တောရိုင်းတိရစ္ဆာန်လေးတွေရဲ့ ယုံကြည်မှုရဖို့ ၃ နှစ်ကြာကြိုးစားခဲ့တဲ့ ဓာတ်ပုံဆရာ (ရုပ်သံ)

အင်္ဂလန်နိုင်ငံက ဓာတ်ပုံဆရာတဦးက ငှက်ကလေးတွေအပါအဝင် တောရိုင်းတိရစ္ဆာန် သေးသေးလေးတွေ လက်ထဲက အစာကို လာစားတဲ့အထိ အနီးကပ်ရင်းနှီးနေတဲ့ ဓာတ်ပုံတွေ ရိုက်ကူးနိုင်ခဲ့ပါတယ်။ အသက် ၃၉ နှစ်အရွယ် ဒါဘီရှီးယားကောင်တီ ဝိုက်ဝဲလ်ရွာသား စတိ့ဗ်က ကြွက်တွေ၊ လယ်ယာ ချောင်းမြောင်းတွေနားမှာနေတဲ့ ငှက်တွေနဲ့ ဆက်သွယ်မှု တိုးတက်လာဖို့နဲ့ သတ္တဝါလေးတွေရဲ့ ယုံကြည်မှုရဖို့ အချိန် ၃ နှစ်ယူခဲ့ရတယ်လို့ ဆိုပါတယ်။ ခုချိန်မှာတော့ အလွယ်တကူကြောက်တတ်တဲ့ သတ္တဝါလေးတွေက အကြောက်အလန့်မရှိ စတိ့ဗ်ထံ ပျော်ပျော်ရွှင်ရွှင် ချဉ်းကပ်ကာ နေကြာစေ့တွေနဲ့ အခြားအစားအစာတွေကို စားရင်း သူနဲ့ နေနေကြတာ ဓာတ်ပုံတွေထဲ တွေ့ရပါတယ်။ ဒီသတ္တဝါလေးတွေ နီးနီးကပ်လာကြပြီး သူတို့ရဲ့ ချစ်စဖွယ်အမူအရာ ဓာတ်ပုံများစွာကို ရိုက်ကူးနိုင်ခဲ့တာက အရမ်းအံ့သြဖို့ ကောင်းတယ်လို့ စတိဗ်က ပြောပါတယ်။ စမ်းသပ်ခန်း နည်းပညာရှင်အနေနဲ့ အလုပ်လုပ်တဲ့ စတိ့ဗ်က သူ့ရဲ့ ဘယ်ဘက်လက်ကို သုံးပြီး သတ္တဝါလေးတွေကို အစာကျွေးကာ ညာလက်နဲ့ ဓာတ်ပုံရိုက်ခဲ့တာပါ။ “အချို့သတ္တဝါလေးတွေကို ရင်နှီးယဉ်ပါးအောင် လုပ်နိုင်ပေမယ့် အချို့သတ္တဝါလေးတွေကိုတော့ ခုထိ ယဉ်ပါးအောင် မလုပ်နိုင်သေးဘူး။ ငှက်တွေက ယဉ်ပါးဖို့ လွယ်ကူပြီး ရော်ဘင်ငှက်ကလေးတွေကတော့ မကြောက်တတ်ဆုံးပဲ” လို့ သူက ပြောကြောင်း ဒေးလီးမေးလ်သတင်းမှာ မေလ ၂၆ ရက်နေ့က ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up