မြန်မာသတင်းစာလောကမှာ ဩဇာရှိပြီး ချစ်ခင်လေးစားကြတဲ့ သတင်းစာ ဆရာကြီး လူထုစိန် ဝင်းဟာ ကျန်းမာရေးအခြေအနေ ဆိုးရွားလာတာကြောင့် ရန်ကုန်မြို့ ရွှေဂုံတိုင် SSC အထူး ကုဆေးရုံမှာ တက်ရောက်ကုသနေစဉ် မနေ့ည ၁၁ နာရီခွဲလောက်က ကွယ် လွန်သွားပါတယ်။
[caption id="attachment_26750" align="alignleft" width="300" caption="လူထုစိန်ဝင်း"]
[/caption]
လူထုစိန်ဝင်း ဈာပနကို ကူညီလုပ်ကိုင်ပေးနေတဲ့ တပည့်သားချင်းတဦးက “ဆရာ မနေ့ည ၁၁နာရီခွဲက ဆုံးသွားပါတယ်။ မနေ့မနက်က ၁ဝနာရီခွဲလောက်က ဆေးရုံတင်တာပါ။ ဆရာ နေမ ကောင်းတာကတော့ မတ်လလောက်ကတည်းက နေမကောင်းနေတာ။ စာ မရေးနိုင်တာလည်း ၂ လလောက်ရှိပါပြီ။ အရင်ရှိတဲ့ ရောဂါအခံနဲ့ပဲဆုံးသွားတာ” လို့ပြောပါတယ်။
ကွယ်လွန်ချိန်မှာ အသက် ၇၂ နှစ်ရှိပြီဖြစ်တဲ့ လူထုစိန်ဝင်းဟာ လေဖြတ်ဝေဒနာ နှစ်ပေါင်း များစွာ ခံစားနေရကာ အောက်ဆီဂျင်ပိုက်နဲ့ အသက်ဆက်နေရသူ ဖြစ်ပါတယ်။ သူ့ရဲ့ဈာပနကို အင်္ဂါနေ့မွန်းလွဲ ၂ နာရီလောက် ရေဝေးသုသာန်မှာ မီးသင်္ဂြုဟ်ဖို့ အစီအစဉ်ရှိပါတယ်။
လူထုစိန်ဝင်း ကွယ်လွန်သွားတာနဲ့ ပတ်သက်ပြီး စာရေးဆရာကြီး ဒဂုန်တာရာကတော့ လူထုစိန်ဝင်းဟာ အမှန်ကိုမြင်တဲ့ ပြည်သူ့ဘက်က ရပ်တည်ခဲ့တဲ့ သတင်းစာဆရာတဦး ဖြစ်တယ်လို့ပြောပါတယ်။
“ကိုစိန်ဝင်းက ကျနော်သိပ်အရင်းနှီးဆုံးပေါ့။ သူဆုံးသွားတော့ ကျနော်စိတ်မကောင်းဖြစ်ပါတယ်။ သူက ပြည်သူတွေဘက်က ရပ်တည်ခဲ့တာပဲ။ ခုလို ဆုံးသွားတဲ့အတွက် သူ့နေရာမှာ အစားထိုးဖို့ခက်တယ်။ အစားထိုးလို့ မရဘူး။ သတင်းစာဆရာတယောက်အနေနဲ့ကတော့ လူကောင်းတယောက်ပဲ။ အမှန်ကိုမြင်တယ် မြင်လည်းမြင်တယ်။ တိုင်းပြည် အကျိုးပြုတဲ့အထဲမှာပါတဲ့ လူတယောက်ပဲ။”
သတင်းစာဆရာကြီး ဦးဝင်းတင်ကတော့ လူထုစိန်ဝင်းဟာ အမှန်တရားဘက်က ရပ်ရုံတင်မက အမှားတရားတွေကို တိုက်ဝံ့တဲ့သူဖြစ်တယ်လို့ မှတ်ချက်ပေးပါတယ်။
