သမီးရည်းစား အဆင်မပြေဖြစ်ရာမှ အမျိုးသားတဦး ကိုယ့်ကိုယ်ကိုယ် မီးရှို့
DVB
·
June 22, 2018
အမရပူရမြို့နယ်မှာ သမီးရည်းစား စကားပြောရာမှ အဆင်မပြေဖြစ်ပြီး အမျိုးသားတဦး ကိုယ့်ကိုယ်ကိုယ် ဓာတ်ဆီလောင်းမီးရှို့မှု ဖြစ်ပွားခဲ့ပါတယ်။
ဇွန် ၁၉ ရက်နေ့ ည ၉ နာရီလောက်က မန္တလေးတိုင်းဒေသကြီး၊ အမရပူရမြို့နယ်၊ မှန်တန်းရပ်ကွက်မှာ ညီညီအောင် (၃၄) နှစ်ဟာ သမီးရည်းစားဖြစ်သူနဲ့ လူမှုရေးကိစ္စပြောဆိုရာမှ အဆင်မပြေဖြစ်ပြီး ကိုယ့်ကိုယ်ကိုယ် မီးရှို့ခဲ့တာလို့ ရဲတပ်ဖွဲ့က သတင်းထုတ်ပြန်ပါတယ်။
ဆိုင်ကယ်မှာ အသင့်ပါလာတဲ့ ဓာတ်ဆီဘူး ၃ ဘူးအား ကိုယ်ပေါ် လောင်းချမီးရှို့ခဲ့တာကြောင့် အနီးပတ်ဝန်းကျင်ရှိ လူတွေက ဝိုင်းဝန်းငြှိမ်းသတ်ခဲ့ရာ ညီညီအောင်ရဲ့ ခန္ဓာကိုယ်အနှံ့ မီးလောင်ဒဏ်ရာရရှိခဲ့ပြီး မန္တလေးပြည်သူ့ဆေးရုံကြီးကို ပို့ဆောင်ကုသခဲ့တယ်လို့ ဆိုပါတယ်။
ညီညီအောင်ကို အမရပူရမြို့မရဲစခန်းက (ပ)၂၂၀/၂၀၁၈၊ ရာဇသတ်ကြီးပုဒ်မ ၃၀၉ နဲ့ အမှုဖွင့်စစ်ဆေးနေကြောင်း သတင်းမှာ ဖော်ပြထားပါတယ်။
