မြင်းခြံဆေးရုံတွင် မွေးကင်းစ ကလေးငယ်ခိုးယူသူဖမ်းမိ
DVB
·
June 11, 2018
မန္တလေးတိုင်း၊ မြင်းခြံမြို့ ပြည်သူ့ဆေးရုံရှိ သားဖွား/ မီးယပ် ကုသဆောင်မှာ ဇွန်လ ၁၀ ရက် နေ့လယ်က မွေးကင်းစ ကလေးငယ် ယောက်ျားလေးတဦး ပျောက်ဆုံးသွားခဲ့ရာ ၁၂ နာရီအတွင်း ကလေးခိုးယူသူ အမျိုးသမီးကို ကလေးနဲ့အတူ ဖမ်းမိတယ်လို့ မြင်းခြံမြို့မ ရဲစခန်းကသိရပါတယ်။
မြင်းခြံမြို့နယ် သိမ်ရွာကျေးရွာမှ မဝင်းစန္ဒာဟာ မြင်းခြံဆေးရုံသို့ တတိယမြောက် ကလေးငယ်အား လာရောက်မွေးဖွားတာ ဖြစ်ပါတယ်။
ကလေးငယ် မိခင် မဝင်းစန္ဒာ ပြောတာက "ကလေးမွေးဖွားပြီး သုံးရက်မြောက်နေ့က ပျောက်တာပါ။ ကလေးကို မွေးကင်းစကလေးအထူးကြပ်မတ်ဆောင် ပို့ထားရပါတယ်။ ဒီအမျိုးသမီးက ပြီးခဲ့တဲ့ နှစ်ရက်လောက် ဆေးရုံရောက်လာပြီး ကျမတို့ကို ရင်းနှီးမှုယူတာပါ။ ကလေးက အထူးကြပ်မတ်ဆောင်ကနေ နေ့စဉ် ထုတ်လိုက် ပြန်ပို့လိုက် လုပ်နေတာကို သူက မြင်နေတာပါ။ ဖြစ်ချင်တော့ အဲနေ့က ကျမ ကလေးကို နို့တိုက်ဖို့ ခေါ်ယူရာမှာ သူက ကလေး ကပ်ပြားကို အတင်းယူပြီး သူသွားထုတ်ပေးမယ်ဆိုကာ ခဏကြာတော့မှ ကလေးရော သူပါ ပြန်မလာတော့ ကလေးပျောက်သွားတယ်ဆိုတာ သိတာပါ”လို့ပြောပါတယ်။
ဒီဖြစ်စဉ်နဲ့ ပတ်သက်ပြီး မြင်းခြံမြို့မရဲစခန်း ဒု ရဲအုပ်နိုင်ဝင်းထွန်းနဲ့အဖွဲ့က လိုက်လံရှာဖွေ ဖမ်းဆီခဲ့ရာ မြင်းခြံမှ ရန်ကုန်သို့ ပြေးဆွဲနေတဲ့ ရွှေမန်းသူ ခရီးသယ်တင် အမြန်ယာဉ် ကားပေါ်မှာ ဇွန်လ ၁၁ ရက် မနက်က မိုင်တိုင် ၁၁ အမှတ် ၃ အမြန်လမ်းမကြီးရဲစခန်းမှာ ကလေးခိုးယူသူ ဒေါ်မြင့်မြင့်မော်ကို ကလေးငယ်နဲ့အတူ ဖမ်းဆီးရမိခဲ့တာ ဖြစ်ပါတယ်။
ပခုက္ကူမြို့နယ်မှာ နေထိုင်တဲ့ ကလေး ခိုးယူသူဒေါ်မြင့်မြင့်မော် အသက် (၄၂ နှစ်)ကို ရာဇသတ်ကြီးပုဒ်မ ၃၆၃ အရွယ်မရောက်သည့်လူခိုးမှု)နဲ့ ရဲအုပ်မျိုးလွင်က အမှုဖွင့်အရေးယူ ထားပါတယ်။
သတင်း - ရီရီထွန်း ( မြင်းခြံ )