Home
အနုပညာ
တရက်အတွင်း ကြည့်ရှုသူ တသိန်းကျော်သွားခဲ့သည့် ဆိုဖီယာ၏ ရွံစရာကြီး သီချင်း(ရုပ်သံ)
DVB
·
June 21, 2018
“အောက်တန်းကျလွန်းလှလို့… A-ye… အခုမျှနဲ့အဆုံးသတ်… A-ye… လုပ်ရပ် တို့အဆုံးသတ်… A-ye… မင်းကတဲ့အရှုပ်ဇာတ်တွေ… ရွံတယ်… ရွံတယ်… ရွံတယ်… ရွံ တယ်… ရွံတယ်… Oh…” ဒါကတော့ မနေ့ကမှ အသစ်ထွက်ရှိလာတဲ့ တေးသံရှင် ဆိုဖီယာရဲ့ အသစ်ထွက် လာတဲ့ ရွံစရာကြီး အမည်ရတဲ့ သီချင်းထဲက စာသားတွေဖြစ်ပါတယ်။ ဒီသီချင်းဟာ တရက်အတွင်းမှာကို ၀င်ရောက်ကြည့်ရှုသူ ၁ သိန်းကျော်သွားခဲ့ပြီး ပရိသတ်တွေကြားမှာ ရေပန်းစားနေခဲ့တာ ဖြစ်ပါတယ်။ ဆိုဖီယာဟာ Myanmar Idol သီချင်းဆိုပြိုင်ပွဲမှာ စတင်ယှဉ်ပြိုင်ရာက စတင်ပြီး ပရိသတ်ကြား လူသိများ ထင်ရှားလာခဲ့တာဖြစ်ပြီး တကိုယ်တော် အယ်လ်ဘမ်တွေမှာ ရော အတွဲသီချင်းခွေတွေမှာပါ ပါဝင်သီဆိုနေတာ ဖြစ်ပါတယ်။ သူဟာ ပြီးခဲ့တဲ့ မေလတုန်းကလည်း အဆိုတော် စန္ဒီမြင့်လွင်နဲ့ တွဲဖက်သီဆို ထားတဲ့ IDFC – I Don’t Fucking Care အမည်ရတဲ့ သီချင်းတပုဒ်ထွက်ရှိထားပြီး ပရိတ် သတ်အားပေးမှုရထားခဲ့တာပါ။ အဲဒီသီချင်းကတော့ မိန်းကလေးချင်း ချစ်ကြိုက်နေကြတဲ့ ဇာတ်လမ်းကို ခပ်ကြမ်း ကြမ်း သီချင်းစာသားတွေနဲ့ ပုံဖော်သီဆိုထားခဲ့တာပါ။ အခုအသစ်ထွက်လာတဲ့ သီချင်းကတော့ လက်ရှိတွဲနေတဲ့ ချစ်သူရှိလျက်နဲ့ သစ္စာ မရှိတဲ့ ယောက်ျားတွေကို ရွံစရာကောင်းတယ်ဆိုတဲ့ အဓိပ္ပါယ်နဲ့ ပုံဖော်ထားခဲ့တာ ဖြစ်ပြီး တေးရေး မိုးထက်က ရေးစပ်ထားပေးခဲ့တာပါ။ ဆိုဖီယာရဲ့ ဖေ့စ်ဘွတ်ခ်စာမျက်နှာပေါ်မှာတော့ ပရိသတ်တွေအတွက် အခမဲ့နား ဆင်နိုင်ဖို့ မျှဝေထားခဲ့ပြီး ဒေါင်းလုတ်လုပ်ယူလို့ရမယ့် လင့်ခ်ကိုပါ ဖော်ပြထားခဲ့တာ ဖြစ် ပါတယ်။ “ရွံစရာကြီး သီချင်း တင်လိုက်ပါပြီ။ အထူးသဖြင့် Relationship ရှိတဲ့ ဘဲတွေအ တွက် ဖြစ်ပါတယ်။ သူတို့ကိုပြောချင်တာတွေ Sophia ရဲ့ ဒီသီချင်းထဲမှာ ကိုမိုးထက် ကိုယ်တိုင် ရေးစပ်ထားပါတယ်။ ပြောချင်တာတွေ ဒီသီချင်းထဲကနဲ့ တထပ်တည်းကျရဲ့ လားလို့ နားဆင်ပေးကြပါဦးနော်”လို့ သူက ရေးထားခဲ့တာပါ။ “နောက်ကြောင်းမရှင်းပဲ… လာမပူးနဲ့… သေသွားမယ်… ရှင်သွားမယ်… ဘယ်လို အစားများမှတ်နေလဲ… အကြောသိပ်ထနေလား… Wooh… အားယားလို့နေလား… Wooh… ဆရာကျတယ်လား… Wooh… ရွံစရာ… ရွံစရာ… ရွံစရာ… ရွံစရာ… ရွံစရာ ကောင်းသူကြီး…” စတဲ့ သီချင်းစာသား လန်းလန်းတွေနဲ့ ဒီသီချင်းကိုတော့ အောက်က လင့်ခ်မှာ ၀င်ရောက်ကြည့်ရှု နားဆင်နိုင်မှာ ဖြစ်ပါတယ်။
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024