ရုရှားသွားမည့် မြန်မာလူငယ်ဘောလုံးသမားနှင့်သတင်းထောက်တို့ကို သံအမတ်ကြီးအားပေး

  ရုရှားနိုင်ငံမှာ ကမ္ဘာ့ဖလားပြိုင်ပွဲမတိုင်ခင်ကျင်းပမယ့် လူငယ်ဘောလုံးပွဲတော်မှာ ပါဝင် ယှဉ်ပြိုင်မယ့် မြန်မာလူငယ် ဘောလုံးသမား မောင်မင်းခန့်သူနဲ့ လူငယ်သတင်းထောက် မောင်သန့်တေဇာတို့ကို   ရုရှားသံအမတ်ကြီးက သံရုံးမှာ တွေ့ဆုံအားပေးခဲ့တယ်လို့ မြန်မာ ဘောလုံးအဖွဲ့ချုပ်က သတင်းထုတ်ပြန်ပါတယ်။ မြန်မာလူငယ် ၂ဦးဟာ မော်စကိုမြို့မှာ ၂၀၁၈ ကမ္ဘာ့ဖလား ပြိုင်ပွဲမတိုင်မီ ကျင်းပမယ့် လူငယ်ဘောလုံးပွဲတော်၊ လူငယ်ဖိုရမ်နဲ့ ကမ္ဘာ့ဖလားအဖွင့်ပွဲစဉ်တွေမှာ သွားရောက် ပါဝင်ဆင်နွှဲကြမှာ ဖြစ်ပါတယ်။ မြန်မာနိုင်ငံဟာ ဘောလုံးအားကစားကို ချစ်မြတ်နိုးတဲ့နိုင်ငံ ဖြစ်တယ်ဆိုတာ သိထား ပါကြောင်း၊ Football For Friendship Program ဟာ ကမ္ဘာတ၀န်းရှိ လူငယ်တွေ အချင်းချင်း မိတ်ဆွေရင်းချာ ရင်းနှီးဆက်ဆံမှု ပိုမိုရရှိဖို့ ဦးစားပေးဆောင်ရွက်တဲ့ အစီအစဉ်ဖြစ်တယ်လို့ ရုရှားသံအမတ်ကြီး အန်၊အေ၊လီစတိုပါဒေါ့ဗ်ကပြောပါတယ်။ အဆိုပါ Football For Friendship Program မှာ မြန်မာ ဘောလုံးအကယ်ဒမီက ထူးချွန်ကျောင်းသား မုံရွာမြို့သား မောင်မင်းခန့်သူနဲ့ လူငယ်သတင်းထောက် မောင်သန့်တေဇာ တို့ဟာ လာမည့်ဇွန်လ ၈ ရက် မနက်ကစတင်ကာ မော်စကိုမြို့သို့သွားရောက်ကြမှာ ဖြစ်ပါတယ်။ မြန်မာလူငယ်အဖွဲ့ကို မြန်မာနိုင်ငံ ဘောလုံးအဖွဲ့ချုပ်ဥက္ကဋ္ဌ ဦးဇော်ဇော်ကလည်း  နိုဗိုတယ်ဟိုတယ်မှာ တွေ့ဆုံပြီး တိုင်းပြည်အတွက် အားထားရတဲ့ မျိုးဆက်သစ်တွေ ဖြစ်လာစေဖို့ မှာကြားခဲ့တယ်လို့ သိရပါတယ်။ လူငယ်ဘောလုံးပွဲတော်ကို ကမ္ဘာ့နိုင်ငံပေါင်း ၂၀၀ ကျော်က တစ်သင်းကို ကစားသမား ၆ ဦးစီနဲ့  ဖွဲ့စည်းထားတဲ့ အသင်းတွေနဲ့ ဖွဲ့စည်းယှဉ်ပြိုင်ကြမှာပါ။ မြန်မာကစားသမား မင်းခန့်သူကတော့ နောက်တန်းကစားသမားအဖြစ် မော်ဒိုဗာ၊ ဆာမိုဟာ၊ ပါကစ္စတန်၊ စပိန်၊ ပီရူးစတဲ့ နိုင်ငံတွေက ကစားသမားတွေနဲ့ အတူ Gharial အသင်းမှာ ပါဝင်ကစားမှာဖြစ်ပါတယ်။ ဓာတ်ပုံ-MFF

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up