ရန်ပုံငွေ အလွဲသုံးစားမှုဖြင့် ထိုင်းသံဃနာယကအဖွဲ့ဝင် သံဃာအချို့ ဖမ်းဆီးခံရ

Photo : mgronline.com
ထိုင်းနိုင်ငံ သာသနာရေးဦးစီးဌာနရဲ့ ညွှန်ကြားချက်နဲ့ သာသနာတော်သန့်ရှင်းရေး စီမံချက် ဆောင်ရွက်နေရာမှာ မနေ့က ဘန်ကောက်နာမည်ကြီး ကျောင်းတိုက်ရှိ သံဃာနဲ့ ဂေါပက အဖွဲ့ဝင်တွေ ဖမ်းဆီးခံခဲ့ရပါတယ်။ ထိုင်းရာဇဝတ်မှု နှိမ်နင်းရေးရဲတပ်ဖွဲ့နဲ့ နယ်မြေခံရဲတပ်ဖွဲ့ဝင်တွေဟာ မနေ့မနက်က ဘန်ကောက်ရှိ ဆကစ်ရာ့ခ်ျချွန်း၊ ဆန်ဖန်းထုန်း၊ ဆန်ဖယောင်း အစရှိတဲ့ နာမည်ကြီး ကျောင်းတိုက် ၃ တိုက်ကို ဝင်ရောက်စစ်ဆေးပြီး သံဃာ ၅ ပါးနဲ့ ဂေါပကအဖွဲ့ဝင် ၄ ဦးတို့ကို ဖမ်းဆီးလိုက်ပါတယ်။ ဒီမတိုင်ခင်က သာသနာရေးဦးစီးဌာန လက်အောက်ခံ သာသနိက အဆောက်အဦ ရန်ပုံငွေ ခွဲဝေချထားရေးဌာနမှာ ရသုံးငွေစာရင်း ဘတ်သန်းပေါင်း ၆၉ သန်း အလွဲသုံးစား လုပ်တာနဲ့ ပတ်သက်ပြီး ရုံးအဖွဲ့မှူးနဲ့ ၀န်ထမ်းတချို့ အမှုရင်ဆိုင်ခဲ့ကာ တချို့က ထွက်ပြေး လွတ်မြောက်နေပါတယ်။ အဲဒီကနေ ငွေလွှဲရာလမ်းကြောင်း ကွင်းဆက်တွေ ဆက်လက်စစ်ဆေးရာက နယ်မြေထဲ ပရိယတ္တိ စာသင်တိုက်ဆောက်လုပ်ရေး၊  ပညာရေး အသုံးစရိတ် ဘတ်ဂျက်တင်ပြသူ ကျောင်းထိုင်ဆရာတော် ဖရထုန်းချိုင်းရဲ့ ငွေစုစာအုပ် ၁၀ အုပ်မှ ဘတ်သန်းပေါင်း  ၁၃၀ သန်းကို စစ်ဆေးတွေ့ရှိခဲ့ပြီး ဆရာတော်နဲ့တကွ လက်ထောက်ဆရာတော်၊ ကျောင်းဂေါပက၊ ကျောင်းကော်မတီတို့ကို သာသနာ့ငွေအလွဲသုံးစားမှုနဲ့ အမှုဖွင့်ကာ ဝရမ်းစာနဲ့ ဝင်ရောက်ဖမ်းဆီးလိုက်တာ ဖြစ်ပါတယ်။ သံဃာ ၅ ပါး နဲ့ လူ ၄ ဦး ဖမ်းဆီးခံရပေမယ့် ကျောင်းထိုင်ဆရာတော် ဖရထုန်းချိုင်းမှာ မေ ၂၃ ရက် ညနေ ၄ နာရီကျော်ကတည်းက ပျောက်ဆုံးနေလို့ ဖမ်းဆီးအရေးယူနိုင်ဖို့ တခြားသံသယရှိ ကျောင်းတိုက်တွေကို ဆက်လက်စစ်ဆေးသွားမယ်လို့ ထိုင်းရာဇဝတ်မှု နှိမ်နင်းရေးရဲတပ်ဖွဲ့ ဒုရဲမှူးချုပ် ထိဒိရာ့ခ်ျ နောင်ဟန်ဖိထတ်က သတင်းထောက်တွေကို ပြောပါတယ်။ ထွက်ပြေးလွတ်မြောက်နေသူ ကျောင်းထိုင်ဆရာတော် ဖရထုန်းချိုင်းနဲ့ ဖမ်းဆီးခံထားရတဲ့  လက်ထောက် ကျောင်းထိုင်ဆရာတော်တို့မှာ နိုင်ငံတော်က ပေးအပ်တဲ့ သံဃာဆိုင်ရာ ဘွဲ့တံဆိပ်တွေ ရထားပြီး မဟာသံဃာ့နာယကအဖွဲ့ဝင်လည်း ဖြစ်ပါတယ်။ ကိုးကား - https://mgronline.com/crime/detail/9610000051715 မန်နေဂျာအွန်လိုင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up