ငြိမ်းချမ်းရေး လူထုနှီးနှောဖလှယ်ပွဲကို လွိုင်ကော်တွင် ကျင်းပ
DVB
·
May 28, 2018
လူထုသဘောထားကို အခြေခံတဲ့ ငြိမ်းချမ်းရေး တည်ဆောက်နိုင်ဖို့အတွက် ငြိမ်းချမ်းရေး လူထုနှီးနှောဖလှယ်ပွဲကို ကယားပြည်နယ် လွိုင်ကော်မြို့က ကေ့ထျိုးဘိုခန်းမဆောင်မှာ မေလ ၂၆ ရက်ကစပြီး ၃ ရက်ကြာပြုလုပ်ခဲ့ပါတယ်။
ဒီနှီးနှောဖလှယ်ပွဲမှာ လတ်တလော မြန်မာ့ငြိမ်းချမ်းရေးဖြစ်စဉ်နဲ့ အလားအလာတွေကို သုံးသပ်ဆွေးနွေးခဲ့ကြပြီးတော့ တိုင်းရင်းသားလက်နက်ကိုင်အဖွဲ့တွေ၊ နိုင်ငံရေးပါတီတွေ၊ နိုင်ငံရေးအင်အားစုတွေ၊ လူငယ်နဲ့ အမျိုးသမီးအဖွဲ့တွေက တင်သွင်းတဲ့ ငြိမ်းချမ်းရေးဆိုင်ရာ သဘောထား စာတမ်း (၂၅) စောင်ကို ဖတ်ကြားခဲ့ပါတယ်။
ယခုနှီးနှောဖလှယ်ပွဲကနေ ငြိမ်းချမ်းရေးဆိုင်ရာ အမြင်သဘောထားတွေကိုလည်း စုစည်းထုတ်ပြန်ခဲ့ပါတယ်။
နှီးနှောဖလှယ်ပွဲကျင်းပရေးကော်မတီဝင် ခွန်းဘီထူးက "ဒီထုတ်ပြန်ကြညာချက်ရဲ့ အနှစ်ချုပ်က ကျနော်တို့ ရေရှည်တည်တန့်နိုင်မယ့် ငြိမ်းချမ်းရေးဖြစ်နိုင်ဖို့အတွက်ဆိုရင် ဒီလိုဆွေးနွေးမှုတွေကို လုပ်ဖို့ လိုအပ်တယ်။ ဒီဆွေးနွေးမှုတွေကို အစိုးရရယ်၊ စစ်တပ်ရယ်၊ လက်နက်ကိုင် အဖွဲ့အစည်းတွေ နားထောင်ဖို့ လိုအပ်တယ်" လို့ ပြောပါတယ်။
ဒါ့အပြင် ဒီကတင်ပြလိုက်တဲ့ အချက်အလက်တွေ၊ လူထုရဲ့ ခံစားချက်တွေကို နားထောင်ပြီးမှ ငြိမ်းချမ်းရေးကို အမှန်တကယ်ပဲဆောက်ရွက်နိုင်ဖို့နဲ့ ဒီလိုဆွေးနွေမှုမျိုးကို တနိုင်ငံလုံးပြုလုပ်ပြီးတော့ အစိုးရကနေပြီး လမ်းကြောင်းသစ်တစ်ခုရှာနိုင်ဖို့ ဖြစ်တယ်လို့ ဆိုပါတယ်။
နှီးနှောဖလှယ်ပွဲ ထုတ်ပြန်ချက်ထဲမှာ ၂၀၀၈ ဖွဲ့စည်းပုံ ပြင်ဆင်ရေး၊ အမျိုးသမီး၊ အရပ်ဖက်အဖွဲ့နဲ့ လူထုကိုယ်တိုင်ပါဝင်တဲ့ ငြိမ်းချမ်းရေးဖြစ်ရေး၊ အန်စီအေတွင် လက်မှတ်မထိုး တဲ့ တိုင်းရင်းလက်နက်ကိုင်အဖွဲ့တွေ ငြိမ်းချမ်းရေး ဖြစ်စဉ်မှာ ပါဝင်ခွင့်ရရေး၊ တပ်မတော်မှ တိုင်းရင်းသားဒေသတွေမှာ ထိုးစစ်ဆင်မှုရပ်တန့်ဖို့နဲ့ တပ်မတော်က တပြည်လုံး အပစ်အခတ်ရပ်စဲကြောင်း ကြေညာဖို့စတာတွေ ပါဝင်ပါတယ်။
ဒီပွဲမှာ ကရင်နီပြည်နဲ့ ကယန်းဒေသက လူထုတွေ၊ အရပ်ဖက်အဖွဲ့တွေ၊ နိုင်ငံရေး ပါတီတွေ၊ နိုင်ငံရေးအင်အားစုတွေနဲ့ တိုင်းရင်းသားလက်နက်ကိုင်အဖွဲ့တွေက လူဦးရေ ၃၀၀ ကျော် ပါဝင်တက်ရောက်ခဲ့ပါတယ်။
ကရင်နီအရပ်ဖက်အဖွဲ့တွေဖြစ်တဲ့ ကရင်နီပြည်လူငယ်များသမဂ္ဂ(ယူကေအက်စ်ဝိုင်) နဲ့ LAIN နည်းပညာအထောက်အကူပြုအဖွဲ့က အခုပွဲကို စီစဉ်ခဲ့တာ ဖြစ်ပါတယ်။
သတင်း၊ ဓာတ်ပုံ - ခွန်းတူးတူးလေး