“ကိုစိန်ဝင်းဟာ အမြဲတမ်း အမှန်တရားဘက်က ရပ်ရုံတင်မဟုတ်ဘူး အမှားတရားကို တိုက်ဝံ့တဲ့လူ။ အမှန်ဘက်ကရပ်ဝံ့တယ်။ ရပ်တယ်။ ရပ်ရုံတင်မဟုတ်ဘူး၊ အမှားတွေများနေတဲ့အခါမှာ အမှားကိုတိုက်ဝံ့တယ်။ နောက်တချက်ကတော့ အပြောင်းအလဲကို တောင်းဆိုရဲတဲ့လူဖြစ်တယ်လို့ ကျနော်ပြောချင်ပါတယ်။ ပြည်သူ့ဘက်ကနေရပ်ခဲ့တဲ့ သတင်းစာဆရာ၊ အမှားတရားကို တိုက်ခဲ့တဲ့သတင်းစာဆရာ၊ အမှန်တရားဘက်ကရပ်ခဲ့တဲ့ သတင်းစာဆရာ၊ အပြောင်းအလဲတွေကို တောင်းဆိုရဲတဲ့ သတင်းစာဆရာအနေနဲ့ ကွယ်လွန်သွားပြီ။ သတင်းစာ ဆရာတဦး ကွယ်လွန်သွားတာ တိုင်းပြည်အတွက်လည်း ဆုံးရှုံးမှု၊ လူ့ဘောင်လူ့အဖွဲ့အစည်းအတွက်လည်း ဆုံးရှုံးမှု၊ ပြည်သူပြည်သားတွေအတွက်လည်း ဆုံးရှုံးမှုဖြစ်တယ်။ အဲဒါအတွက် စိတ်မကောင်းဖြစ်တာနဲ့အတူ ပြောချင်တာကတော့ ရှိတ်စပီးယားပြဇာတ် ထဲကလိုပေါ့ဗျာ။ ကိုစိန်ဝင်းကားသေလေပြီ။ သက်တော်ရာကျော်ရှည်ပါစေသတည်းလို့ အဲသလိုပဲ ဆုတောင်းရတော့မှာပဲ။ ကိုစိန်ဝင်း ကွယ်လွန်သွားတယ်။ သို့သော် ကိုစိန်ဝင်း အယူအဆတွေ၊ သဘောထားတွေ စံနမူနာတွေ၊ ရပ်တည်ချက်တွေ၊ သူ့ရဲ့လမ်းပြချက်တွေဟာဖြင့် ဆက်ပြီးတော့ သက်တော်ရာကျော်ရှည်ပါစေလို့ကျနော်ဆုတောင်းပါတယ်။”
လူထုဦးလှနဲ့လူထု ဒေါ်အမာတို့ရဲ့ သားဖြစ်သူ စာရေးဆရာ ညီပုလေးကတော့ လူငယ်တွေအတွက် စံနမူနာယူစရာ သတင်းစာသမားတဦးဖြစ်တယ်လို့ပြောပါတယ်။
“အဖေတို့ အမေတို့ လူထုတိုက်ကနေ အနုပညာလောကမှာ အဖေတို့ အမေတို့ရဲ့ တူ၊ သားတွေ ထွက်ပေါ်ခဲ့တယ်ဗျ။ အဲ့ပုဂ္ဂိုလ်တွေက သူတို့ကျရာ နယ်ပယ်တွေမှာ တာဝန်ကျေခဲ့ကြတယ်။ အဲ့အထဲမှာ ဆရာလူထုစိန်ဝင်းကလည်း တယောက်အပါအဝင် ဖြစ်တယ်ဗျ။ သတ္တိ ပြောင်တယ်ဗျ။ ကလောင်စကားထက်တယ်ဗျ။ စာပေဩဇာကြီးတယ်။ စာဖတ်ပရိသတ်တွေရဲ့ မေတ္တာကို အများကြီးခံယူရတဲ့လူဗျ။ နောက် သူအလုပ်တွေအများကြီး လုပ်သွားတယ်ဗျ။ ဆောင်းပါးတွေ မရေမတွက်နိုင်ဘူးထင်တယ်။ သူ့လုပ်ရပ်တွေ ရပ်တည်ချက်တွေကို ကျနော်ဟာ လေးစားတယ်။ အားကျတယ်။ နောက် မျိုးဆက်တွေ စာနယ်ဇင်းဖွံ့ဖြိုးလာတဲ့အခါ နောက်မျိုးဆက် စာနယ်ဇင်းသမားတွေ ဆရာ့ကို အားကျဖို့ အတုယူဖို့ကောင်းတယ်။ ဆရာနမူနာကောင်းတွေ အများကြီးပြခဲ့တာဗျ။ ဆရာ ဆုံးတာဟာ နိုင်ငံရေးစာပေနယ်ရော၊ စာနယ်ဇင်းနယ်ရော အလွန်ကိုကြီးမားတဲ့ ဆုံးရှုံးမှုကြီးလို့ ကျနော်တော့ ခံစားရတယ်ဗျ။”
