သီတဂူမျက်စိဌာနက ဟုမ္မလင်းမြို့တွင် မျက်စိဝေဒနာရှင် ၂၀၀ကျော်ကို ခွဲစိတ်ကုသပေး
DVB
·
May 15, 2018
စစ်ကိုင်းတိုင်းဒေသကြီး၊ ဟုမ္မလင်းမြို့မှာ မျက်စိဝေဒနာရှင်ပေါင်း ၂၀၀ကျော်ကို သီတဂူမျက်စိဌာနက စမ်းသပ်ခွဲစိတ်ပေးခဲ့ပါတယ်။
အဋ္ဌမအကြိမ်မြောက် ဆေးအလှူတော်နဲ့ ပဉ္စမအကြိမ် စက္ခုဒါနအလင်းအလှူမှာ သီတဂူမျက်စိဌာနက မျက်စိခွဲစိတ်အထူးကု ပါမောက္ခ ဒေါက်တာဦးမြအောင် ဦးဆောင်တဲ့ ဆရာဝန်ကြီး ၈ ဦးအပါအဝင် ဟုမ္မလင်းမြို့ မျက်စိဌာန ဆရာဝန်၊ သူနာပြုတွေ ပူးပေါင်းပါဝင်ခဲ့ပါတယ်။
မျက်စိခွဲစိတ်ကုသမှုကို မေ ၅ ရက်ကနေ ၁၂ ရက်ထိ မျက်စိဝေဒနာရှင် ၂၀၉ ဦးကို စမ်းသပ်ခွဲစိတ်ပေးခဲ့ပြီး ပြင်ပလူနာဌာနမှာ လူ ၁၀၀၀ကျော်ကို စမ်းသပ်ပေးခဲ့ကာ နာဂတောင်တန်းဒေသ အပါအဝင်၊ ချင်းပြည်နယ်၊ ကချင်ပြည်နယ်တို့က မျက်စိဝေဒနာရှင်တွေလည်း လာရောက်ကုသခဲ့ကြပါတယ်။
ခွဲစိတ်ပြီးတဲ့ လူနာတွေကိုလည်း မေလ ၁၄ ရက်နေ့မှာ ပြန်လည်စစ်ဆေးပေးခဲ့ပါတယ်။
