝင်းလှိုင်ထံက သိရပါတယ်။