ဖလမ်းမြို့တွင် မြေပြိုမှုဖြစ်ပွား၊ လူများ ထိခိုက်ဒဏ်ရာရမှု မရှိ
DVB
·
June 11, 2018
မိုးဆက်တိုက် ရွာသွန်းမှုကြောင့် ချင်းပြည်နယ်၊ ဖလမ်းမြို့၊ ဗလိုင်ရပ်ကွက်မှာ ဒီကနေ့ မနက် ၅ နာရီခွဲလောက်က မြေသားနဲ့ မြေထိန်းနံရံ ပြိုကျပျက်စီးသွားခဲ့တယ်လို့ မြို့နယ် ပြန်ဆက်ဌာနက သတင်းထုတ်ပါတယ်။
မိုးဆက်တိုက်ရွာသွန်းလို့ မြေသားပျော့မှုကြောင့် ဗလိုင်ရပ်ကွက်နေ ဦးရွန်ရိုထန်း အိမ်ရှေ့မြေသားနဲ့ မြေထိန်းနံရံ ပြိုကျပျက်စီးသွားခဲ့တာ ဖြစ်ပါတယ်။
အဆိုပါမြေထိန်းနံရံကို ၂၀၁၅-၂၀၁၆ ခုနှစ်က ငွေကျပ်သိန်း ၇၀ လောက် ကုန်ကျခံကာ ကိုယ့်အားကိုယ်ကိုး ဆောက်လုပ်ထားတာဖြစ်ပြီး ဆက်လက်ပြိုကျမှုကို ထိန်းသိမ်းကာကွယ်နိုင်ဖို့ လတ်တလော မိုးကာတွေနဲ့ အုပ်ထားတယ်လို့ သိရပါတယ်။
မြေသားနဲ့ မြေထိန်းနံရံ ပြိုကျမှုကြောင့် လူတွေ ထိခိုက်ဒဏ်ရာရတဲ့ သတင်းတွေကတော့ မကြားသိရသေးပါဘူး။
ဓာတ်ပုံ- IPRD