ငြိမ်းချမ်းရေးအတွက် လူထုလှုပ်ရှားမှု ချီတက်ပွဲ ဖြိုခွင်းခံရ
ကျော်ဇေယျာဝင်း
·
May 13, 2018
ရန်ကုန်အခြေစိုက် တက်ကြွလှုပ်ရှားသူများ၊ လူငယ်အဖွဲ့များနဲ့ အရပ်ဘက် အဖွဲ့အစည်းတွေ ပူးပေါင်းပြုလုပ်တဲ့ "ငြိမ်းချမ်းရေးအတွက် လူထုလှုပ်ရှားမှု" ခေါင်းစဉ်နဲ့ ငြိမ်းချမ်းရေး ချီတက်ပွဲတရပ်ကို မေလ ၁၂ ရက် ညနေ ၅ နာရီက စတင်ပြုလုပ်ခဲ့ပါတယ်။
အဲ့ဒီလှုပ်ရှားမှုကို တာမွေမြို့နယ်၊ အိုးရှန်းစင်တာအရှေ့မှာ စတင်ချိန်မှာ ရဲတပ်ဖွဲ့ဝင် တွေက တားဆီးခဲ့ပါတယ်။
အဲ့ဒီနောက် စစ်ပွဲများချက်ချင်းရပ်၊ စစ်ပွဲများချုပ်ငြိမ်းရေး တွေ့ဆုံဆွေးနွေး အဖြေရှာပေး စတဲ့ကြွေးကြော်သံများရွတ်ဆိုကာ ငြိမ်းချမ်းရေးသီချင်းတွေသီဆိုပြီးနောက်မှာ ရဲတပ်ဖွဲ့ဝင်တွေက ဝင်ရောက်နှိမ်းနင်းခဲ့တာပါ။
ရဲတပ်ဖွဲ့ဝင်တွေ လူစုခွဲနှိမ်နှင်းရာမှာ ကိုဇေယျာလွင်၊ ကိုတင်ထွဋ်ပိုင်၊ ကိုဖိုးစိုး၊ မခင်စန္ဒာတို့ အပါအဝင် ၉ ဦးလောက် ဖမ်းဆီးခဲ့ပါတယ်။