လူထုစိန်ဝင်းကို မန္တလေးမြို့မှာ ၁၉၄ဝ ပြည့်နှစ်၊ ဩဂုတ် ၁၃ ရက်နေ့မှာ မွေးဖွားခဲ့ပြီး မန္တလေးနဲ့ ရန်ကုန် တက္ကသိုလ်တွေမှာ ပညာဆည်းပူးခဲ့ပါတယ်။ လူထု သတင်းစာတိုက် မန္တလေးနဲ့ ရန်ကုန် တိုက်ခွဲတွေမှာ အယ်ဒီတာ အဖွဲ့ဝင်တဦးအဖြစ် တာဝန်ယူခဲ့ပြီး ၁၉၆၇ ခုနှစ် လူထုသတင်းစာ တိုက်ပိတ် ခံရချိန်ထိ တာဝန်ထမ်းဆောင်ခဲ့ပါတယ်။
၁၉၆၉ ခုနှစ်မှာ ဗိုလ်ချုပ်ကြီးနေဝင်း ခေါင်းဆောင်တဲ့ အာဏာသိမ်း တော်လှန်ရေးကောင်စီ အစိုးရလက်ထက်မှာ ဖမ်းဆီးခံရပြီး ကိုကိုးကျွန်းကို ပို့ဆောင် ထိန်းသိမ်းခံခဲ့ရတဲ့ နိုင်ငံရေး အကျဉ်း သားတွေထဲမှာ တဦးအပါအဝင် ဖြစ်ပါတယ်။ နောက်ပိုင်းမှာ အင်းစိန်ထောင်မှာ ပြောင်း ရွှေ့ထိန်းသိမ်းခံခဲ့ရပါတယ်။
ထောင်ကပြန်လွတ်လာပြီးနောက် လေဖြတ်ဝေဒနာကြောင့် ခန္ဓာကိုယ် ညာဘက် တခြမ်း သေသွားခဲ့ပေမယ့် ဘယ်လက်နဲ့ စာရေး လေ့ကျင့်ကာ လူငယ်တွေ၊ အမျိုးသမီးတွေအတွက် ဘဝအား မာန် ဖြစ်စေတဲ့ အကြောင်းတွေ၊ မြန်မာ့အရေးနဲ့ နိုင်ငံတကာရေးရာတွေကို ပြည်တွင်းထုတ် ဂျာနယ်တွေ၊ မဂ္ဂဇင်းတွေမှာ မကွယ်လွန်ခင် လပိုင်းအချိန်ထိ အဆက်မပြတ် ရေးသားခဲ့သူဖြစ်ပါတယ်။
စာရေးရာမှာ ဝင်းဇော်၊ ဇာမဏီ စတဲ့ ကလောင်ခွဲပေါင်း ၁၅ ခုလောက် အသုံးပြုခဲ့ပြီး ဘာသာပြန်နဲ့ ပင်ကိုယ်ရေး အပါအဝင် စာအုပ်ပေါင်း ၂ဝ ကျော် ထုတ်ဝေခဲ့ပါတယ်။
လူထုစိန်ဝင်း ရေးသားခဲ့တဲ့ ထင်ရှားတဲ့ဘာသာပြန် စာအုပ်တွေကတော့ တောင်ဗီယက်နမ်မှ ငရဲခန်းများ၊ အလံမလှဲ စတမ်း၊ အဖြူနဲ့အဝါ၊ အဖြူနဲ့အမဲ စတဲ့စာအုပ်တွေ ဖြစ်ပါတယ်။ ပင်ကိုယ်ရေး ဝတ္ထုထဲမှာ စောမိုခမ်း ဝတ္ထုဟာ ထင်ရှားသော လက်ရာတခု ဖြစ်ပါ တယ်။ သတင်းစာပညာနဲ့ ပတ်သက်ပြီးလည်း စာနယ်ဇင်း အရေးအသား ပုံစံသစ်၊ သတင်းစာ ပညာ သောင်းပြောင်းထွေလာ စတဲ့စာအုပ်တွေ ထုတ်ဝေခဲ့ပါတယ်။
မြန်မာနိုင်ငံမှာ စစ်အာဏာရှင်စနစ်လွတ်မြောက်ရေးအတွက် ပြည်သူဘက်က အစဉ်ရပ်တည်ပြီး ဝေဖန်ရေးသား ပြောဆိုလေ့ရှိသလို အမျိုးသားဒီမိုကရေစီ အဖွဲ့ချုပ်ကိုလည်း ဝေဖန် ထောက်ပြမှုတွေ ပြုလုပ်ခဲ့ဖူးပါတယ်။
